പത്തനംതിട്ട: അരുവാപ്പുലം, കടമ്പനാട് ഗ്രാമപഞ്ചായത്തുകളില്‍ അധ്യക്ഷ പദവിയില്‍ വിദ്യാര്‍ഥികള്‍. സംസ്ഥാനത്തെ തന്നെ ഏറ്റവും പ്രായം കുറഞ്ഞ മെംബര്‍ രേഷ്മ മറിയം റോയി അരുവാപ്പുലം ഗ്രാമപഞ്ചായത്തില്‍ പ്രസിഡന്റായി തെരഞ്ഞെടുക്കപ്പെട്ടു. 21 വയസാണ് രേഷ്മയുടെ പ്രായം. കടമ്പനാട്ട് പ്രസിഡന്റായ പ്രിയങ്ക പ്രതാപിനു പ്രായം 22. പ്രിയങ്ക എംഎസ്്‌സി അവസാനവര്‍ഷം വിദ്യാര്‍ഥിനി കൂടിയാണ്. രണ്ടു പേരും സിപിഎം അംഗങ്ങളുമാണ്. എല്‍ഡിഎഫിനു ഭരണം ലഭിച്ച രണ്ട് പഞ്ചായത്തുകളിലും ഭരണസമിതികളിലെ ഇളംതലമുറക്കാരിയെ അധ്യക്ഷരാക്കാന്‍ തീരുമാനിക്കുകയായിരുന്നു. രേഷ്മ കോന്നി വിഎന്‍എസ് കോളജില്‍ രണ്ടാംവര്‍ഷ ബിരുദ വിദ്യാര്‍ഥിനിയാണ്. 21 വയസ് പൂര്‍ത്തിയതിന്റെ പിറ്റേന്ന് മത്സരിക്കാന്‍ നാമനിര്‍ദേശ പത്രിക നല്‍കുകയും യുഡിഎഫ് വാര്‍ഡ് പിടിച്ചെടുക്കുകയും ചെയ്തു ശ്രദ്ധേയായ രേഷ്മ യുഡിഎഫ് ഭരണത്തിലായിരുന്ന അരുവാപ്പുലത്തെ ഇനി എല്‍ഡിഎഫിനുവേണ്ടി നയിക്കും.
Read Moreഅരുവാപ്പുലത്തും കടമ്പനാട്ടും പ്രസിഡന്റ് പദവയിലേറി വിദ്യാര്‍ഥികള്‍; ഏറ്റവും പ്രായം കുറഞ്ഞ സ്ഥാനാര്‍ഥി ഏറ്റവും പ്രായം കുറഞ്ഞ പ്രസിഡന്റുമായി…
