മനുഷ്യനുമായി വേഗത്തിൽ അടുക്കുന്ന മൃഗങ്ങളാണ് നായയും പൂച്ചയും. സമൂഹ മാധ്യമങ്ങളിൽ അവരുടെ പല തരത്തിലുള്ള വീഡിയോ വൈറലാകാറുണ്ട്. ഇപ്പോഴിതാ ടെന്നീസ് മത്സരം കാണുന്ന ഒരു നായയുടെ വീഡിയോ ആണ് ചർച്ചയാകുന്നത്. ഐക സമോയ്ദ് എന്ന ഇന്‍സ്റ്റാഗ്രാം ഉപയോക്താവാണ് വീഡിയോ പങ്കുവച്ചിരിക്കുന്നത്.
ഇങ്ങനെയും ഒരു ആരാധകനോ, പന്തിൽ ശ്രദ്ധ കേന്ദ്രീകരിക്കുന്നു എന്ന കുറിപ്പോടെയാണ് വീഡിയോ പങ്കുവച്ചത്. ഒരു കോര്‍ട്ടില്‍ നിന്നും മറുകോർട്ടിലേക്ക് ടെന്നീസ് ബോള്‍ അതിവേഗം പാഞ്ഞ് പോകുമ്പോള്‍ കാണികളുടെയും നായയുടെയും തല ഓരേ താളത്തില്‍ പന്തിനെ പിന്തുടരുന്നു.
തിരിച്ച് വരുമ്പോഴും ഇത് ആവർത്തിക്കുന്നു. അങ്ങോട്ടും ഇങ്ങോട്ടും ഓരോ താളത്തില്‍ ആളുകൾ കണ്ണും തലയും ചലിക്കുന്നു. ഒരു കളിക്കാരന്‍ പോയിന്‍റ് നേടുമ്പോഴാണ് തല ചരിക്കലിന് ഒരു ഭംഗം വരുന്നത് . ഈ സമയം കാണികളില്‍ ചിലര്‍ കൈയടിക്കുമ്പോള്‍ നായ നിശബ്ദം നോക്കി നില്‍ക്കുന്നത് വീഡിയോയിൽ കാണാൻ സാധിക്കും.
നിരവധി ആളുകളാണ് വീഡിയോയ്ക്ക് കമന്‍റുമായി എത്തിയത്. എന്ത് ഏകാഗ്രതയാണ് ഇവന്. സസൂഷ്മം നിരീക്ഷിക്കുന്നത് കണ്ടില്ലേ എന്നാണ് വീഡിയോ കണ്ട പലരും കുറിച്ചത്.
