നയതന്ത്ര സ്വര്‍ണക്കടത്തു കേസുമായി ബന്ധപ്പെട്ട് മലപ്പുറത്ത് കസ്റ്റംസ് പിടിയിലായ പെരിന്തല്‍മണ്ണ വെട്ടത്തൂര്‍ സ്വദേശി കെ.ടി റമീസ് മുമ്പ് നെടുമ്പാശ്ശേരി വിമാനത്താവളം വഴി തോക്ക് കടത്താന്‍ ശ്രമിച്ച കേസിലെ പ്രതിയെന്ന് വിവരം. അന്ന് രണ്ട് ബാഗുകളിലായി ആറു റൈഫിളുകളാണ് റമീസ് കടത്താന്‍ ശ്രമിച്ചത്. ഗ്രീന്‍ ചാനല്‍ വഴിയുള്ള ഈ ശ്രമം അന്ന് കസ്റ്റംസ് കയ്യോടെ പിടികൂടുകയായിരുന്നു. സ്വര്‍ണക്കടത്തത്തിലെ പ്രധാന കണ്ണിയാണ് ഇയാള സൂചനയുണ്ട്. കൊച്ചിയിലെത്തിച്ച ഇയാളെ ചോദ്യം ചെയ്യലിനു ശേഷം കോടതിയില്‍ ഹാജരാക്കും. കേസില്‍ നിര്‍ണായകമായ വിവരങ്ങള്‍ ഇയാളില്‍ നിന്നു ലഭിക്കുമെന്നാണു പ്രതീക്ഷ. സ്വര്‍ണക്കടത്തു കേസില്‍ എന്‍ഐഎ അറസ്റ്റു ചെയ്ത സ്വപ്നയും സന്ദീപും ബെംഗളൂരുവില്‍ നിന്നു നാഗാലാന്‍ഡിലേക്ക് കടക്കാനിക്കുകയായിരുന്നുവെന്ന വിവരവും പുറത്തു വന്നിട്ടുണ്ട്. എന്‍ഐഎ നടത്തിയ പ്രാഥമിക ചോദ്യം ചെയ്യലിലാണ്‌ ഇക്കാര്യം വ്യക്തമായത്. സ്വപ്ന സുരേഷിനെയും സന്ദീപ് നായരെയും ഉച്ചയോടെ കൊച്ചിയിലെത്തിച്ചു.
Read Moreസ്വര്‍ണക്കടത്തു മാത്രമല്ല വേറെയുമുണ്ട് ബിസിനസുകള്‍ ! സ്വര്‍ണക്കടത്തു കേസില്‍ പിടിയിലായ കെ.ടി റമീസ് മുമ്പേ നോട്ടപ്പുള്ളി; അന്ന് കടത്താന്‍ ശ്രമിച്ചത് റൈഫിളുകള്‍…
