ടൂ​റിം​ഗ് ടാ​ക്കീ​സ​ല്ല…! ത​ങ്ങ​ൾ ക​ഷ്ട​പ്പെ​ട്ട് ഒ​രു​ക്കി​യ സി​നി​മ പ്രേ​ക്ഷ​ക​രെ കാ​ണി​ക്കു​ക​യെ​ന്ന ദൗ​ത്യം ഏ​റ്റെ​ടു​ത്ത തൃ​ശൂ​ർ​ക്കാ​രെ പ​രി​ച​യ​പ്പെ​ടാം…..

ഋ​ഷി

പാ​ല​ഭി​ഷേ​ക​ങ്ങ​ളി​ല്ല, കൊ​ട്ടും​കു​ര​വ​യും കാ​വ​ടി​യാ​ട്ട​ങ്ങ​ളു​മി​ല്ല..​പ​ടു​കൂ​റ്റ​ൻ ഫ്ളെ​ക്സ് ബോ​ർ​ഡു​ക​ളും പ​ര​സ്യ​പ്ര​ചാ​ര​ണ കോ​ലാ​ഹ​ല​ങ്ങ​ളു​മി​ല്ല…​അ​ഞ്ഞൂ​റോ​ളം സ്ക്രീ​നു​ക​ളി​ൽ പ്ര​ദ​ർ​ശ​ന​വു​മി​ല്ല. പ​ക്ഷെ ഇ​തും സി​നി​മ ത​ന്നെ​യാ​ണ്. പ്രേ​ക്ഷ​ക​ർ​ക്കാ​യി ഒ​രു​ക്കി​യ സി​നി​മ. കെ​ട്ടു​കാ​ഴ്ച​ക​ളും ആ​ല​ഭാ​ര​ങ്ങ​ളു​മി​ല്ലാ​തെ ക​ഥ​യു​ടെ ക​രു​ത്തും ക്രാ​ഫ്റ്റി​ന്‍റെ മി​ക​വും കൊ​ണ്ട് ന​ട്ടെ​ല്ലു​വ​ള​യാ​തെ ത​ല​യു​യ​ർ​ത്തി നി​ൽ​ക്കു​ന്ന ഒ​രു ന​ല്ല സി​നി​മ – ര​ക്ത​സാ​ക്ഷ്യം.

മ​ല​യാ​ള സി​നി​മ​യി​ൽ നി​ര​വ​ധി ന​ല്ല സി​നി​മ​ക​ൾ പി​റ​വി കൊ​ണ്ട നാ​ടാ​ണ് തൃ​ശൂ​ർ. ജ​ന​റേ​ഷ​ൻ ഗ്യാ​പ്പി​ല്ലാ​തെ തൃ​ശൂ​രി​ൽ നി​ന്ന് സി​നി​മ​ക​ൾ വ​ന്നു​കൊ​ണ്ടേ​യി​രി​ക്കു​ന്പോ​ൾ അ​തി​ലെ ഏ​റ്റ​വും പു​തി​യ ചി​ത്ര​മാ​ണ് ര​ക്ത​സാ​ക്ഷ്യം.
പ്ര​ഗ​ല്ഭ​രാ​യ പ​ല സം​വി​ധാ​യ​ക​ർ​ക്കൊ​പ്പം വ​ർ​ഷ​ങ്ങ​ളോ​ളം പ്ര​വ​ർ​ത്തി​ച്ചി​ട്ടു​ള്ള ബി​ജു​ലാ​ലാ​ണ് ര​ച​ന​യും സം​വി​ധാ​ന​വും.

