ജിബിന്‍ കുര്യന്‍ കോട്ടയം: പുതുപ്പള്ളി ഉപതെരഞ്ഞെടുപ്പിലെ പരസ്യപ്രചാരണം ഞായറാഴ്ച സമാപിക്കാനിരിക്കെ പ്രചാരണപ്പാച്ചിലിലാണ് യുഡിഎഫ്-എൽഡിഎഫ്-എൻഡിഎ മുന്നണികൾ. പൊള്ളുന്ന ചൂടു വകവയ്ക്കാതെ പ്രചാരണച്ചൂടിലാണ് ചാണ്ടി ഉമ്മനും ജെയ്ക് സി. തോമസും ലിജിന്‍ ലാലും. ചാണ്ടി ഉമ്മനു ഭൂരിപക്ഷം കുറഞ്ഞാല്‍ ഉത്തരവാദിത്വം തനിക്കാകുമെന്നു പ്രഖ്യാപിച്ചു പ്രതിപക്ഷനേതാവ് വി.ഡി. സതീശന്‍റെ നേതൃത്വത്തിലാണ് യുഡിഎഫ് പ്രചാരണം. യുഡിഎഫിന്‍റെ വാർ റൂം നായകനായാണ് പ്രതിപക്ഷനേതാവിന്‍റെ പ്രവർത്തനം. കെപിസിസി പ്രസിഡന്‍റ് കെ. സുധാകരൻ, യുഡിഎഫ് കണ്‍വീനര്‍ എം.എം. ഹസന്‍, പി.കെ. കുഞ്ഞാലിക്കുട്ടി, കെ. മുരളീധരന്‍, ഉള്‍പ്പെടെയുള്ളവരും മണ്ഡലത്തിലുണ്ട്. തിരുവഞ്ചൂര്‍ രാധാകൃഷ്ണന്‍റെ നേതൃത്വത്തില്‍ വീടുകളില്‍ എത്തി എല്ലാവരെയും പോളിംഗ് ബൂത്തിലെത്തിക്കാനുള്ള ശ്രമവും തുടരുന്നു. യുഡിഎഫ് ക്യാമ്പിന് ആവേശം പകര്‍ന്ന് കോണ്‍ഗ്രസ് പ്രവര്‍ത്തക സമിതിയംഗം എ.കെ. ആന്‍റണി ഇന്നു പുതുപ്പളളിയില്‍ പ്രചാരണത്തിനെത്തും. എ.കെ. ആന്‍റണി പ്രചാരണത്തിനായി ആദ്യമായാണ് മണ്ഡലത്തിലെത്തുന്നത്. കോണ്‍ഗ്രസിന്‍റെ മുതിര്‍ന്ന നേതാവായ ആന്‍റണിയുടെ വരവു വലിയ ആവേശത്തോടെയാണ് യുഡിഎഫ്…
Read Moreപുതുപ്പള്ളിയിൽ എ.കെ. ആന്‍റണിയും അനിൽ ആന്‍റണിയും നേർക്കുനേർ ! പോരാട്ടത്തിന്‍റെ ചൂടുകൂട്ടി മുഖ്യമന്ത്രിയും; തരൂരിന്‍റെ റോഡ്ഷോ നാളെ
