ഉത്തര്‍പ്രദേശില്‍ കാണാതായ മൂന്നുവയസുകാരന്റെ മൃതദേഹം തലയും കയ്യും കാലും മുറിച്ചുമാറ്റപ്പെട്ട നിലയില്‍ കണ്ടെത്തി. കുട്ടിയെ നരബലിയുടെ ഭാഗമായി കൊന്നതാവാമെന്നാണ് പോലീസ് നിരീക്ഷിക്കുന്നത്. ഉത്തര്‍പ്രദേശിലെ മീററ്റിലാണ് ഈ ദാരുണ സംഭവം. കിഴക്കന്‍ ഡല്‍ഹിയില്‍നിന്നും കാണാതായ കുട്ടിയുടെ മൃതദേഹമാണ് ഇത്തരത്തില്‍ വികൃതമാക്കപ്പെട്ട നിലയില്‍ കണ്ടെത്തിയത്. ഒക്ടോബര്‍ 30നാണ് കുട്ടിയെ കാണാതാകുന്നത്. ഡല്‍ഹിയിലെ പ്രീത് വിഹാറിലുള്ള വീട്ടില്‍നിന്നും കുട്ടിയെ തട്ടിക്കൊണ്ടുപോവുകയായിരുന്നു. അന്വേഷണം പുരോഗമിക്കുമ്പോഴാണ് മീററ്റിലെ വയലില്‍നിന്നും തലയില്ലാത്ത നിലയില്‍ കുട്ടിയുടെ മൃതദേഹം ലഭിച്ചത്. കാണാതാകുമ്പോള്‍ കുട്ടി ധരിച്ചിരുന്ന വസ്ത്രം നോക്കി മൃതദേഹം തിരിച്ചറിഞ്ഞു. കുട്ടിയുടെ തല പിന്നീട് കണ്ടെത്തി. സംഭവത്തില്‍ 16 വയസ്സുകാരനെ പോലീസ് അറസ്റ്റ് ചെയ്തിട്ടുണ്ടെന്ന് മീററ്റിലെ മുതിര്‍ന്ന പൊലീസ് ഉദ്യോഗസ്ഥ അമൃത ഗുഗുലോത് അറിയിച്ചു.
Read Moreവീണ്ടും നരബലി ! ജീവന്‍ നഷ്ടമായത് മൂന്നു വയസുകാരന്; തലയും കയ്യും കാലും മുറിച്ചു മാറ്റപ്പെട്ട നിലയില്‍…
