മുംബൈ: പ്രഥമ വനിതാ പ്രീമിയര്‍ ലീഗ് താരലേലത്തിൽ സ്‌മൃതി മന്ദാന‌യ്ക്ക് പൊന്നുംവില. 3.25 കോടി രൂപയ്ക്കാണ് താരത്തെ റോയല്‍ ചലഞ്ചേഴ്സ് ബാംഗ്ലൂര്‍ സ്വന്തമാക്കിയിരിക്കുന്നത്. ഇന്ത്യന്‍ ക്യാപ്റ്റന്‍ ഹര്‍മന്‍പ്രീത് കൗറിനെ മുംബെെ ഇന്ത്യൻസ് 1.7 കോടി രൂപയ്ക്ക് സ്വന്തമാക്കി. ഓസീസ് സൂപ്പർ താരം ആഷ് ഗാര്‍ഡ്‌നറിനെ ഗുജറാത്ത് ജയന്‍റ്സ് ടീമിലെത്തിച്ചു. 3.28 കോടി രൂപയാണ് താരത്തിനായി ഗുജറാത്ത് മുടക്കി‌യത്. ലേലം പുരോഗമിക്കുകയാണ്. മുംബൈ ഇന്ത്യന്‍സ്, ഡല്‍ഹി ക്യാപിറ്റല്‍സ്, റോയല്‍ ചലഞ്ചേഴ്സ് ബാംഗ്ലൂര്‍, ഗുജറാത്ത് ജയന്‍റ്സ്, ലക്നോ വാരിയേഴ്‌സ് എന്നീ അഞ്ച് ടീമുകളാണ് മത്സരത്തിനുണ്ടാവുക. ആറ് വിദേശതാരങ്ങൾ അടക്കം പരമാവധി 18 കളിക്കാരെയാണ് ഓരോ ടീമിനും സ്വന്തമാക്കാനാവുക.മാര്‍ച്ച് നാലിന് ടൂര്‍ണമെന്‍റ് ആരംഭിക്കും.
Read Moreതാരലേലം പൊടിപൊടിക്കുന്നു; സ്‌മൃതി മന്ദാന‌യ്ക്ക് പൊന്നുംവില
