ഭാര്യയുടെ ആര്‍ഭാട ജീവിതത്തിലും ധൂര്‍ത്തിലും മനംനൊന്ത് ഐടി വിദഗ്ധന്‍ ആത്മഹത്യ ചെയ്തു. ബംഗളുരിലാണ് സംഭവം. 39 വയസുകാരനായ ശ്രീനാഥ് എന്ന യുവാവിനെയാണ് ഫ്‌ളാറ്റില്‍ തൂങ്ങിമരിച്ച നിലയില്‍ കണ്ടെത്തിയത്. ശ്രീനാഥും ഭാര്യ രേഖയും സോഫ്റ്റ്വെയര്‍ എഞ്ചിനിയറുമാരാണ്. ലോണെടുത്താണ് ഇരുവരും ഫ്‌ളാറ്റ് വാങ്ങിയത്. ലോണിന്റെ തിരിച്ചടവിനും വീട്ടുചെലവിനുമായി മാസം നിശ്ചിത തുകയാകും. ഈ ചെലവുകള്‍ക്കിടയിലും ആഡംബരവും ധൂര്‍ത്തും കുറയ്ക്കാന്‍ ഭാര്യ തയാറായില്ല. സാമ്പത്തികമായി ശ്രീനാഥ് ബുദ്ധിമുട്ടുകള്‍ അനുഭവിക്കുന്നുണ്ടായിരുന്നു. ഇതിന്റെ ഇടയ്ക്ക് ഭാര്യ മാനസികമായും പീഡിപ്പിക്കുമായിരുന്നുവെന്ന് ശ്രീനാഥിന്റെ പിതാവ് പൊലീസിനോട് പറഞ്ഞു. ഫ്‌ളാറ്റ് രേഖയുടെ പിതാവിന്റെ പേരിലേക്ക് ആക്കാന്‍ ശ്രീനാഥിന്റെ മേല്‍ നിരന്തരം സമര്‍ദ്ദം ചെലുത്തിയിരുന്നു. ഈ മാനസികപീഡനങ്ങളും അതിരുകടന്നതോടെയാണ് ശ്രീനാഥ് ആത്മഹത്യ ചെയ്തത്. രേഖയ്ക്കും അച്ഛനുമെതിരെ ആത്മഹത്യാപ്രേരണക്കുറ്റം ചുമത്തി കേസെടുത്തിട്ടുണ്ട്.
Read Moreഭാര്യയുടെ ആഢംബര ജീവിതത്തിലും പീഡനത്തിലും ജീവിതം മടുത്ത് യുവാവ് ആത്മഹത്യ ചെയ്തു ! യുവാവിനെ ജീവനൊടുക്കാന്‍ പ്രേരിപ്പിച്ച കാരണങ്ങള്‍…
