താൻ സിനിമയിലേക്ക് വരാനുള്ള കാരണം ഹൃത്വിക് റോഷനായിരുന്നുവെന്ന് തമന്ന. ഇൻസ്റ്റഗ്രാമിലെ പോസ്റ്റിലൂടെയാണ് ഹൃത്വിക്കും തമന്നയും തമ്മിലുള്ള ആത്മബന്ധത്തെക്കുറിച്ച് ആരാധകർക്ക് മനസിലായത്. സോഷ്യൽ മീഡിയയിലൂടെ ഹൃത്വിക് റോഷനും തമന്നയും ഒരുമിച്ചുള്ള ചിത്രം വൈറലായിക്കൊണ്ടിരിക്കുകയാണ്.തമന്ന തന്നെയാണ് ഹൃത്വിക്കുമൊത്തുള്ള ചിത്രങ്ങൾ ഇൻസ്റ്റഗ്രാമിലൂടെ പങ്കുവച്ചത്.
പ്രിയപ്പെട്ട താരമായ ഹൃത്വിക് റോഷനെ കാണാനുള്ള ഭാഗ്യം അടുത്തിടെയാണ് തമന്നയ്ക്ക് ലഭിച്ചത്. ഫറാ ഖാൻ അവതരിപ്പിക്കുന്ന ലിപ് സിങ്ക് ബാറ്റിൽ ഷോയുടെ റിഹേഴ്സലിനായി യാഷ് രാജ് സ്റ്റുഡിയോയിലേക്ക് പോയപ്പോഴാണ് ആ കൂടിക്കാഴ്ച നടന്നത്.താൻ സിനിമയിലെത്താൻ കാരണക്കാരൻ ഹൃത്വിക്കാണ്. തനിക്ക് എപ്പോഴും പ്രചോദനമായിട്ടുള്ള താരമാണ് ഹൃത്വിക്. അദ്ദേഹത്തെ കണ്ടാണ് സിനിമയിലേക്കു വരണമെന്നു പോലും തോന്നിയതു തന്നെ. തുടക്കം മുതലേ അദ്ദേഹത്തെ അറിയാം. അദ്ദേഹത്തിന്‍റെ ആത്മാർഥയും സിനിമയോടുള്ള അർപ്പണബോധവും തന്നെ പ്രചോദിപ്പിച്ചിട്ടുണ്ടെന്നും തമന്ന പറയുന്നു.തനിക്ക് ഏറെ ഇഷ്ടമുള്ള താരം കൂടിയാണ് ഹൃത്വിക് റോഷൻ.
നൃത്തത്തെ ഏറെ ഇഷ്ടപ്പെടുന്ന താൻ ഇക്കാര്യത്തിലും അദ്ദേഹത്തെ തന്നെയാണ് മാതൃകയാക്കുന്നത്.അവസരം കിട്ടിയാൽ ഹൃത്വിക്കിനോടൊപ്പം അഭിനയിക്കാനും തനിക്ക് ആഗ്രഹമുണ്ടെന്ന് താരം പറയുന്നു. ഒരുപാട് ഇഷ്ടമുള്ള താരമായിരുന്നുവെങ്കിലും ഇതുവരെ അദ്ദേഹത്തെ നേരിൽ കാണാൻ സാധിച്ചിരുന്നില്ല. ഇപ്പോൽ ആ മോഹവും സഫലമായിരിക്കുകയാണ്. വളരെ വിനീതനായ വ്യക്തിയാണ് അദ്ദേഹം. മുൻപൊരിക്കലും ഫോട്ടോയെടുക്കുന്പോൾ താൻ ഇത്ര നെർവസായിട്ടില്ലെന്നും തമന്ന ഇൻസ്റ്റഗ്രാമിൽ കുറിച്ചിട്ടുണ്ട്.
