കാസര്‍ഗോഡ്: ചേറ്റുകുണ്ടിൽ വനിതാ മതിലിനിടെയുണ്ടായ സംഘർഷത്തില്‍ 200 പേർക്കെതിരെ കേസെടുത്തു. കണ്ടാലറിയാവുന്നവർക്കെതിരെയാണ് കേസെടുത്തിരിക്കുന്നത്. സംഘര്‍ഷ സാധ്യത കണക്കിലെടുത്ത് ജില്ലയിൽ കനത്ത പോലീസ് സുരക്ഷയാണ് ഒരുക്കിയിരിക്കുന്നത്. സംഘർഷത്തിൽ പരിക്കേറ്റ രണ്ട് പേരുടെ നില ഗുരുതരമായി തുടരുകയാണ്. ചേറ്റുകുണ്ടിൽ ഉണ്ടായ അക്രമം ചെറുക്കാന്‍ അഞ്ച് റൗണ്ട് വെടിയാണ് പോലീസ് ആകാശത്തേക്ക് ഉതിർത്തത്. ഡിവൈഎസ്പി നാലു റൗണ്ടും എസ്പി ഒരു റൗണ്ടുമാണ് വെടിവച്ചത്. ആർഎസ്എസ്- ബിജെപി പ്രവർത്തകർ റോഡ് കൈയേറി, വനിതാ മതിൽ തടസപ്പെടുത്താൻ ശ്രമിച്ചതിനെ തുടർന്നാണ് സംഘർഷം പൊട്ടിപ്പുറപ്പെട്ടത്. അക്രമികൾ സ്ത്രീകൾക്കുനേരെ കല്ലേറുനടത്തുകയും മതിലിനു സമീപം തീയിടുവാനും ശ്രമിച്ചു. കല്ലേറിൽ ആറു പോലീസുകാർക്ക് പരിക്കേറ്റു. റെയില്‍വേ പാതയോടു ചേര്‍ന്നുള്ള പുല്ലിനാണ് അക്രമികൾ തീയിട്ടത്. ഇതോടെ പുക വ്യാപിച്ചു. സ്ത്രീകൾക്ക് മതിൽ തീർക്കാൻ റോഡിൽ നിൽക്കാൻ പറ്റാതെയായി. കല്ലേറും കൂടി ആരംഭിച്ചതോടെ മുക്കാൽ കിലോമീറ്ററോളം മതിൽ തീർക്കേണ്ടവർ ഓടി രക്ഷപ്പെടുകയായിരുന്നു. പിന്നീടാണ്…
Read Moreവനിതാ മതിലിനെതിരേ കാസർഗോഡ് ഉണ്ടായ സംഘർഷം; കണ്ടലറിയാവുന്ന 200 പേർക്കെതിരെ കേസ്; പരിക്കേറ്റ രണ്ടുപേരുടെ നില ഗുരുതരം
