Tag: viral

താന്‍ കുഴിച്ച കുഴിയില്‍ താന്‍ തന്നെ വീഴുക എന്നൊരു പഴഞ്ചൊല്ലുണ്ട് മലയാളത്തില്‍. ഈ പഴഞ്ചൊല്ലിന് സമാനമായ രീതിയില്‍ ഒരു യുവാവിന് സംഭവിച്ച അബദ്ധമാണ് ഇപ്പോള്‍ സോഷ്യല്‍ മീഡിയയില്‍  ചിരിക്ക് വഴിവെച്ചുകൊണ്ടിരിക്കുന്നത്. വീടിന്റെ സീലിംങ്ങില്‍ ഇരുന്ന എട്ടുകാലിയെ പിടിക്കാന്‍ ഒരു ശ്രമം നടത്തിയതാണ് യുവാവ്. ഒരു പാത്രത്തില്‍ എട്ടുകാലിയെ കുടുക്കാനാണ് യുവാവ് ശ്രമം നടത്തിയത്. എട്ടുകാലി പാത്രത്തില്‍ കുടുങ്ങി എന്നുറപ്പായപ്പോള്‍ യുവാവ് പതുക്കെ പാത്രം വലിച്ചു. കസേരയില്‍ നിന്ന് താഴെയിറങ്ങി നോക്കിയപ്പോള്‍ എട്ടുകാലിയെ കാണുന്നില്ല. എവിടെപ്പോയെന്ന് നോക്കിയപ്പോഴാണ് അറിയുന്നത്, അത് തന്റെ മുഖത്ത് തന്നെ സ്ഥലം പിടിച്ചുണ്ടായിരുന്നു എന്ന്. തന്നെ കുടുക്കാന്‍ ശ്രമിച്ച വിരുതനെ എട്ടുകാലി ആക്രമിച്ചോ ഇല്ലയോ എന്നതറിയാന്‍ വീഡിയോ അവസരമൊരുക്കുന്നില്ല. ഏതായാലും എട്ടുകാലിയ്ക്കായ് വിരിച്ച വലയില്‍ കുടുങ്ങിയത് യുവാവ് തന്നെയായിരുന്നു. https://youtu.be/eoWfzhxXHEs

 ആധുനിക കാലഘട്ടത്തില്‍ ആളുകള്‍ ഏറ്റവും കൂടുതല്‍ പണം ചെലവാക്കുന്നത് വിവാഹത്തിനും അതിനോടനുബന്ധിച്ച ചടങ്ങുകള്‍ക്കുമാണ്. എന്നാല്‍ വളരെ വിരളമായി ഇത്തരം ധൂര്‍ത്തിനോട് മുഖം തിരിക്കുന്നവരുമുണ്ട്. അത്തരത്തിലുള്ള ഒരാളാണ് സൂര്യകൃഷ്ണമൂര്‍ത്തി. നാടകത്തിനും നൃത്തത്തിനും പുതുമാനം കണ്ടെത്തിയ സൂര്യഫെസ്റ്റിന്റെ സ്ഥാപകനും കാലിക്കറ്റ് യൂണിവേഴ്‌സിറ്റി ഡീനും മുന്‍ കേരള സംഗീത നാടക അക്കാഡമി ചെയര്‍മാനുമായ സൂര്യകൃഷ്ണമൂര്‍ത്തി മകളുടെ വിവാഹത്തിന് സ്ത്രീധനവും സല്‍ക്കാര ചടങ്ങളുകളും സദ്യയും ഒഴിവാക്കി, അതിനായി കരുതിയിരുന്ന തുക 20 നിര്‍ധന കുട്ടികള്‍ക്ക് അടുത്ത നാലുവര്‍ഷത്തെ പഠനത്തിനായി നല്‍കുന്നു.   മകള്‍ സീത പഠിച്ച മോഡല്‍ സ്‌കൂള്‍ അധികൃതര്‍ക്കും ഗവ ആര്‍ട്സ് കോളേജ് ടികെഎം എന്‍ജിനിയറിങ് കോളേജ് പ്രിന്‍സിപ്പലിനും വിവാഹത്തിനു മുന്‍പ് തുക കൈമാറും. സിവില്‍ സര്‍വീസ് അക്കാദമിയില്‍ സീതയ്ക്കൊപ്പം ട്രെയിനിങിനുണ്ടായിരുന്ന ചന്ദന്‍കുമാറാണ് വരന്‍. ബീഹാര്‍ സ്വദേശിയാണ് ചന്ദന്‍കുമാര്‍, പരസ്പരം മനസിലാക്കിയ കുട്ടികള്‍ ഒന്നിക്കുന്നതില്‍ ഇരു കുടുംബങ്ങള്‍ക്കും ഒരു എതിര്‍പ്പുമുണ്ടായിരുന്നില്ലെന്ന് മൂര്‍ത്തി…