തെന്നിന്ത്യൻ സിനിമയിൽ നിന്ന് ബോളിവുഡിലെത്തിയ തപ്സി പുതിയ വിജയങ്ങൾ കീഴടക്കുകയാണ്. പ്രമുഖ മാധ്യമത്തോട് സംസാരിക്കവേ നടി തന്‍റെ ആദ്യ പ്രണയത്തെ കുറിച്ച് വെളിപ്പെടുത്തിയിരിക്കുകയാണ്.
“”ഒൻപതാം ക്ലാസിൽ പഠിക്കുന്പോഴാണ് എന്‍റെ ആദ്യ പ്രണയം. എനിക്ക് തോന്നുന്നു എന്‍റെ സുഹൃത്തുക്കളെ സംബന്ധിച്ച് പ്രണയിച്ചു തുടങ്ങാൻ ഞാൻ വൈകിപ്പോയി എന്ന്. എന്നിരുന്നാലും ഒൻപതാം ക്ലാസിൽ പഠിക്കുന്പോഴുള്ള ആ ബന്ധത്തെ പ്രണയമെന്നൊന്നും വിളിക്കാൻ കഴിയുമോ എന്നെനിക്കറിയില്ല. എന്തായാലും പ്രണയിച്ചു. കുറച്ചു മാസങ്ങൾ കഴിഞ്ഞപ്പോൾ അവൻ എന്നെ വിട്ടിട്ടു പോയി.
പത്താം ക്ലാസിലേക്കാണ് പോകുന്നത്. പഠിക്കാനുണ്ട് എന്നൊക്കെ പറഞ്ഞായിരുന്നു ആ ബ്രേക്കപ്പ്. എനിക്കിപ്പോഴും ഓർമയുണ്ട്, അന്ന് ബൂത്തിൽ പോയി ഫോണ് വിളിച്ച് കരഞ്ഞുകൊണ്ട് ’നീ എന്തിനാ എന്നെ വിട്ടിട്ടു പോയത്’എന്നൊക്കെ ചോദിച്ചത്.”-തപ്സി പറയുന്നു.
പ്രണയബന്ധത്തെ കുറിച്ച് ചോദിച്ചപ്പോൾ തന്‍റെ രാശിക്ക് അത് ചേരില്ല എന്നാണ് നടി പറഞ്ഞത്. കാഴ്ചപ്പാടിന്‍റെ കാര്യത്തിലായാലും മറ്റെന്തായാലും തന്നേക്കാൾ ഉയരത്തിൽ നിൽക്കുന്ന ആളായിരിക്കും വരൻ എന്നാണ് രാശി. എന്നെങ്കിലും അത്തരമൊരാളുമായി പ്രണയത്തിലായാൽ ഇതാണ് എന്‍റെ ഭാവി എന്ന് കരുതി മുന്നോട്ട് പോകും. പിന്നീട് കുടുംബം കുട്ടികൾ എന്നൊക്കെ സ്വപ്നം കാണും- തപ്സി പറഞ്ഞു.
