തമിഴകത്തെ യുവനായികമാരുടെയെല്ലാം സ്വപ്‌ന നായകനാണ് ദളപതി വിജയ്. വിജയ് ചിത്രത്തില്‍ അഭിനയിച്ചാല്‍ കിട്ടുന്ന പ്രശസ്തി കരിയറില്‍ മുതല്‍ക്കൂട്ടാവുമെന്ന് ഇവരെല്ലാം കരുതുന്നു. എന്നാലിതാ വിജയ്യുടെ മകന്‍ ജേസണ് സഞ്ജയ്‌യുടെ നായികയായി അഭിനയിക്കണമെന്ന ആഗ്രഹം വെളിപ്പെടുത്തിയിരിക്കുകയാണ് മധുര പതിനേഴുകാരിയായ രവീണ ദാഹ. ‘ജില്ല’യില്‍ വിജയ്ക്കൊപ്പം ബാലതാരമായി അഭിനയിച്ചിട്ടുള്ള രവീണ ജീവ, രാക്ഷസന്‍ എന്നീ സിനിമകളിലും അഭിനയിച്ചിട്ടുണ്ട്. മിനിസ്‌ക്രീനിലും നിറഞ്ഞുനില്‍ക്കുന്ന താരമിപ്പോള്‍ മൗനരാഗം സീസണ്‍ 2വിലും ഭാഗമായിട്ടുണ്ട്. ജേസണ് സഞ്ജയ് ഇപ്പോള്‍ കാനഡയില്‍ സിനിമ സംബന്ധമായ കോഴ്സ് പഠിച്ചുകൊണ്ടിരിക്കുകയാണ്. എന്നാല്‍ ജേസണ് താല്പര്യം അഭിനയിക്കുന്നതിനേക്കാള്‍ പിന്നണിയില്‍ പ്രവര്‍ത്തിക്കുവാനാണെന്ന് മാസ്റ്റര്‍ നിര്‍മാതാവും വിജയ്യുടെ ബന്ധുവുമായ സേവ്യര്‍ ബ്രിട്ടോ വെളിപ്പെടുത്തിയിട്ടുണ്ട്. ജേസണിന്റെ മനസ്സു മാറുമോ,രവീണ ദാഹയുടെ ആഗ്രഹം പൂര്‍ത്തീകരിക്കുമോ എന്നൊക്കെ കാത്തിരുന്ന് കാണാം.
Read Moreഓരോരോ ആഗ്രഹങ്ങളേ…ദളപതി വിജയ് യുടെ മകന്റെ നായികയാവണമെന്നാണ് ഏറ്റവും വലിയ ആഗ്രഹമെന്ന് വെളിപ്പെടുത്തി യുവനടി…
