ബോളിവുഡില്‍ ഏറെ ആരാധകരുള്ള നടിമാരിലൊരാളാണ് സാന്യ മല്‍ഹോത്ര. സൂപ്പര്‍ താര ചിത്രത്തിലെ ക്യാരക്ടര്‍ റോളിലൂടെയായിരുന്നു സാന്യയുടെ അരങ്ങേറ്റം. ഇന്ന് ബോളിവുഡിലെ തിരക്കുള്ള നായികമാരില്‍ ഒരാളാണ് സാന്യ. ഇതിനോടകം ഒരുപിടി മികച്ച കഥാപാത്രങ്ങളെ അവതരിപ്പിക്കാന്‍ സാന്യയ്ക്ക് കഴിഞ്ഞിട്ടുണ്ട്. പൊതുവേയുള്ള നായകന്റെ നിഴലില്‍ ഒതുങ്ങിയുള്ള കഥാപാത്രങ്ങളില്‍ നിന്നെല്ലാം തികച്ചും വ്യത്യസ്തമാര്‍ന്ന കഥാപാത്രങ്ങളെയായിരുന്നു നടി അവതരിപ്പിച്ചത്. എല്ലാം കാമ്പുള്ള കഥാപാത്രങ്ങള്‍ തന്നെയായിരുന്നു. കടാലാണ് സാന്യയുടെ പുതിയ ചിത്രം. മെയ് 19നാണ് ചിത്രത്തിന്റെ റിലീസ്. ചക്കപ്പഴവുമായി ബന്ധപ്പെട്ട കഥയാണ് ചിത്രം പറയുന്നത്. ചക്കപ്പഴ മോഷണത്തെ തുടര്‍ന്നുള്ള അന്വേഷണമാണ് ചിത്രത്തില്‍ ദൃശ്യവത്കരിക്കുന്നത്. ഇപ്പോഴിതാ തനിക്ക് ചക്കപ്പഴം ഭയങ്കര ഇഷ്ടമാണെന്ന് തുറന്ന് പറയുകയാണ് സാന്യ. ഈ ചിത്രം കാരണമാണ് തനിക്ക് ചക്കപ്പഴത്തോട് ഇഷ്ടം കൂടിയതെന്ന് സാന്യ മല്‍ഹോത്ര പറയുന്നു. കടാല്‍ എന്ന ചിത്രത്തില്‍ ആനന്ദ് ജോഷിയാണ് സാന്യയുടെ ജോഡി. യശോവര്‍ധണ മിശ്രയാണ് ചിത്രം സംവിധാനം ചെയ്യുന്നത്.
Read Moreചക്കപ്പഴത്തോടാണ് ഇപ്പോള്‍ ഏറ്റവും ഇഷ്ടം ! സാന്യ മല്‍ഹോത്രയുടെ തുറന്നു പറച്ചില്‍ കേട്ട് ഞെട്ടി ആരാധകര്‍…