സി​നി​മ വെ​റു​മൊ​രു നേ​ര​ന്പോ​ക്ക​ല്ല എ​ന്ന് വി​ശ്വ​സി​ക്കു​ന്ന, സി​നി​മ​യെ അ​ഗാ​ധ​മാ​യി സ്നേ​ഹി​ക്കു​ന്ന ഒ​രു കൂ​ട്ടം ക​ലാ​കാ​ര​ൻ​മാ​രു​ടെ സ്വ​പ്ന​സാ​ക്ഷാ​ത്ക്കാ​ര​മാ​ണ് ഈ ​സി​നി​മ. സി​നി​മ പ​ണ​സ​ന്പാ​ദ​ന​ത്തി​നു​ള​ള ഒ​രു മാ​ർ​ഗ​മാ​ണെ​ന്ന് ക​രു​താ​ത്ത ഒ​രു കൂ​ട്ടം സി​നി​മ പ്ര​വ​ർ​ത്ത​ക​ർ. അ​വ​രു​ടെ കൂ​ട്ടാ​യ്മ​യാ​ണ് സ്ക്രീ​ൻ​പ്ലേ സി​നി​മാ​സ്. ആ ​കൂ​ട്ടാ​യ്മ​യി​ൽ നി​ന്ന് മ​ല​യാ​ള​ത്തി​ന് സ​മ്മാ​നി​ച്ച ന​ല്ല ചി​ത്ര​മാ​ണ് ര​ക്ത​സാ​ക്ഷ്യം.

ക​ച്ച​വ​ട താ​ല്പ​ര്യ​ങ്ങ​ൾ​ക്ക​തീ​ത​മാ​യി ക​ലാ​പ​ര​മാ​യ മൂ​ല്യ​ങ്ങ​ൾ മു​റു​കെ പി​ടി​ക്കു​ന്ന സാ​മൂ​ഹ്യ പ്ര​സ​ക്ത​മാ​യ ന​ല്ല സി​നി​മ​ക​ളു​ടെ നി​ർ​മി​തി എ​ന്ന ല​ക്ഷ്യ​വു​മാ​യാ​ണ് സ്ക്രീ​ൻ​പ്ലേ സി​നി​മാ​സ് എ​ന്ന കൂ​ട്ടാ​യ്മ മ​ല​യാ​ള​ത്തി​ന്‍റെ വെ​ള്ളി​ത്തി​ര​യി​ലേ​ക്ക് ക​ട​ന്നു​വ​ന്നി​രി​ക്കു​ന്ന​ത്.

കാ​ണ​ണോ….​കാ​ണി​ച്ചു​ത​രും…

സി​നി​മ കാ​ണാ​ൻ ത​യാ​റു​ള്ള പ്രേ​ക്ഷ​ക​ന് സി​നി​മ കാ​ണി​ച്ചു കൊ​ടു​ക്കു​ക​യെ​ന്ന ഉ​ത്ത​ര​വാ​ദി​ത്തം കൂ​ടി പു​തി​യ​കാ​ല​ത്തെ സി​നി​മ പ്ര​വ​ർ​ത്ത​ക​ർ ഏ​റ്റെ​ടു​ക്കേ​ണ്ടി​യി​രി​ക്കു​ന്നു. കാ​ലം ആ​വ​ശ്യ​പ്പെ​ടു​ന്ന മാ​ർ​ക്ക​റ്റിം​ഗ് സ്്ട്രാ​റ്റ​ജി​യാ​ണ​ത്. ബ്ര​ഹ്മാ​ണ്ഡ ചി​ത്ര​ങ്ങ​ൾ തീ​യ​റ്റ​റു​ക​ൾ നി​റ​ഞ്ഞാ​ടു​ന്പോ​ൾ ര​ക്ത​സാ​ക്ഷ്യം പോ​ലെ​യു​ള​ള ന​ല്ല ചെ​റു​ചി​ത്ര​ങ്ങ​ളെ പ്രേ​ക്ഷ​ക സ​മ​ക്ഷ​ത്തേ​ക്ക് ക​ട​ത്തി​വി​ടാ​ൻ പോ​ലുംതിയ​റ്റ​റു​ക​ൾ ത​യാ​റാ​വാ​ത്ത സ്ഥി​തി​യു​ണ്ട്.

