കടയിൽ നല്ല കച്ചവടമുണ്ട്, പക്ഷേ ലാഭത്തിൽ വരുന്നില്ല; ജീവനക്കാരുടെകള്ളക്കളി കണ്ട് ഞെട്ടി കട മുതലാളിമാർ‌

ന​വാ​സ് മേ​ത്ത​ർ
ത​ല​ശേ​രി: ത​ല​ശേ​രി ന​ഗ​ര​ത്തി​ലെ നാ​ല് വ്യാ​പാ​ര സ്ഥാ​പ​ന​ങ്ങ​ളി​ൽനി​ന്ന് മൂ​ന്ന​ര​വ​ർ​ഷം കൊ​ണ്ടാണ് ജീ​വ​ന​ക്കാ​ർ ര​ണ്ടു കോ​ടി രൂ​പ ത​ട്ടി​യെ​ടു​ത്ത​തെ​ന്ന വാ​ർ​ത്ത രാ​ഷ്‌​ട്ര​ദീ​പി​ക​യി​ൽ വ​ന്ന​പ്പോ​ൾ ത​ന്നെ പ​രാ​തി​യു​മാ​യി കൂ​ടു​ത​ൽ വ്യാ​പാ​രി​ക​ൾ രം​ഗ​ത്തു വ​ന്നി​രി​ക്കു​ക​യാ​ണ്.

എ​ട്ടു സ്ഥാ​പ​ന​ങ്ങ​ളി​ൽ ത​ട്ടി​പ്പ് ന​ട​ന്ന​താ​യാ​ണ് ഇ​പ്പോ​ൾ ക​ണ്ടെ​ത്തി​യി​ട്ടു​ള്ള​ത്. ഇ​തോ​ടെ ത​ട്ടി​പ്പ് ന​ട​ന്ന വ്യാ​പാ​ര​സ്ഥാ​പ​ന​ങ്ങ​ളു​ടെ എ​ണ്ണം 12 ആ​യി.

ത​ട്ടി​യെ​ടു​ക്കു​ന്ന പ​ണം കൊ​ണ്ട് ന​ട​ത്തു​ന്ന ല​ഹ​രി പാ​ർ​ട്ടി​ക​ളി​ൽ പ​ങ്കെ​ടു​ക്കാ​ത്ത സ​ഹ​പ്ര​വ​ർ​ത്ത​ക​ർ​ക്ക് വി​വ​രം പു​റ​ത്താ​കാ​തി​രി​ക്കാ​ൻ ഐ ​ഫോ​ൺ വ​രെ സം​ഘം സ​മ്മാ​ന​മാ​യി ന​ൽ​കി​യ​താ​യും ക​ണ്ടെ​ത്തി. വ​നി​താ സ​ഹ​പ്ര​വ​ർ​ത്ത​ക​ർ​ക്ക് കാ​ഷ് പ്രൈ​സു​ക​ളും ന​ൽ​കി​യി​ട്ടു​ണ്ട്. സം​ഘ​ത്തി​ലെ മൂ​ന്നും പേ​ർ​ക്ക് ദേ​ശ​സാ​ത്കൃ​ത ബാ​ങ്കു​ക​ളി​ൽ അ​ക്കൗ​ണ്ടു​ക​ൾ ഉ​ള്ള​താ​യും വ്യ​ക്ത​മാ​യി​ട്ടു​ണ്ട്.

പാസ്ബുക്ക്
ഒ​രു ക​ട​യു​ടെ കാ​ഷ് കൗ​ണ്ട​റി​ന​് അടി​യി​ൽ അ​തീ​വ ര​ഹ​സ്യ​മാ​യി സൂ​ക്ഷി​ച്ചി​രു​ന്ന ക​ണ്ണൂ​രി​ലു​ള്ള ഒ​രു സ​ഹ​ക​ര​ണ ബാ​ങ്കി​ന്‍റെ പി​ഗ്‌​മി പാ​സ് ബു​ക്ക് ഉ​ട​മ​യു​ടെ ശ്ര​ദ്ധ​യി​ൽ​പെ​ട്ട​തോ​ടെ​യാ​ണ് വ്യാ​പാ​ര സ്ഥാ​പ​ന​ങ്ങ​ളു​ടെ അ​ടി​ത്ത​റ ഇ​ള​ക്കു​ന്ന ത​ട്ടി​പ്പ് പ​ര​മ്പ​ര പു​റ​ത്തു വ​ന്ന​ത്.

