കോഴിക്കോട്: പോലീസ് നിയന്ത്രണത്തിലുള്ള ക്ഷേത്രത്തിലെ ഭണ്ഡാരങ്ങൾ മോഷ്ടിച്ച് കുറ്റിക്കാട്ടിലെറിഞ്ഞ് ഞെട്ടിച്ച വിരുതനെ പിടികൂടാന്‍ കഴിഞ്ഞില്ല. കോഴിക്കോട് മുതലക്കുളത്ത് സ്ഥിതി ചെയ്യുന്ന ശ്രീ ഭദ്രകാളി ക്ഷേത്രത്തിലാണ് കഴിഞ്ഞ ദിവസം രാത്രി മോഷണം നടന്നത്.
കഴിഞ്ഞ ദിവസംതന്നെ ഭണ്ഡാരത്തിലെ പണം ജീവനക്കാര്‍ എടുത്ത് മാറ്റിയിരുന്നതിനാല്‍ പണമൊന്നും നഷ്ടമായിരുന്നില്ല. ഭണ്ഡാരം കാലിയാണെന്ന് മനസിലാക്കിയ മോഷ്ടാവ് രണ്ടു ഭണ്ഡാരങ്ങളും സമീപത്തെ ഓടയില്‍ ഉപേക്ഷിച്ച് കടന്നുകളഞ്ഞു.
കഴിഞ്ഞ ദിവസം രാത്രി 8.45 വരെ ജീവനക്കാര്‍ ക്ഷേത്രത്തില്‍ ഉണ്ടായിരുന്നു. പുലര്‍ച്ചെ 5.45ന് ക്ഷേത്രത്തില്‍ എത്തിയവരാണ് ഭണ്ഡാരങ്ങള്‍ മോഷ്ടിച്ചതായി കണ്ടെത്തിയത്. തുടര്‍ന്ന് പോലീസില്‍ല്‍ വിവരം അറിയിക്കുകയായിരുന്നു.
പ്രദേശത്തെ സിസിടിവി ദൃശ്യങ്ങള്‍ കേന്ദ്രീകരിച്ച് നടത്തിയ പരിശോധനയില്‍ പ്രതിയെക്കുറിച്ചുള്ള സൂചനകള്‍ ലഭിച്ചതായാണ് വിവരം. പാവമണി റോഡ് ഭാഗത്തനിന്ന് പ്രതി ക്ഷേത്ര പരിസരത്തേക്ക് എത്തുന്ന ദൃശ്യങ്ങള്‍ പോലീസിന് ലഭിച്ചിട്ടുണ്ട്.
ഡോഗ് സ്‌ക്വാഡ്, വിരലടയാള വിദഗ്ധര്‍ എന്നിവര്‍ സ്ഥലത്ത് പരിശോധന നടത്തി. ഇതിനിടെ സമീപത്തെ ഓടയില്‍ പുല്ലുകൊണ്ട് മൂടിയ നിലയില്‍ രണ്ട് ഭണ്ഡാരങ്ങൾ സിറ്റി ഫിംഗര്‍ പ്രിന്‍റ് ബ്യൂറോയിലെ ഉദ്യോഗസ്ഥന് കണ്ടെത്തുകയായിരുന്നു. വർഷങ്ങളായി പോലീസ് നിയന്ത്രണത്തിലാണ് പ്രസ്തുത ക്ഷേത്രം.
