കോട്ടയം: ക്രിസ്മസ് പുതുവത്സരാഘോഷങ്ങളോടനുബന്ധിച്ചു ടിബി റോഡ് മർച്ചന്‍റ്സ് വെൽഫെയർ അസോസിയേഷൻ വ്യാപാരോത്സവം സംഘടിപ്പിക്കും. കോട്ടയം സെൻട്രൽ ജംഗ്ഷൻ മുതൽ ടിബി ജംഗ്ഷൻ വരെയുള്ള വ്യാപാരസ്ഥാപനങ്ങൾ ഉൾപ്പെടുന്നതാണ് ടിബി റോഡ് മർച്ചന്‍റ്സ് വെൽഫെയർ അസോസിയേഷൻ.
വ്യാപാരോത്സവത്തിന്റെ ഭാഗമായി അസോസിയേഷനിൽ അംഗങ്ങളായിട്ടുള്ളവരുടെ കടകളിൽനിന്നും 1000 രൂപയ്ക്കു സാധനങ്ങൾ വാങ്ങുന്പോൾ 100 രൂപയുടെ കൂപ്പണ്‍ ലഭിക്കും.ഇതേ കൂപ്പണുമായി അസോസിയേഷനിൽ അംഗങ്ങളായിട്ടുള്ളവരുടെ കടയിലെത്തി സാധനങ്ങൾ വാങ്ങുന്പോൾ 100 രൂപ കിഴിവ് ലഭിക്കും
. ക്രിസ്മസ് പുതുവത്സരത്തോടനുബന്ധിച്ചു കച്ചവടത്തിൽ ഉണർവുണ്ടാക്കുന്നതിനുവേണ്ടിയാണു വ്യാപാരോത്സവം സംഘടിപ്പിച്ചിരിക്കുന്നതെന്ന് അസോസിയേഷൻ പ്രസിഡന്‍റ് നൗഷാദ് പനച്ചിമൂട്ടിൽ പറഞ്ഞു.
വ്യാപാരോത്സവത്തിന്റെ ഉദ്ഘാടനം 18നു നടക്കും.