ര​ക്ത​സാ​ക്ഷ്യം എ​ന്ന സി​നി​മ ചി​ത്രാ​ഞ്ജ​ലി തിയ​റ്റ​റു​ക​ൾ വ​ഴി റി​ലീ​സ് ചെ​യ്യാ​നാ​ണ് ഉ​ദ്ദേ​ശി​ച്ചി​രു​ന്ന​ത്. എ​ന്നാ​ൽ വ​ലി​യ സി​നി​മ​ക​ളു​ടെ തി​ര​ക്കൊ​ഴി​ഞ്ഞ് ചി​ത്രാ​ഞ്ജ​ലി തിയ​റ്റ​റു​ക​ൾ ല​ഭി​ക്കു​ന്ന​തി​ന​നു​സ​രി​ച്ചേ അ​ത് സാ​ധ്യ​മാ​കൂ എ​ന്ന് തി​രി​ച്ച​റി​ഞ്ഞ​തോ​ടെ ത​ങ്ങ​ളു​ടെ സി​നി​മ ചി​ത്രാ​ഞ്ജ​ലി തീ​യ​റ്റ​റു​ക​ളി​ലൂ​ടെ പ്ര​ദ​ർ​ശി​പ്പി​ക്കു​ക​യെ​ന്ന​ത് എ​ളു​പ്പ​മ​ല്ലെ​ന്നും അ​തൊ​രു​പാ​ട് കാ​ല​താ​മ​സ​മെ​ടു​ക്കു​ന്ന കാ​ര്യ​മാ​കു​മെ​ന്നും ര​ക്ത​സാ​ക്ഷ്യ​ത്തി​ന്‍റെ അ​ണി​യ​റ പ്ര​വ​ർ​ത്ത​ക​ർ തി​രി​ച്ച​റി​ഞ്ഞു. എ​ടു​ത്തു പൂ​ർ​ത്തി​യാ​ക്കി​യ ഒ​രു സി​നി​മ പെ​ട്ടി​ക്കു​ള്ളി​ൽ അ​ട​യി​രു​ന്ന് പൊ​ടി​പി​ടി​ച്ചു​പോ​കു​ന്ന​ത് കാ​ണാ​ൻ ഇ​ഷ്ട​മി​ല്ലാ​തി​രു​ന്ന സം​വി​ധാ​യ​ക​ൻ ബി​ജു​ലാ​ലും കൂ​ട്ട​രും സി​നി​മ കാ​ണി​ച്ചു​കൊ​ടു​ക്കാ​ൻ ത​ന്നെ ഉ​റ​പ്പി​ച്ച​തോ​ടെ ര​ക്ത​സാ​ക്ഷ്യ​ത്തി​ന്‍റെ പ്ര​ദ​ർ​ശ​ന​ത്തി​ന് വ​ഴി​തെ​ളി​ഞ്ഞു.

തൃ​ശൂ​ർ​ക്കാ​ര​നാ​യ പ്രി​യ​ന​ന്ദ​ന​ന്‍റെ നെ​യ്ത്തു​കാ​ര​നും സു​ദേ​വ​ന്‍റെ ക്രൈം ​ന​ന്പ​ർ 89 തു​ട​ങ്ങി​യ സി​നി​മ​ക​ൾ പ്രേ​ക്ഷ​ക​രി​ലേ​ക്ക് എ​ത്താ​ൻ കൈ​ക്കൊ​ണ്ട മാ​ർ​ഗ​ങ്ങ​ളു​ടെ വ​ഴി​യേ ര​ക്ത​സാ​ക്ഷ്യ​ത്തി​ന്‍റെ പ്ര​വ​ർ​ത്ത​ക​രും നീ​ങ്ങി. വ​ർ​ഷ​ങ്ങ​ൾ​ക്കു മു​ന്പ് ജോ​ണ്‍ എ​ബ്ര​ഹാം കാ​ണി​ച്ചു ത​ന്ന വ​ഴി കൂ​ടി​യാ​ണി​ത്.

