മഹാഭാരതം സിനിമയാകുന്നെന്ന വാര്‍ത്തകള്‍ കേള്‍ക്കാന്‍ തുടങ്ങിയിട്ട് കാലംഏറെയായി. വമ്പന്‍ താരങ്ങളെ അണിനിരത്തി ഒരുക്കുന്ന ചിത്രത്തില്‍ അമീര്‍ഖാനാണ് പ്രധാന വേഷത്തില്‍ എത്തുന്നതെന്ന റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ ചിത്രത്തെക്കുറിച്ച് കൂടുതല്‍ വിവരങ്ങള്‍ പുറത്തുവന്നിട്ടില്ല. ഇപ്പോള്‍ മഹാഭാരതത്തില്‍ അമീറിന്റെ വേഷം എന്തെന്ന് വെളിപ്പെടുത്തിയിരിക്കുകയാണ് ബോളിവുഡിലെ കിങ് ഖാന്‍ ഷാരുഖ് ഖാന്‍. മഹാഭാരതത്തിലെ ശ്രീകൃഷ്ണന്റെ വേഷത്തില്‍ അമീര്‍ ഖാന്‍ എത്തുമെന്നാണ് ഷാരുഖ് പറയുന്നത്. ഡിഎന്‍എയ്ക്ക് നല്‍കിയ അഭിമുഖത്തിലാണ് ഷാരുഖ് വെളിപ്പെടുത്തല്‍ നടത്തിയത്. മഹാഭാരതത്തിലെ കൃഷ്ണന്റെ വേഷം അമീര്‍ നേരത്തെ എടുത്തു കഴിഞ്ഞെന്നും അതിനാല്‍ തനിക്ക് അത് ചെയ്യാനാവില്ലെന്നുമാണ് ഷാരുഖ് ഖാന്‍ പറഞ്ഞത്. ഏത് വേഷമാണ് ചെയ്യാന്‍ താല്‍പ്പര്യം എന്ന ചോദ്യത്തിന് മഹാഭാരതത്തിലെ കൃഷ്ണന്‍ എന്നായിരുന്നു ഷാരൂഖിന്റെ മറുപടി. 1000 കോടി മുതല്‍മുടക്കിലാണ് മഹാഭാരതം ഒരുങ്ങുന്നത് എന്നാണ് പുറത്തുവരുന്ന റിപ്പോര്‍ട്ടുകള്‍. ഏഴു ഭാഗങ്ങളായിട്ടായിരിക്കും ചിത്രം പുറത്തുവരിക.
Read Moreഎന്നാലും എന്റെ ആമിറേ ഇതൊരു വല്ലാത്ത ചെയ്ത്തായിപ്പോയി ! താന്‍ ആഗ്രഹിച്ച വേഷം ആമിര്‍ ഖാന്‍ തട്ടിയെടുത്തെന്ന് ഷാരൂഖ്…
