മാനുവലിനെ കണ്ടില്ലാ… എന്ന ചോദ്യവുമായിട്ടാണ് കൊണ്ടൽ എന്ന ചിത്രത്തിന്‍റെ ടീസർ ആരംഭിക്കുന്നത്. ‘ഹും… അവൻ പണിക്കെന്നും പറഞ്ഞു പോയിട്ടുണ്ട്. ഗൾഫിലിരുന്ന് അന്തസായിട്ടു കുടുംബം നോക്കിക്കൊണ്ടിരുന്ന ചെറുക്കനാ. ഇപ്പോം കള്ളും കുടിച്ച് കണ്ടടം നെരങ്ങി നടക്കാ… അവരൊക്കെ കിട്ടാനും കുത്താനും മടിക്കാത്ത ഗുണ്ടകളാ. ഞങ്ങൾക്ക് അവമ്മാരെ പേടിയാണ്. നീയും ഇതിന്‍റെ പുറകേ പോകാൻ നിക്കണ്ട. അവനെന്തോ സംശയമുണ്ട്’.
കൊണ്ടലിലെ വിവിധ മുഹൂർത്തങ്ങളിലെ ഏതാനും ഭാഗങ്ങളാണിത്. ടീസറിലുടനീളം ആക്ഷൻ രംഗങ്ങളും കാണാൻ കഴിയും. ഉദ്വേഗത്തിന്‍റെ മുഹൂർത്തങ്ങൾ ഉടനീളം നിലനിർത്തിയുള്ള ഈ ടീസർ ചിത്രത്തിന്‍റെ മൊത്തം ജോണറിനെത്തന്നെയാണ് ചൂണ്ടിക്കാട്ടുന്നത്.
വീക്കെന്‍റ് ബ്ലോഗ് ബസ്റ്ററിന്‍റെ ബാനറിൽ സോഫിയാ പോൾ നിർമിച്ച് നവാഗതനായ അജിത് മാമ്പള്ളി സംവിധാനം ചെയ്യുന്ന കൊണ്ടൽ എന്ന ചിത്രം സെപ്റ്റംബർ പതിമൂന്നിന് പ്രദർശനത്തിന് എത്തുന്നു. അതിന്‍റെ മുന്നോടിയായാണ് പുതിയ ടീസർ പുറത്തു വിട്ടിരിക്കുന്നത്.
കടൽ മക്കളുടേതാണ് കൊണ്ടൽ എന്ന വാക്ക്. കടലിൽ നിന്നും കരയിലേക്കു വിശുന്ന നാലാം കാറ്റിനെയാണ് ഇവർ കൊണ്ടൽ എന്നു പറയുന്നത്. പുറംകടലിൽ മത്സ്യബന്ധനത്തിനു പോകുന്നവർക്ക് ഇത്തരം പ്രതിഭാസങ്ങൾ അവരുടെ തൊഴിലുമായി ബന്ധപ്പെട്ടതാണ്.
ഇവിടെ ഈ നാലാം കാറ്റിന്‍റെ പിന്നിൽ ചില നിഗൂഡതകൾ ഒളിഞ്ഞു കിടക്കുന്നുണ്ട്. ശക്തമായ പ്രതികാരത്തിന്‍റെ എരിയുന്ന കനൽ പുകഞ്ഞ് കത്തുന്നു . മാനുവൽ എന്ന യുവാവിന്‍റെ മനസിലാണ് നുരഞ്ഞുപൊങ്ങുന്ന ഈ പ്രതികാരം കനലായി എരിയുന്നത്.
അത് കടലിനേയും കടപ്പുറത്തെയും സംഘർഷഭരിതമാക്കുകയാണ്. ഉൾക്കടലിലും കടപ്പുറത്തും തീ പാറും സംഘട്ടനങ്ങൾ ചിത്രത്തിൽ നിറഞ്ഞുനിൽക്കുന്നു. സമീപകാല മലയാള സിനിമയിലെ ഏറ്റവും മികച്ച ആക്ഷൻ ത്രില്ലർ മൂവിയായിരിക്കും കൊണ്ടൽ.
പുതുമയാർന്ന പശ്ചാത്തലവും ഹൃദയഹാരിയായ മുഹൂർത്തങ്ങളാലും കൊണ്ടൽ പ്രേക്ഷകർക്ക് തികഞ്ഞ ഓണവിരുന്നു തന്നെ സമ്മാനിക്കുമെന്നതിൽ സംശയമില്ല. വിശാലമായ കാൻവാസിൽ നൂതന സാങ്കേതികവിദ്യകളുടെ പിൻബലത്തോടെ അവതരിപ്പിക്കുന്ന ഈ ചിത്രം വലിയ മുതൽ മുടക്കിലാണ് പൂർത്തിയാകുന്നത്.