കേ​ര​ള​ത്തി​ലെ പ്ര​ധാ​ന​പ്പെ​ട്ട റി​ലീ​സിം​ഗ് സ്റ്റേ​ഷ​നു​ക​ളി​ൽ തീ​യ​റ്റ​റു​ക​ൾ വാ​ട​ക​യ്ക്കെ​ടു​ത്ത് പ്ര​മോ​ഷ​ൻ ഷോ​ക​ൾ എ​ന്ന പേ​രി​ൽ ര​ക്ത​സാ​ക്ഷ്യം പ്ര​ദ​ർ​ശി​പ്പി​ക്കു​ക​യെ​ന്ന ഉ​ത്ത​ര​വാ​ദി​ത്തം അ​ണി​യ​റ പ്ര​വ​ർ​ത്ത​ക​ർ ഏ​റ്റെ​ടു​ത്തു. ന​ല്ല സി​നി​മ​ക​ൾ നി​ല​നി​ൽ​ക്ക​ണ​മെ​ന്ന് ആ​ഗ്ര​ഹി​ക്കു​ന്ന ന​ല്ല സി​നി​മ​ക​ളെ പ്രോ​ത്സാ​ഹി​പ്പി​ക്കു​ന്ന​വ​രും സ്നേ​ഹി​ക്കു​ന്ന​വ​രും ത​ങ്ങ​ൾ​ക്കൊ​പ്പ​മു​ണ്ടാ​കു​മെ​ന്ന പ്ര​തീ​ക്ഷ​യോ​ടെ​യും വി​ശ്വാ​സ​ത്തോ​ടെ​യു​മാ​ണ് ബി​ജു​ലാ​ലും കൂ​ട്ട​രും ര​ക്ത​സാ​ക്ഷ്യ​ത്തെ ഈ ​രീ​തി​യി​ൽ പ്രേ​ക്ഷ​ക​രി​ലേ​ക്ക് എ​ത്തി​ക്കാ​ൻ തീ​രു​മാ​ന​മെ​ടു​ത്ത​ത്.

സം​വി​ധാ​യ​ക​ൻ പ​റ​യു​ന്നു…

താ​ര​പ്ര​ഭ​യി​ല്ലാ​ത്ത പ​ല ചെ​റി​യ സി​നി​മ​ക​ൾ​ക്കും നേ​രി​ടേ​ണ്ടി വ​ന്ന ദു​ര​ന്ത​മാ​ണ് ഇ​ത്ത​ര​മൊ​രു പ​രീ​ക്ഷ​ണ​ത്തി​ന് ഞ​ങ്ങ​ളെ പ്രേ​രി​പ്പി​ച്ച​ത്. ഇ​തൊ​രു വി​ജ​യ​മാ​യി മാ​റ​ണ​മെ​ങ്കി​ൽ എ​ല്ലാ​വ​രു​ടേ​യും ആ​ത്മാ​ർ​ഥ​മാ​യ പ്ര​യ​ത്ന​വും സ​ഹ​ക​ര​ണ​വും അ​നി​വാ​ര്യ​മാ​ണ്. അ​വ​ധി ദി​വ​സ​ങ്ങ​ളി​ൽ പ്ര​ധാ​ന​പ്പെ​ട്ട തീ​യ​റ്റ​റു​ക​ളി​ൽ റ​ഗു​ല​ർ ഷോ​ക​ൾ​ക്ക് മു​ന്നേ ത​ന്നെ സ്പെ​ഷൽ ഷോ ​ആ​യാ​ണ് ര​ക്ത​സാ​ക്ഷ്യം പ്ര​ദ​ർ​ശി​പ്പി​ക്കു​ക. ഒ​രു ടി​ക്ക​റ്റി​ന് 100 രൂ​പ​യാ​ണ് ഈ​ടാ​ക്കു​ന്ന​ത്. കൂ​ടു​ത​ൽ പ്രേ​ക്ഷ​ക​രെ​ത്തി ടി​ക്ക​റ്റെ​ടു​ത്താ​ൽ മാ​ത്ര​മേ ഈ ​ഉ​ദ്യ​മം വി​ജ​യി​ക്കു​ക​യു​ള്ളു​വെ​ന്ന​ത് സ​ത്യം.

