കൊച്ചി: നടി പാര്‍വതിയെ ട്രോളിയവര്‍ ഇനി കണ്ടം വഴി ഓടേണ്ടിവരും. നടിക്കെതിരേ സൈബര്‍ ആക്രമണം നടത്തിയ കേസില്‍ ഒരാളെ പോലീസ് അറസ്റ്റു ചെയ്തു. വടക്കാഞ്ചേരി സ്വദേശി പ്രിന്റോയെ കൊച്ചി പോലീസാണ് അറസ്റ്റ് ചെയ്തത്. ഇയാളെ ഉച്ചക്ക് കോടതിയില്‍ ഹാജരാക്കും. പാര്‍വതിക്കെതിരായ പോസ്റ്റുകള്‍ സാമൂഹിക മാധ്യമങ്ങളിലൂടെ പ്രചരിപ്പിച്ചതിനാണ് പ്രിന്‍േറായെ കൊച്ചി പോലീസ് അറസറ്റ് ചെയ്തത്. തനിക്കെതിരേ വ്യാപകമായ രീതിയില്‍ സൈബര്‍ ആക്രമണം നടക്കുന്നുണ്ടെന്ന് നടി എറണാകുളം സൗത്ത് പോലീസ് സ്റ്റേഷനിലും ഡിജിപിക്കും പാര്‍വ്വതി പരാതി നല്‍കിയിരുന്നു. സോഷ്യല്‍ മീഡിയയിലൂടെ തന്നെ വ്യക്തിഹത്യ നടത്താന്‍ ശ്രമം നടക്കുന്നതായും മോശമായ ഭാഷയില്‍ അധിക്ഷേപിച്ചെന്നുമാണ് പാര്‍വതിയുടെ പരാതി. കസബയുടെ പേരില്‍ തുടങ്ങിയ വിവാദം ഇപ്പോഴും സോഷ്യല്‍ മീഡിയയിലൂടെ കത്തിപ്പടരുകയാണ്. ആയിരക്കണക്കിനാളുകളാണ് പാര്‍വതിയെ ട്രോളിക്കൊണ്ടുള്ള പോസ്റ്റുകള്‍ ഷെയര്‍ ചെയ്തത്. പ്രിന്റോയുടെ അറസ്റ്റ് പലരെയും ഭയപ്പെടുത്തിയിരിക്കുകയാണ്.
Read Moreകമന്റടിച്ചവരും ട്രോളിയവരും കണ്ടം വഴി ഓടാന്‍ റെഡിയായിക്കോ ! പാര്‍വതിക്കെതിരേ സൈബര്‍ ആക്രമണം നടത്തിയ കേസില്‍ ആദ്യത്തെയാള്‍ അറസ്റ്റില്‍; ബാക്കിയുള്ളവര്‍ പിറകേ…
