സര്‍വ്വീസില്‍ പ്രവേശിച്ച് ചുരുങ്ങിയ കാലയളവിനുള്ളില്‍ ജനകീയ കളക്ടറെന്ന വിശേഷണം നേടിയ തൃശ്ശൂര്‍ കളക്ടര്‍ ടി വി അനുപമ കേരളം വിടുന്നു. ടി.വി.അനുപമ അവധിയെടുത്ത് തുടര്‍ പരിശീലനത്തിനായി മുസ്സൂറിയിലെ ദേശീയ അക്കാദമിയിലേക്കാണ് പോകുന്നത്. അനുപമയ്ക്ക് പകരമായി തൃശൂര്‍ ജില്ലാ കലക്ടറായി സി.ഷാനവാസിനെ നിയമിക്കാന്‍ ഇന്ന് ചേര്‍ന്ന മന്ത്രിസഭായോഗം തീരുമാനമെടുത്തു. കഴിഞ്ഞ വര്‍ഷം ജൂണിലാണ് തൃശൂര്‍ ജില്ലാ കലക്ടറായി ചുമതലയേറ്റത്. ആലപ്പുഴ ജില്ലാ കലകട്റായിരിക്കെ മുന്‍ മന്ത്രിയായിരുന്ന തോമസ് ചാണ്ടിക്കെതിരെ കര്‍ക്കശ നടപടികള്‍ സ്വീകരിച്ചതോടെയാണ് ടി.വി. അനുപമ വാര്‍ത്തകളിലിടം നേടിയത്. പിന്നാലെ തൃശൂരിലേക്ക് അനുപമയെ മാറ്റിയെങ്കിലും ചുരുങ്ങിയ കാലയളവില്‍ തന്നെ ജനകീയ കലക്ടറെന്നവിശേഷണം നേടിയെടുക്കാന്‍ അനുപമയ്ക്കായി.
Read Moreടി വി അനുപമ കേരളം വിടുന്നു ! ജനകീയ കളക്ടര്‍ക്കു പകരം സി ഷാനവാസിനെ തൃശ്ശൂര്‍ ജില്ലാ കളക്ടറായി നിയമിക്കും; അനുപമ പോകുന്നത് മുസ്സൂറിയിലേക്ക്…