മു​ട​ക്കി​യ പ​ണ​ത്തി​ന്‍റെ ചെ​റി​യൊ​രു വി​ഹി​തം തി​രി​ച്ചു​പി​ടി​ക്കു​ക​യെ​ന്ന ചെ​റി​യ ആ​ഗ്ര​ഹ​വും ന​ല്ല സി​നി​മ പ​ര​മാ​വ​ധി പ്രേ​ക്ഷ​ക​രി​ലേ​ക്ക് എ​ത്ത​ണ​മെ​ന്ന വ​ലി​യ ആ​ഗ്ര​ഹ​വും ഞ​ങ്ങ​ൾ​ക്കു​ണ്ട്. പ്രേ​ക്ഷ​ക​ർ​ക്ക് ന​ല്ല സി​നി​മ കാ​ണാ​നു​ള്ള അ​വ​സ​രം ഇ​ല്ലെ​ന്ന പ​രാ​തി ഇ​തു​പോ​ലു​ള്ള പ്ര​ദ​ർ​ശ​ന​ങ്ങ​ളി​ലൂ​ടെ നി​ക​ത്തു​ക​യാ​ണ് ഞ​ങ്ങ​ൾ. ഇ​നി കാ​ണേ​ണ്ട​ത് ന​ല്ല സി​നി​മ​ക​ളെ പ്രോ​ത്സാ​ഹി​പ്പി​ക്കേ​ണ്ട പ്രേ​ക്ഷ​ക​രു​ടെ സാ​ന്നി​ധ്യ​മാ​ണ്.

ക​ഴി​ഞ്ഞ മാ​സം തൃ​ശൂ​ർ ഗി​രി​ജ​യി​ലും മാ​പ്രാ​ണം വ​ർ​ണ​യി​ലും രാ​വി​ലെ ഒ​ന്പ​തി​ന് ഇ​ത്ത​ര​ത്തി​ൽ ര​ക്ത​സാ​ക്ഷ്യം പ്ര​ദ​ർ​ശി​പ്പി​ച്ചു. കാ​ണാ​ൻ പ്രേ​ക്ഷ​ക​രു​മെ​ത്തി. ഇ​ത് ഞ​ങ്ങ​ൾ​ക്ക് കൂ​ടു​ത​ൽ ആ​ത്മ​വി​ശ്വാ​സം പ​ക​ർ​ന്നു. അ​തു​കൊ​ണ്ടു​ത​ന്നെ ര​ക്ത​സാ​ക്ഷ്യ​വു​മാ​യി കൂ​ടു​ത​ൽ തിയറ്റ​റു​ക​ളി​ലേ​ക്ക് യാ​ത്ര തു​ട​രു​ക​യാ​ണ് ഞ​ങ്ങ​ൾ.

