ടാറ്റൂ ചെയ്യുന്നത് ഇന്നൊരു ട്രെന്‍റായി മാറിയിരിക്കുകയാണ്. കാമുകീ കാമുകൻമാരും ദന്പതികളുമെല്ലാം കപ്പിൾ ടാറ്റൂവും ചെയ്യാറുണ്ട്. കെയിലോ, കാലിലോ, നെഞ്ചിലോ ഒക്കെയാകും പലരും ടാറ്റൂ ചെയ്യുന്നത്. എന്നാൽ ചുണ്ടിനുള്ളിൽ ടാറ്റൂ ചെയ്യുന്നത് കണ്ടിട്ടുണ്ടോ?
ടാറ്റൂ അഭിഷേക് സപ്കൽ എന്ന ഇൻസ്റ്റാഗ്രാം യൂസറാണ് ലവ് എന്ന തലക്കെട്ടോടെ ചുണ്ടിൽ ടാറ്റൂ ചെയ്യുന്ന യുവാവിന്‍റെ വീഡിയോ പങ്കുവച്ചിരിക്കുന്നത്. വീഡിയോയിൽ ടാറ്റൂ ചെയ്യുന്നതിന്‍റെ വിവിധ സ്റ്റെപ്പുകൾ കാണാൻ സാധിക്കും. അമൃത എന്നാണ് യുവാവിന്‍റെ കാമുകിയുടെ പേര്. ആ പേരാണ് ഇയാൾ ചുണ്ടിനുള്ളിൽ ടാറ്റൂ ചെയ്തത്.
എന്തായാലും ഇതിന്‍റെ വീഡിയോ വളരെ വേഗത്തിൽ തന്നെ വൈറലായി. എല്ലാവരും യുവാവിന്‍റെ ആത്മാർഥ പ്രണ‍യത്തെ അഭിനന്ദിക്കും എന്നു കരുതിയ യുവാവിനു പക്ഷേ ഏറ്റുവാങ്ങേണ്ടി വന്നത് കൊടിയ വിമർശനങ്ങളാണ്. ഭൂരിഭാഗം ആളുകളും ഇയാളെ പരിഹസിക്കുകയാണ് ചെയ്തത്. വീഡിയോ കാണാൻ ഇവിടെ ക്ലിക് ചെയ്യുക.
