കൊട്ടാരക്കര:ക്ഷേത്രമുതൽ അപഹരിച്ച പൂജാരിയെ പൂയപ്പള്ളി പോലീസ് പിടികൂ‌ടി. പൂജാരിയായ കോട്ടയം സ്വദേശി സജിത്താണ് (33) പിടിയിലായത്. ചെറുവക്കല്‍ കുമ്പല്ലൂർകാവ് ക്ഷേത്രത്തിലെ വഞ്ചിയിൽ സൂക്ഷിച്ചിരുന്ന 3500 രൂപ , 55 സ്വർണ്ണപ്പൊട്ട്, 7 സ്വർണത്താലി എന്നിവയാണ് മോഷണം പോയത്.
ക്ഷേത്രത്തിലെ പൂജാരി തന്നെയാണ് മോഷ്ടാവെന്നു മനസിലാക്കിയ പോലീസ് സംഘം ഇയാളെ തന്ത്രപരമായി പി‌ടികൂ‌ടുകയായിരുന്നു. പൂയപ്പള്ളി ഇൻസ്‌പെക്ടർ എസ്.ഐ രാജേഷിന്‍റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
