ചീങ്കണ്ണിക്കുഞ്ഞുങ്ങളും കൂറ്റന്‍ കൊക്കുമായുള്ള പോരാട്ടത്തിന്റെ ദൃശ്യങ്ങളാണ് ഇപ്പോള്‍ വൈറലാകുന്നത്. ഫ്‌ളോറിഡയിലെ ഗേറ്റര്‍ ലാന്‍ഡ് തീം പാര്‍ക്കില്‍ നിന്ന് പകര്‍ത്തിയതാണ് ഈ ദൃശ്യം. വുഡ് സ്‌ട്രോക്ക് വിഭാഗത്തില്‍ പെട്ട കൊക്കും ചീങ്കണ്ണിക്കുഞ്ഞുങ്ങളും തമ്മിലായിരുന്നു പോരാട്ടം. കൊക്കിന്റെ വലുപ്പമൊന്നും ചീങ്കണ്ണിക്കുഞ്ഞുങ്ങള്‍ കാര്യമാക്കിയില്ല. കൊക്കിനു നേരെ ചാടി ആക്രമിക്കുന്ന ചീങ്ങണ്ണിക്കുഞ്ഞിനെ ദൃശ്യത്തില്‍ കാണാം. കൂര്‍ത്ത ചുണ്ടുകള്‍ കൊണ്ട് കൊക്കും പ്രത്യാക്രമണം നടത്തി. കിട്ടിയ അവസരത്തില്‍ ആക്രമിക്കാന്‍ വായും പിളര്‍ന്നെത്തിയ ചീങ്കണ്ണിക്കുഞ്ഞിനെ കൊക്ക് കൊത്തിയോടിക്കുകയും ചെയ്തു. കൊക്കിന്റെ പ്രത്യാക്രമണത്തില്‍ പതറിയ ചീങ്കണ്ണിക്കുഞ്ഞുങ്ങള്‍ കൂടുതല്‍ ആക്രമണത്തിനു മുതിരാതെ വെള്ളത്തിലേക്ക് മടങ്ങി. ഗേറ്റര്‍ ലാന്‍ഡിന്റെ ഔദ്യോഗിക ഇന്‍സ്റ്റഗ്രാം പേജിലാണ് ഈ ദൃശ്യം പങ്കുവച്ചത്. നിരവധി ആളുകളാണ് ഇതിനോടകം വീഡിയോ കണ്ടു കഴിഞ്ഞത്.
Read Moreചീങ്കണ്ണിക്കുഞ്ഞുങ്ങളുമായി പോരടിച്ച് കൂറ്റന്‍ കൊക്ക് ! വായും പിളര്‍ന്നെത്തിയ ചീങ്കണ്ണിക്കുഞ്ഞുങ്ങളെ കൊക്ക് പാഠം പഠിപ്പിക്കുന്ന വീഡിയോ വൈറലാകുന്നു…
