പ്രകൃതിയെ സഹായിക്കുന്ന പുതിയ നിയമവുമായി ഫിലീപ്പീന്‍സ് സര്‍ക്കാര്‍. സ്‌കൂള്‍തലത്തില്‍ മാര്‍ക്ക് മുഴുവന്‍ വാങ്ങിയാലും 10 മരം നടാന്‍ തയ്യാറായില്ലെങ്കില്‍ ബിരുദ പഠനത്തിനു ചേരാനാവില്ല ഇവിടെ. ആഗോളതാപനത്തെ നേരിടുന്നതിനും മരം നടീല്‍ ഒരു ശീലമാക്കുന്നതിനും വേണ്ടിയാണ് ഇത്. 120 ലക്ഷം വിദ്യാര്‍ത്ഥികള്‍ പ്രാഥമിക വിദ്യാഭ്യാസവും 50 ലക്ഷത്തോളം വിദ്യാര്‍ത്ഥികള്‍ ഹൈസ്‌കൂള്‍ വിദ്യാഭ്യാസവും 5 ലക്ഷം പേര്‍ കോളജ് വിദ്യാഭ്യാസവും പൂര്‍ത്തിയാക്കുന്നുവെന്നിരിക്കെയാണ് ഇത്തരമൊരു വലിയ മാറ്റത്തിലേയ്ക്ക് ഫിലിപ്പീന്‍സ് കാലുവെച്ചിരിക്കുന്നത്. മഗ്ഡാലോ പാര്‍ട്ടിയുടെ പ്രതിനിധിയായ ഗാരി അലേജാനോവാണ് പുതിയ നിയമ നിര്‍മ്മാണത്തിനു പിന്നില്‍. ലോകത്തിലെ ഏറ്റവും വേഗം വനനശീകരണം നടക്കുന്ന രാജ്യങ്ങളില്‍ ഒന്നായതിനെ തുടര്‍ന്നാണ് ഫിലിപ്പീന്‍സ് ആ ഈ കരുതല്‍ നടപടിയെടുക്കുന്നത്. ഈ നിയമത്തിലൂടെ 1750 ലക്ഷം മരങ്ങളെങ്കിലും ചുരുങ്ങിയത് ഓരോ വര്‍ഷവും വെച്ചുപിടിപ്പിക്കാമെന്നാണ് കണക്ക്. ഫിലിപ്പീന്‍സിന്റെ മാതൃക മറ്റു രാജ്യങ്ങളും പിന്‍തുടര്‍ന്നാല്‍ പ്രകൃതിയ്ക്ക് ഒരു കൈത്താങ്ങായിരിക്കും അത്.
Read Moreമാര്‍ക്കിലല്ല കാര്യം മരത്തിലാ ! ഫിലിപ്പീന്‍സില്‍ ഇനി ബിരുദ യോഗ്യത നേടണമെങ്കില്‍ 10 മരമെങ്കിലും നടണമെന്ന് നിര്‍ബന്ധം; പ്രകൃതിയെ സഹായിക്കുന്ന പുതിയ നിയമം ഇങ്ങനെ…
