ചങ്ങനാശേരി: പെരുന്തുരുത്തി-ഏറ്റുമാനൂർ ബൈപാസിൽ മോസ്കോയ്ക്ക് സമീപം പഴയബ്ലോക്ക് ഭാഗത്ത് റോഡിന്റെ മധ്യഭാഗത്തുകിടക്കുന്ന ടാറിംഗ് യന്ത്രം വാഹനങ്ങൾക്കും യാത്രക്കാർക്കും ഭീഷണിയാകുന്നു. റോഡിന്റെ അറ്റകുറ്റപ്പണികൾക്കായി കൊണ്ടുവന്ന യന്ത്രമാണ് ഏറെ തിരക്കുള്ള റോഡിൽ അലക്ഷ്യമായി ഇട്ടിരിക്കുന്നത്.
ഈ ഭാഗത്തെ മെറ്റൽകൂനയും അപകടത്തിനിടയാക്കുമെന്ന് നാട്ടുകാർ ആരോപിച്ചു. കുന്നുംപുറം മുതൽ തെങ്ങണവരെ അറ്റകുറ്റപ്പണി നടത്തിയ ഈ റോഡിന്റെ മോസ്കോ ജംഗ്ഷൻ, പഴയബ്ലോക്ക് ഭാഗങ്ങൾ ഒരാഴ്ച പിന്നിടുന്നതിനു മുന്പ് തകർന്ന നിലയിലാണ്.
