ഭാ​ര്യയുടെ മൃ​ത​ദേ​ഹം പു​ഴു​വ​രി​ച്ച നി​ല​യി​ലാ​യി​ട്ടും മ​ര​ണ​വി​വ​രം തിരിച്ചറി​ഞ്ഞില്ല! മൃ​ത​ദേ​ഹ​ത്തി​ന​രി​കെ ഭ​ർ​ത്താ​വ് കാ​വ​ലി​രു​ന്ന​ത് അ​ഞ്ചു​നാ​ൾ

അ​രി​ന്പൂ​ർ: ഭാ​ര്യയുടെ മൃ​ത​ദേ​ഹം പു​ഴു​വ​രി​ച്ച നി​ല​യി​ലാ​യി​ട്ടും മ​ര​ണ​വി​വ​രം തിരിച്ചറി​യാ​തെ മ​നോ​ദൗ​ർ​ബ​ല്യ​മു​ള്ള ഭ​ർ​ത്താ​വ് മൃ​ത​ദേ​ഹ​ത്തോ​ടൊ​പ്പം ക​ഴി​ഞ്ഞ​ത് അ​ഞ്ചു രാ​വും പ​ക​ലും.

അ​രി​ന്പൂ​ർ പ​ഞ്ചാ​യ​ത്തി​ലെ ആ​റാം വാ​ർ​ഡി​ൽ താ​മ​സി​ക്കു​ന്ന മ​ഠ​ത്തി​പ​റ​ന്പി​ൽ സ​രോ​ജി​നി (64)യാ​ണു മ​രി​ച്ച​ത്. മാ​ന​സി​ക ദൗ​ർ​ബ​ല്യ​മു​ള്ള ഭ​ർ​ത്താ​വ് രാ​മ​കൃ​ഷ്ണ​ൻ മ​ര​ണ​വി​വ​ര​മ​റി​യാ​തെ വീ​ട്ടി​ൽ ദി​വ​സ​ങ്ങ​ൾ ക​ഴി​ച്ചു​കൂ​ട്ടി.

ഈ ​പ്ര​ദേ​ശം കോ​വി​ഡ് ക്ല​സ്റ്റ​ർ ആ​യ​തി​നാ​ൽ അ​യ​ൽ​വാ​സി​ക​ളൊ​ന്നും ദി​വ​സ​ങ്ങ​ളാ​യി പ​ര​സ്പ​രം ബ​ന്ധ​മു​ണ്ടാ​യി​രു​ന്നി​ല്ല.

ആ​ശാ​രി​പ്പ​ണി​ക്കാ​ര​നാ​യ മ​ക​ൻ ദി​നേ​ശ​ൻ തൃ​ശൂ​രി​ൽ ജോ​ലി​ക്കു പോ​യാ​ൽ ആ​ഴ്ച​യി​ൽ ഒ​രി​ക്ക​ലാ​ണു വീ​ട്ടി​ൽ വ​രി​ക എ​ന്ന​തി​നാ​ൽ മ​ര​ണ​വി​വ​രം അ​റി​ഞ്ഞി​ല്ല.

60 വ​യ​സു ക​ഴി​ഞ്ഞ​വ​ർ​ക്കു വാ​ക്സി​ൻ എ​ടു​ക്കു​ന്ന​തി​ന്‍റെ കാ​ര്യം പ​റ​യു​ന്ന​തി​നും ഇ​വ​രി​ൽ നി​ന്ന് ആ​ധാ​ർ വി​വ​ര​ങ്ങ​ൾ ശേ​ഖ​രി​ക്കു​ന്ന​തി​നു​മാ​യി സ​മീ​പ​ത്തെ അ​ങ്ക​ണ​വാ​ടി ടീ​ച്ച​ർ ഗീ​ത ജ​യ​രാ​ജ് ഇന്നലെ ഉ​ച്ച​യോ​ടെ വീ​ട്ടി​ൽ എ​ത്തി​യ​പ്പോഴാണ് സം​ഭ​വം പു​റ​ത്ത​റി​ഞ്ഞ​ത്.

വി​വ​ര​മ​റി​ഞ്ഞ് എ​ത്തി​യ അ​ന്തി​ക്കാ​ട് എ​സ്എ​ച്ച്ഒ സു​രേ​ഷ് കു​മാ​ർ, എ​സ്ഐ സു​ധീ​ഷ് കു​മാ​ർ, തൃ​ശൂ​രി​ൽ നി​ന്നെ​ത്തി​യ വി​ര​ല​ട​യാ​ള വി​ദ​ഗ്ധ​ർ, വ​നി​ത പോ​ലീ​സ് എ​ന്നി​വ​രു​ടെ നേ​തൃ​ത്വ​ത്തി​ൽ മൃ​ത​ദേ​ഹ പ​രി​ശോ​ധ​ന ന​ട​ത്തി.

പി​പി​ഇ കി​റ്റ് ധ​രി​ച്ച് എ​ത്തി​യ ഡി​വൈ​എ​ഫ്ഐ പ്ര​വ​ർ​ത്ത​ക​ർ പോ​സ്റ്റ്മോ​മോ​ർ​ട്ട​ത്തി​നാ​യി മൃ​ത​ദേ​ഹം തൃ​ശൂ​ർ മെ​ഡി​ക്ക​ൽ കോ​ള​ജി​ൽ എ​ത്തി​ച്ചു.

പോ​സ്റ്റ്മോ​ർ​ട്ട​ത്തി​നു ശേ​ഷ​മേ മ​ര​ണ​കാ​ര​ണം വ്യ​ക്ത​മാ​ക്കാ​ൻ ക​ഴി​യൂ എ​ന്നു പോ​ലീ​സ് അ​റി​യി​ച്ചു. അ​രി​ന്പൂ​ർ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് സ്മി​ത അ​ജ​യ​കു​മാ​ർ ഉ​ൾ​പ്പ​ടെ​യു​ള്ള ജ​ന​പ്ര​തി​നി​ധി​ക​ളും എ​ത്തി​യി​രു​ന്നു.