സി​നി​മ ഒ​രു സ്വ​പ്ന​മാ​ണ്…പ​ല​പ്പോ​ഴും ത്യാ​ഗ​വും

ക​ല​യ്ക്കു വേ​ണ്ടി പ​ണം ചെ​ല​വ​ഴി​ക്കു​ക എ​ന്ന​ത് ഇ​ന്ന​ത്തെ കാ​ല​ത്ത് അ​പൂ​ർ​വം ചി​ല​ർ മാ​ത്രം ചെ​യ്യു​ന്ന ന​ല്ല​കാ​ര്യ​മാ​ണ്. മു​ട​ക്കി​യ പ​ണം തി​രി​ച്ചു​കി​ട്ട​ണം എ​ന്ന വാ​ശി​പി​ടി​ക്കാ​ത്ത ന​ല്ല നി​ർ​മാ​താ​ക്ക​ളാ​ണ് മ​ല​യാ​ള സി​നി​മ​യ്ക്ക് ഇ​ന്നാ​വ​ശ്യം. ര​ക്ത​സാ​ക്ഷ്യ​ത്തി​ന്‍റെ നി​ർ​മാ​താ​വ് ബാ​ബു ചൊ​വ്വ​ല്ലൂ​രി​നെ അ​ഭി​ന​ന്ദി​ക്കേ​ണ്ട​തും അ​തു​കൊ​ണ്ടു​ത​ന്നെ​യാ​ണ്. താ​ര​പ​രി​വേ​ഷ​ങ്ങ​ളി​ല്ലാ​ത്ത ഒ​രു ന​ല്ല സി​നി​മ​യ്ക്കാ​യി പ​ണം മു​ട​ക്കാ​ൻ തയാ​റാ​യ ബാ​ബു ചൊ​വ്വ​ല്ലൂ​ർ ലാ​ഭം മാ​ത്രം നോ​ക്കി പ​ണം മു​ട​ക്കു​ന്ന നി​ർ​മാ​താ​ക്ക​ളു​ടെ കൂ​ട്ട​ത്തി​ല​ല്ല.

ബോ​ക്സോ​ഫീ​സി​ൽ ഒ​രു​പ​ക്ഷെ ബാ​ബു ചൊ​വ്വ​ല്ലൂ​രി​ന്‍റെ പേ​ര് അ​ട​യാ​ള​പ്പെ​ടു​ത്താ​തെ പോ​യേ​ക്കാം…​പ​ക്ഷേ ന​ല്ല സി​നി​മ​ക​ളു​ടെ നി​ർ​മാ​താ​ക്ക​ൾ എ​ന്ന പ​ട്ടി​ക​യി​ൽ ബാ​ബു ചൊ​വ്വ​ല്ലൂ​രി​ന്‍റെ പേ​രു​ണ്ടാ​കും. ര​ക്ത​സാ​ക്ഷ്യം പോ​ലു​ള്ള ചെ​റി​യ ന​ല്ല സി​നി​മ​ക​ൾ സാ​ധ്യ​മാ​ക്കാ​ൻ നി​ർ​മാ​താ​ക്ക​ൾ പ​ണ​ക്ക​ണ​ക്ക് നോ​ക്കാ​തെ സ​ധൈ​ര്യം ക​ട​ന്നു​വ​ര​ണ​മെ​ന്ന് ബാ​ബു ചൊ​വ്വ​ല്ലൂ​ർ കാ​ണി​ച്ചു ത​രു​ന്നു…

സ​ഹ​നി​ർ​മാ​ണം: മു​സ്ത​ഫ കീ​ത്ത​ട​ത്ത്, ഹ​രി​ലാ​ൽ ക​ട​യ്ക്ക​ൽ, പി.​എ​സ്.​അ​ച്യു​ത​ൻ, അ​നി​ൽ കൈ​പ​റ​ന്പ് എ​ന്നീ സ​ഹ​നി​ർ​മാ​താ​ക്ക​ളും അ​ർ​ഹി​ക്കു​ന്നു ന​ല്ലൊ​രു കൈയടി.

