തെന്നിന്ത്യൻ താരസുന്ദരി തപ്സി പന്നുവിന്‍റെ മറുപടി കേട്ട് വിമർശകര്‌ മാത്രമല്ല, ആരാധകരും ഞെട്ടി. ബിക്കിനി വേഷത്തിലുള്ള ചൂടൻ ചിത്രങ്ങൾ കഴിഞ്ഞ ദിവസം ട്വിറ്ററിലൂടെ തപ്സി പുറത്തുവിട്ടിരുന്നു. തപ്സി അഭിനയിക്കുന്ന ജുധ്വ 2 എന്ന സിനിമയിൽ നിന്നുള്ള ചിത്രമായിരുന്നു തപ്സി ആരാധകർക്കായി പങ്കുവച്ചത്. എന്നാൽ ചിത്രം കണ്ടതോടെ ചിലർക്കൊക്കെ അസ്വസ്ഥത തോന്നിയത്രേ.
ചിത്രത്തെ അധിക്ഷേപിച്ചുകൊണ്ട് ഒരാൾ കമന്‍റുമിട്ടു. നമ്മുടെ രാജ്യത്ത് അഭിപ്രായ സ്വാതന്ത്ര്യമുണ്ട്. അതിനാൽ എന്തുകൊണ്ടാണ് ബാക്കിയുള്ള വസ്ത്രം കൂടി നീക്കം ചെയ്യാതിരുന്നത്. അതും കൂടി ചെയ്യുമായിരുന്നെങ്കിൽ നിങ്ങളുടെ സഹോദരൻ അഭിമാനം കെള്ളുമായിരുന്നെന്നായിരുന്നു കമന്‍റ്. ഈ കമന്‍റ് വായിച്ചതും തപ്സിക്ക് വല്ലാതെ ദേഷ്യം തോന്നിയത്രേ. എനിക്ക് ഒരു സഹോദരൻ ഇല്ല, ഉണ്ടായിരുന്നെങ്കിൽ ഞാൻ അദ്ദേഹത്തോട് ചോദിക്കുമായിരുന്നു. ഇപ്പോൾ സഹോദരിയുടെ മറുപടി മതിയോ എന്നാണ് തപ്സി കമന്‍റിനു ചുട്ട മറുപടി കൊടുത്തിരുന്നത്.
നീല കളർ ബിക്കിനി ധരിച്ച് കടൽത്തീരത്ത് നിൽക്കുന്ന മനോഹരമായ ചിത്രമായിരുന്നു തപ്സി ട്വിറ്ററിലൂടെ ആരാധകർക്കായി പങ്കുവചിരുന്നത്. ഡേവിഡ് ധവാൻ സംവിധാനം ചെയ്യുന്ന ജുധ്വ 2വിൽ തപ്സിയോടൊപ്പം വരുണ്‍ ധവാനും ജാക്വലിൻ ഫെർണാണ്ടസും അനുപം ഖേറും പ്രധാന വേഷത്തിൽ അഭിനയിക്കുന്നുണ്ട്. ഈ മാസം 29ന് ചിത്രം പ്രദർശനത്തിനെത്തും.
