പോത്തന്‍കോട്ഗുണ്ടാ വിളയാട്ടം. വെഞ്ഞാറാമൂട് സ്വദേശിയായ ഷായ്ക്കും, പതിനേഴുകാരിയായ മകള്‍ക്കും നേരെയാണ് ആക്രമണമുണ്ടായത്. ബുധനാഴ്ച രാത്രി 8.30 ന് പോത്തന്‍കോട് വച്ചാണ് ഇവരെ നാലംഗ ഗുണ്ടാസംഘം ആക്രമിച്ചത്. ഹോട്ടലില്‍ നിന്നും ഭക്ഷണം കഴിച്ച് മടങ്ങുകയായിരുന്ന ഗുണ്ടകള്‍, അച്ഛനും മകളും സഞ്ചരിച്ച വാഹനം തടഞ്ഞുനിര്‍ത്തി ആക്രമിക്കുകയായിരുന്നു. പ്രതികള്‍ പെണ്‍കുട്ടിയുടെ മുഖത്തടിക്കുകയും കടന്നുപിടിക്കാന്‍ ശ്രമിക്കുകയും ചെയ്തു. മുടിയില്‍ കുത്തി പിടിച്ചു. കാറ് ബ്ലോക്ക് ചെയ്തുവെന്ന് ആരോപിച്ചായിരുന്നു ഗുണ്ടകള്‍ തങ്ങളെ മര്‍ദ്ദിച്ചതെന്നും, ഇന്നലെ തന്നെ പോലീസില്‍ പരാതി നല്‍കിയെന്നും ഷാ പറഞ്ഞു. സംഭവത്തില്‍ പോലീസ് അന്വേഷണം ആരംഭിച്ചു. ഫൈസല്‍ എന്നയാളുടെ നേതൃത്വത്തിലുള്ള നാലംഗ സംഘമാണ് അച്ഛനെയും മകളെയും ആക്രമിച്ചത്. പള്ളിപ്പുറത്ത് ജുവലറി ഉടമയെ മുളക് പൊടി എറിഞ്ഞ് വെട്ടിപ്പരിക്കേല്‍പ്പിച്ച് നൂറ് പവന്‍ സ്വര്‍ണ്ണം കവര്‍ന്നതുള്‍പ്പടെ നിരവധി കേസുകളിലെ പ്രതിയാണ് ഫൈസല്‍.
Read Moreതലസ്ഥാനത്ത് ഗുണ്ടാവിളയാട്ടം തുടരുന്നു ! പോത്തന്‍കോട് അച്ഛനെയും മകളെയും മര്‍ദ്ദിച്ചു; പെണ്‍കുട്ടിയെ കയറിപ്പിടിക്കാന്‍ ശ്രമം…