പു​തു​മു​ഖ​ങ്ങ​ളാ​ണ് ര​ക്ത​സാ​ക്ഷ്യ​ത്തി​ന്‍റെ ക​രു​ത്ത്

അ​ർ​ഹ​ത​യു​ണ്ടാ​യി​ട്ടും ഒ​രു അ​വ​സ​രം പോ​ലും കി​ട്ടാ​തെ പോ​യ​വ​ർ​ക്കു​ള്ള അ​ര​ങ്ങേ​റ്റം കൂ​ടി​യാ​ണ് ര​ക്ത​സാ​ക്ഷ്യം എ​ന്ന സി​നി​മ. മ​റ്റൊ​രു ത​ര​ത്തി​ൽ പ​റ​ഞ്ഞാ​ൽ കാ​മ​റ​യ്ക്ക് മു​ന്നി​ലും പി​ന്നി​ലു​മു​ള്ള പു​തു​മു​ഖ​ങ്ങ​ളാ​ണ് ര​ക്ത​സാ​ക്ഷ്യ​ത്തി​ന്‍റെ ക​രു​ത്ത്. നി​ർ​ബ​ന്ധ​ബു​ദ്ധി​ക​ളി​ല്ലാ​തെ ന​ല്ല സി​നി​മ എ​ന്ന സ്വ​പ്ന​ത്തി​ന് നി​റം പ​ക​രാ​ൻ മ​ന​സ​ർ​പ്പി​ച്ച് നൂ​റു ശ​ത​മാ​ന​മ​ത്തി​ലേ​റെ ആ​ത്മാ​ർ​ഥ​മാ​യി ചി​ത്ര​ത്തി​നൊ​പ്പം നി​ന്ന നി​ര​വ​ധി പേ​ർ..​വാ​ട​ക​യ്ക്കെ​ടു​ത്ത തിയ​റ്റ​റു​ക​ളി​ൽ ര​ക്ത​സാ​ക്ഷ്യ​മെ​ന്ന ടൈ​റ്റി​ൽ തെ​ളി​യു​ന്പോ​ൾ ഉ​യ​രു​ന്ന കൈ​യ​ടി​ക​ൾ ഈ ​പു​തു​മു​ഖ​ങ്ങ​ൾ​ക്കു​ള്ള കൈ​യ​ടി കൂ​ടി​യാ​ണ്…​മ​ല​യാ​ള​സി​നി​മ​യു​ടെ വി​ശാ​ല​മാ​യ ലോ​ക​ത്തേ​ക്കു​ള്ള നി​ങ്ങ​ളു​ടെ ക​ട​ന്നു​വ​ര​വി​നു​ള്ള ഹ​ർ​ഷാ​ര​വ​മാ​ണ​ത്…

പൂ​നെ ഫി​ലിം ഇ​ൻ​സ്റ്റി​റ്റ്യൂ​ട്ടി​ലെ അ​ധ്യാ​പ​ക​നാ​യ ജി​ജോ​യ് രാ​ജ​ഗോ​പാ​ലാ​ണ് ര​ക്ത​സാ​ക്ഷ്യ​ത്തി​ലെ പ്ര​ധാ​ന വേ​ഷം കൈ​കാ​ര്യം ചെ​യ്തി​രി​ക്കു​ന്ന​ത്. സു​നി​ൽ സു​ഗ​ത, ദേ​വി അ​ജി​ത്, ദി​വ്യ ഗോ​പി​നാ​ഥ് എ​ന്നി​വ​രും ചി​ത്ര​ത്തി​ലു​ണ്ട്.
സാ​ഗ​ർ ഛായാ​ഗ്ര​ഹ​ണ​വും ഹ​രി​ഗോ​വി​ന്ദ​ൻ, അ​റ​യ്ക്ക​ൽ ന​ന്ദ​കു​മാ​ർ എ​ന്നി​വ​ർ സം​ഗീ​ത​സം​വി​ധാ​ന​വും നി​ർ​വ​ഹി​ച്ചു. ബാ​ല​മു​ര​ളി​യാ​ണ് ബാ​ക്ക് ഗ്രൗ​ണ്ട് മ്യൂ​സി​ക്. താ​ഹി​ർ​ഹം​സ എ​ഡി​റ്റിം​ഗും ന​ട​ത്തി.