പുതിയ തലമുറയിലെ ഏറ്റവും ശ്രദ്ധേയനായ നടൻ ആന്‍റണി വർഗീസ് (പെപ്പെ) മാനുവലിനെ അവതരിപ്പിക്കുന്നു. പ്രശസ്ത ബോളിവുഡ് താരം രാജ് .ബി. ഷെട്ടി ഈ ചിത്രത്തിൽ അതിശക്തമായ മറ്റൊരു കഥാപാത്രത്തെ അവതരിപ്പിക്കുന്നു
കിംഗ് ഓഫ് കൊത്ത എന്ന ചിത്രത്തിലെ പ്രതിനായകനെ അവതരിപ്പിച്ച് ശ്രദ്ധേയനായ ഷബീർ കല്ലറയ്ക്കൽ മറ്റൊരു പ്രധാന വേഷത്തിലെത്തുന്നു. പ്രതികാരവും പ്രണയവും ബന്ധങ്ങൾക്കുമൊക്കെ ഏറെ പ്രാധാന്യമുണ്ട് ഈ ചിത്രത്തിന്.
നന്ദു, മണികണ്ഠൻ ആചാരി, പ്രമോദ് വെളിയനാട്, ശരത് സഭ, അഭിരാം രാധാകൃഷ്ണൻ, പി. എൻ. സണ്ണി, സിറാജുദ്ദീൻ നാസർ, നെബീഷ് ബൻസൺ, ആഷ്‌ലി രാഹുൽ രാജഗോപാൽ, രാംകുമാർ, അഫ്സൽ. പി. എച്ച്, സുനിൽ അഞ്ചുതെങ്ങ്, രാഹുൽ നായർ, ഗൗതമി നായർ, പ്രതിഭാ, കുടശനാട് കനകം, ഉഷ, ജയാ കുറുപ്പ്, പുഷ്പ കുമാരി എന്നിവരും ഈ ചിത്രത്തിലെ പ്രധാന അഭിനേതാക്കളാണ്.
പ്രൊജക്റ്റ് ഡിസൈനേഴ്സ് – സെഡിൻ പോൾ, കെവിൻ പോൾ. എക്സിക്യൂട്ടീവ് പ്രൊഡ്യൂസർ -മാനുവൽ ക്രൂസ് ഡാർവിൻ. തിരക്കഥ – അജിത് മാമ്പള്ളി, റോയ്‌ലിൻ റോബർട്ട്, സതീഷ് തോന്നക്കൽ.
സാം .സി. എസ് ആണ് സംഗീതവും പശ്ചാത്തല സംഗീതവും. ഛായാഗ്രഹണം – ദീപക് .ഡി. മേനോൻ. എഡിറ്റിംഗ്- ശ്രീജിത്ത് സാരംഗ്. കലാസംവിധാനം – വിനോദ് രവീന്ദ്രൻ, കോസ്റ്റ്യും ഡിസൈൻ- നിസാർ റഹ്മത്ത്. മേക്കപ്പ് – അമൽ ചന്ദ്ര. നിശ്ചല ഛായാഗ്രഹണം – നിദാദ്.
ചീഫ് അസോസിയേറ്റ് ഡയറക്ടർ-ഉമേഷ് രാധാകൃഷ്ണൻ. അസോസിയേറ്റ് ഡയറക്ടർ – മനേഷ് തോപ്പിൽ. സഹ സംവിധാനം – ജസ്റ്റിൻ ജോസഫ്, ടോണി കല്ലുങ്കൽ, ജെഫിൻ ജോബ്, ഹാനോ ഷിബു തോമസ്. വീക്കെന്‍റ് ബ്ലോഗ്ബസ്റ്റേഴ്സ് മാനേജേർസ് – റോജി .പി. കുര്യൻ. പ്രൊഡക്ഷൻ മാനേജർ – പക്രു കരീത്തറ. പ്രൊഡക്ഷൻ എക്സിക്യൂട്ടീവ് – റിയാസ് പട്ടാമ്പി. പ്രൊഡക്ഷൻ കൺട്രോളർ ജാവേദ് ചെമ്പ്. പിആർഒ- വാഴൂർ ജോസ്.
