പന്ത്രണ്ടു വയസുകാരൻ തുടർച്ചയായി പീഡനത്തിനിരയാക്കിയ പത്തു വയസുകാരി ഗർഭിണിയായി. മഹാരാഷ്ട്രയിലെ പാൽഗഡിലാണു സംഭവം. പെണ്‍കുട്ടിയുടെ മാതാപിതാക്കൾ പരാതിയുമായി പോലീസിനെ സമീപിച്ചതിനെ തുടർന്നാണു വിവരം പുറത്തുവരുന്നത്.
അയൽവാസിയായ പന്ത്രണ്ടു വയസുകാരൻ പെണ്‍കുട്ടിയെ നാലു മാസമായി പീഡനത്തിനിരയാക്കി വരികയായിരുന്നെന്നു മാതാപിതാക്കളുടെ പരാതിയിൽ പറയുന്നു. വയറുവേദനയെ തുടർന്ന് പെണ്‍കുട്ടിയെ ആശുപത്രിയിൽ പ്രവേശിപ്പിച്ചപ്പോഴാണ് ഗർഭിണിയാണെന്നു ഡോക്ടർമാർ അറിയിച്ചത്. ഇതേതുടർന്ന് പെണ്‍കുട്ടിയെ ചോദ്യം ചെയ്തപ്പോൾ പീഡനവിവരം വെളിപ്പെടുത്തി.
ഇതേതുടർന്ന് പെണ്‍കുട്ടിയുടെ മാതാപിതാക്കൾ പോലീസിനെ സമീപിക്കുകയായിരുന്നു. അന്വേഷണം പുരോഗമിക്കുകയാണെന്നും പ്രതിയായ ബാലനെ അറസ്റ്റ് ചെയ്തിട്ടില്ലെന്നും പോലീസ് അറിയിച്ചു.