ക്ര​യോ​ണ്‍ ജ​യ​ൻ, കാ​ളി​ദാ​സ​ൻ, ഷൈ​ൻ നെ​ല്ല​ങ്ക​ര, സ​ന്തോ​ഷ് ചി​റ്റി​ല​പ്പി​ള്ളി, അ​നൂ​പ് സ​ണ്ണി, നി​ധി​ൻ, ജി​ജോ ത​ര​ക​ൻ, അ​ഷ്ക്ക​ർ, സാ​യ് പ്ര​ബീ​ഷ്, പ്രേം​ജി ഗു​രു​വാ​യൂ​ർ, സു​രേ​ഷ് രാ​ജ​ൻ, വി​ന​യ് ലാ​ൽ എ​ന്നി​വ​രാ​ണ് ര​ക്ത​സാ​ക്ഷ്യ​ത്തി​ന്‍റെ മ​റ്റ് അ​ണി​യ​റ പ്ര​വ​ർ​ത്ത​ക​ർ.

ര​ക്ത​സാ​ക്ഷ്യം മു​ന്നോ​ട്ടു വയ്​ക്കു​ന്ന​ത്…

ഇ​തൊ​രു രാ​ഷ്‌​ട്രീ​യ ചി​ത്ര​മ​ല്ലെ​ന്നും എ​ന്നാ​ൽ ക​ക്ഷി രാ​ഷ‌്ട്രീ​യ​ത്തി​ന​പ്പു​റ​മു​ള്ള നി​ഷ്പ​ക്ഷ​മാ​യ ചി​ല രാ​ഷ്‌​ട്രീ​യ യാ​ഥാ​ർ​ഥ്യ​ങ്ങ​ൾ ര​ക്ത​സാ​ക്ഷ്യം മു​ന്നോ​ട്ടു​വയ്ക്കു​ന്നു​ണ്ടെ​ന്നും സം​വി​ധാ​യ​ക​ൻ ബി​ജു​ലാ​ൽ പ​റ​യു​ന്നു. ഒ​രു സാ​ധാ​ര​ണ മ​നു​ഷ്യ​നെ മ​ത രാ​ഷ്‌​ട്രീ​യ കാ​പ​ട്യ​ങ്ങ​ൾ എ​ങ്ങ​നെ​യാ​ണ് അ​പ​ക​ട​ത്തി​ലാ​ക്കു​ന്ന​ത് എ​ന്നാ​ണ് ആ​ത്യ​ന്തി​ക​മാ​യി ഈ ​സി​നി​മ പ​റ​യാ​ൻ ശ്ര​മി​ക്കു​ന്ന​ത്.

കേ​ര​ള​ത്തി​ന്‍റെ സ​മ​കാ​ലീ​ക സാ​മൂ​ഹ്യ അ​വ​സ്ഥ​ക​ളി​ലൂ​ടെ സ​ഞ്ച​രി​ക്കു​ന്ന ചി​ത്ര​മാ​ണി​ത്. മ​തം ആ​ത്മീ​യ​ത തു​ട​ങ്ങി​യ​വ​യി​ൽ സം​ഭ​വി​ച്ച് കൊ​ണ്ടി​രി​ക്കു​ന്ന സാം​സ്ക്കാ​രി​ക അ​പ​ച​യ​ങ്ങ​ളെ തു​റ​ന്നു കാ​ട്ടാ​നു​ള്ള ധീ​ര​മാ​യ ഒ​രു ശ്ര​മം കൂ​ടി​യാ​ണ് ര​ക്ത​സാ​ക്ഷ്യ​മെ​ന്ന് ചി​ത്രം ക​ണ്ടി​റ​ങ്ങു​ന്ന​വ​ർ സാ​ക്ഷ്യ​പ്പെ​ടു​ത്തു​ന്നു. അ​പ്പോ​ൾ കാ​ത്തി​രി​ക്കു​ക…​തിയ​റ്റ​ർ വാ​ട​ക​യ്ക്കെ​ടു​ത്ത് ബി​ജു​ലാ​ലും കൂ​ട്ട​രും വൈ​കാ​തെ നി​ങ്ങ​ളു​ടെ അ​ടു​ത്തു​ള്ള തിയറ്റ​റി​ലെ​ത്തും…