വിവാഹത്തോട് അനുബന്ധിച്ച് പുറത്തിറക്കുന്ന “സേവ് ദ് ഡേറ്റ്, പ്രീ വെഡ്ഡിംഗ്, പോസ്റ്റ വെഡ്ഡിംഗ് വീഡിയോകൾ’ വ്യത്യസ്തമാക്കുവാൻ മത്സരമാണ്. കാണുമ്പോൾ വളരെ രസകരമെന്ന് തോന്നുന്ന ഈ വീഡിയോകൾക്കുള്ള ആശയങ്ങൾ കണ്ടെത്തുകയെന്നത് അത്ര എളുപ്പമുള്ള കാര്യമല്ല.
ഇപ്പോഴിത സോഷ്യൽമീഡിയയിൽ വൈറലായി മാറിക്കൊണ്ടിരിക്കുന്ന ഒരു “സേവ് ദ് ഡേറ്റ് വീഡിയോ’യാണ് ഏറെ ചിരിയും കൈയടിയും നേടിയെടുക്കുന്നത്. ടെലി ബ്രാൻഡ് ഷോയ്ക്ക് സമാനമായി, വിവാഹം ചെയ്യേണ്ടതിന്‍റെ ആവശ്യവും അതിനു ശേഷം ആളുകളിലുണ്ടാകുന്ന മാറ്റങ്ങളെക്കുറിച്ചുമെല്ലാം വളരെ രസകരമായാണ് ഈ വീഡിയോയിൽ അവതരിപ്പിച്ചിരിക്കുന്നത്. കൂടാതെ “നിങ്ങളുമിത് കഴിക്കൂ’ എന്ന ഉപദേശവും നൽകുന്നുണ്ട്.
മഹേഷും നീതുവും തമ്മിലുള്ള വിവാഹത്തിനാണ് ഈ ടെലി ബ്രാൻഡ് വിവാഹം വിളി ഒരുക്കിയിരിക്കുന്നത്. സോഷ്യൽമീഡിയായിൽ വൈറലായിമാറുന്ന വീഡിയോയ്ക്ക് മികച്ച പ്രതികരണമാണ് ലഭിക്കുന്നത്.
