ന്യൂയോര്‍ക്കിലെ ഇതിക്ക എന്ന പ്രശസ്തമായ സ്ഥലത്തെ ഒരു ഹൈവേ പാലത്തിനടിയില്‍ കഴിഞ്ഞ ദിവസം ഒരു രൂപം പ്രത്യക്ഷമായി.
അതു കണ്ടു ചിലര്‍ ഞെട്ടി. ചിലര്‍ അത് എന്താണെന്ന് സൂക്ഷ്മമായി നോക്കി. കണ്ടവരില്‍ ചിലര്‍ക്ക് അതൊരു കോമാളി രൂപമാണെന്നു തോന്നി.
അതല്ല ഒരു ഭൂതമാണെന്നു മറ്റു ചിലർ.ഏതായാലും സമൂഹമാധ്യമങ്ങളില്‍ വൈറലായ ചിത്രത്തിന് ഇതുവരെ കാഴ്ച്ചക്കാരായത് 1.3 മില്യണ്‍ ആളുകളാണ്.
ഹൊറര്‍ കഥാപാത്രം
ഹിഡണ്‍ ഓണ്‍ ഗൂഗിള്‍ എര്‍ത്ത് എന്ന പേരിലുള്ള ടിക് ടോക് യൂസറാണ് ഇത് ആദ്യം സമൂഹമാധ്യമങ്ങളില്‍ പങ്കുവച്ചത്.
സ്റ്റീഫന്‍ കിംഗ്‌സിന്‍റെ പ്രശസ്തമായ ഹൊറര്‍ നോവല്‍ ഇറ്റ് ലെ കഥാനായകനായ പെന്നിവൈസിനെപ്പോലെയുണ്ട് രൂപമെന്നാണ് ഈ യൂട്യൂബര്‍ പറയുന്നത്.
എന്തായാലും ഇപ്പോള്‍ ഈ പാലത്തിനടിയിലൂടെ പോകാന്‍ എല്ലാവര്‍ക്കും പേടിയാണ്.
പ്രേതമാണോ എന്നുവരെ ആളുകള്‍ സംശയിക്കുന്നുണ്ട്.ഗൂഗിള്‍ എര്‍ത്തില്‍ തെരഞ്ഞാല്‍ നിങ്ങള്‍ക്കും ഈ ചിത്രം കാണാം.
