ടാ​ക്സി ഡ്രൈ​വ​റെ കാ​റു​കൊ​ണ്ടി​ടി​ച്ചു വീഴ്ത്തി; ഏറെ ദൂരം വ​ലി​ച്ചി​ഴ​ച്ചു കൊന്നു; നടുക്കുന്ന സിസിടിവി ദൃശ്യം പുറത്ത്

ന്യൂ​ഡ​ൽ​ഹി: ഡ​ൽ​ഹി ന​ഗ​ര​ത്തി​ൽ ടാ​ക്സി ഡ്രൈ​വ​റെ അ​ജ്ഞാ​ത​സം​ഘം കാ​റു​കൊ​ണ്ട് ഇ​ടി​ച്ചു​വീ​ഴ്ത്തി വ​ലി​ച്ചി​ഴ​ച്ചു കൊ​ന്നു. മൃ​ത​ദേ​ഹം വ​ഴി​യ​രി​കി​ൽ ഉ​പേ​ക്ഷി​ച്ച് സം​ഘം ക​ട​ന്നു​ക​ള​ഞ്ഞു. രാ​ജ്യ​ത​ല​സ്ഥാ​ന​ത്ത് ഇ​ന്ന​ലെ രാ​ത്രി​യു​ണ്ടാ​യ സം​ഭ​വ​ത്തി​ന്‍റെ ന​ടു​ക്കു​ന്ന ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ചു.

രാ​ത്രി പ​തി​നൊ​ന്ന​ര​യോ​ടെ വ​സ​ന്ത​കു​ഞ്ചി​ന​ടു​ത്ത് മ​ഹി​പാ​ൽ​പു​രി​ലാ​ണ് സം​ഭ​വം ന​ട​ന്ന​ത്. ടാ​ക്സി ഡ്രൈ​വ​റാ​യ ഫ​രീ​ദാ​ബാ​ദ് സ്വ​ദേ​ശി ബി​ജേ​ന്ദ​റി​നെ​യാ​ണ് 200 മീ​റ്റ​റോ​ളം അ​ജ്ഞാ​ത സം​ഘം കാ​റി​ൽ വ​ലി​ച്ചി​ഴ​ച്ച​ത്.

ദേ​ശീ​യ​പാ​ത​യി​ൽ ചോ​ര​യി​ൽ കു​ളി​ച്ചു കി​ട​ന്ന ഇ​യാ​ളു​ടെ മൃ​ത​ദേ​ഹം ക​ണ്ട​വ​ർ പോ​ലീ​സി​ൽ വി​വ​ര​മ​റി​യി​ക്കു​ക​യാ​യി​രു​ന്നു.ബി​ജേ​ന്ദ​റി​ന്‍റെ കാ​ർ ത​ട്ടി​യെ​ടു​ക്കാ​ൻ വ​ന്ന സം​ഘ​മാ​ണ് കൊ​ല​യ്ക്കു പി​ന്നി​ൽ.

ത​ട​യാ​ൻ ശ്ര​മി​ച്ച ബി​ജേ​ന്ദ​റി​നെ ഇ​വ​ർ കാ​റി​ടി​പ്പി​ക്കു​ക​യും തു​ട​ർ​ന്ന് ഏ​റെ​ദൂ​രം വ​ലി​ച്ചി​ഴ​ച്ച​ശേ​ഷം വ​ണ്ടി​യു​മാ​യി ക​ട​ന്നു ക​ള​യു​ക​യു​മാ​യി​രു​ന്നു​വെ​ന്നാ‍​ണ് പോ​ലീ​സ് പ​റ​യു​ന്ന​ത്. ത​ല​യ്‌​ക്കേ​റ്റ പ​രി​ക്കാ​ണ് മ​ര​ണ​കാ​ര​ണം.

തൊ​ട്ടു​പി​ന്നാ​ലെ വ​ന്നി​രു​ന്ന വാ​ഹ​ന​ത്തി​ലെ യാ​ത്ര​ക്കാ​ർ അ​ക്ര​മ​ത്തി​ന്‍റെ വീ​ഡി​യോ എ​ടു​ത്തി​രു​ന്നു. ഈ ​ദൃ​ശ്യ​ങ്ങ​ളാ​ണ് പി​ന്നീ​ട് സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ച​ത്. ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് പോ​ലീ​സ് അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്. കൊ​ല​പാ​ത​ക​ക്കു​റ്റ​വും തെ​ളി​വ് ന​ശി​പ്പി​ക്ക​ലും ചേ​ർ​ത്ത് പോ​ലീ​സ് കേ​സെ​ടു​ത്തു.