ലോക്ക്ഡൗണ്‍ പ്രഖ്യാപിച്ചതോടെ സോഷ്യല്‍മീഡിയയില്‍ ഇപ്പോള്‍ ചലഞ്ചുകളുടെ ബഹളമാണ്. നടന്‍ അബുസലിമും ഇപ്പോള്‍ വ്യത്യസ്ഥമായ ഒരു ചലഞ്ചുമായെത്തിരിക്കുകയാണ്. വ്യത്യസ്ത തരത്തിലുള്ള ഒരു പുഷ്അപ്പ് രീതിയാണ് നടന്‍ ചലഞ്ചിനായി തിരഞ്ഞെടുത്തിട്ടുള്ളത്. മലയാളത്തിലെ യുവ നായകന്മാരായ ടൊവിനോയെയും ഉണ്ണിമുകുന്ദനെയുമാണ് ഈ ചലഞ്ചില്‍ പങ്കെടുക്കാന്‍ അബു സലിം ക്ഷണിച്ചിരിക്കുന്നത്. ഇവരെക്കൂടാതെ യുവാക്കളായ കായികപ്രേമികള്‍ക്കും ക്ഷണമുണ്ട്. ഇതാണ് എന്റെ പുഷപ് സ്റ്റൈല്‍ എന്ന് കുറിച്ചാണ് നടന്‍ വിഡിയോ പങ്കുവച്ചത്. #abukkaschallenge എന്ന ടാഗ് ചേര്‍ത്ത് ചലഞ്ചില്‍ പങ്കെടുക്കാനാണ് നടന്‍ ആവശ്യപ്പെട്ടിരിക്കുന്നത്. ഉണ്ണി മുകുന്ദനും ടൊവിനോയും എങ്ങനെ ഈ ചലഞ്ചിനോടു പ്രതികരിക്കുമെന്നറിയാനുള്ള ആവേശത്തിലാണ് ആരാധകര്‍. അതിനാല്‍ തന്നെ ധാരാളം കമന്റുകളും വരുന്നുണ്ട്. ടൊവിനോയും ഉണ്ണിയും പെട്ടു എന്നും നടുവൊടിയും എന്നുമൊക്കെയാണ് ആരാധകര്‍ കുറിച്ചിരിക്കുന്നത്. ചിലരാകട്ടെ മറ്റു ചില താരങ്ങളെക്കൂടി ചലഞ്ചില്‍ പങ്കെടുപ്പിക്കണമെന്ന അഭിപ്രായക്കാരാണ്.
Read Moreവ്യത്യസ്ഥമായ പുഷ് അപ് ചലഞ്ചുമായി അബു സലിം ! ചലഞ്ച് ഏറ്റെടുക്കാന്‍ വെല്ലുവിളിച്ചിരിക്കുന്നത് ഉണ്ണി മുകുന്ദനെയും ടൊവിനോയെയും; വീഡിയോ കാണാം…