ഒ​രു ദി​വ​സം പ​ല ത​വ​ണ​ക​ളി​ലാ​യി ആ​യി​രം രൂ​പ വെ​ച്ച് പ​തി​നാ​യി​രം രൂ​പ വ​രെ അ​ക്കൗ​ണ്ടി​ൽ നി​ക്ഷേ​പി​ച്ച​താ​യി കാ​ണ​പ്പെ​ട്ട​തോ​ടെ ഉ​ട​മ പ​ണ​ത്തി​ന്‍റെ ഉ​റ​വി​ടം തേ​ടി. ത​നി​ക്ക് മൊ​ബൈ​ൽ ഷോ​പ്പി​ൽ പ​ങ്കാ​ളി​ത്ത​മു​ണ്ടെ​ന്നും അ​തി​ൽ നി​ന്നു​ള​ള വ​രു​മാ​ന​മാ​ണ് ഇ​തെ​ന്നു​മാ​യി​രു​ന്നു യു​വാ​വി​ന്‍റെ നി​ല​പാ​ട്.

എ​ന്നാ​ൽ ക​ണ്ണൂ​രി​ൽ നി​ന്നും പി​ഗ്‌​മി ക​ള​ക്ട​റാ​യ യു​വ​തി ഈ ​സം​ഘ​ത്തി​ന്‍റെ ക​ള​ക്ഷ​ൻ എ​ടു​ക്കാ​ൻ മാ​ത്ര​മാ​യി ത​ല​ശേ​രി​യി​ൽ എ​ത്തു​ന്ന​താ​യു​ള്ള വി​വ​ര​വും ഇ​തി​നി​ട​യി​ൽ ക​ട ഉ​ട​മ​ക​ളു​ടെ ശ്ര​ദ്ധ​യി​ൽ പെ​ട്ടു.

തു​ട​ർ​ന്ന് വ്യാ​പാ​രി​ക​ൾ സം​ഘം ചേ​ർ​ന്ന് പോ​ലീ​സി​ന്‍റെ സ​ഹാ​യ​ത്തോ​ടെ ക​ട​ക​ളി​ലെ ഹാ​ർ​ഡ് ഡി​സ്കു​ക​ൾ ഉ​ൾ​പ്പെ​ടെ പ​രി​ശോ​ധി​ച്ച് ന​ട​ത്തി​യ അ​തീ​വ ര​ഹ​സ്യ​മാ​യ അ​ന്വേ​ഷ​ണ​ത്തി​ലാ​ണ് ന​ഗ​ര​ത്തെ ഞെ​ട്ടി​ച്ച ത​ട്ടി​പ്പു​ക​ൾ പു​റ​ത്തു വ​ന്നി​ട്ടു​ള്ള​ത്.

ഈ ​സം​ഘ​ത്തി​ൽ പെ​ട്ട​വ​രു​ടെ അ​ക്കൗ​ണ്ടു​ക​ളി​ലൂ​ടെ ക​ട​ന്നു പോ​യി​ട്ടു​ള്ള​ത് ല​ക്ഷ​ങ്ങ​ളാ​ണ്. ക​ണ്ണൂ​രി​ൽ നി​ന്നും ഈ ​സം​ഘ​ത്തി​ലെ അം​ഗ​ങ്ങ​ളു​ടെ മാ​ത്രം ക​ള​ക്ഷ​ൻ എ​ടു​ക്കാ​ൻ എ​ത്തി​യ യു​വ​തി​യി​ൽ നി​ന്നും കൂ​ടു​ത​ൽ വി​ല​പ്പെ​ട്ട വി​വ​ര​ങ്ങ​ൾ വ്യാ​പാ​രി​ക​ൾ​ക്ക് ല​ഭി​ച്ചി​ട്ടു​ള്ള​താ​യും അ​റി​യു​ന്നു.

തട്ടിപ്പും ലഹരിയും
എ​ല്ലാ സീ​സ​ണി​ലും ന​ല്ല വ്യാ​പാ​രം ന​ട​ന്നി​ട്ടും സ്ഥാ​പ​ന​ങ്ങ​ൾ ലാ​ഭ​ത്തി​ൽ വ​രാ​ത്ത​ത് ഉ​ട​മ​ക​ളെ പ​ല​പ്പോ​ഴും അ​ങ്ക​ലാ​പ്പി​ലാ​ക്കി​യി​ട്ടു​ണ്ടെ​ങ്കി​ലും അ​വ​രാ​രും ജീ​വ​ന​ക്കാ​രെ സം​ശ​യി​ച്ചി​രു​ന്നി​ല്ല. ഒ​രു സ്ഥാ​പ​ന ഉ​ട​മ മാ​ത്രം 90 ല​ക്ഷം രൂ​പ ക​ട​ക്കാ​ര​നാ​യി മാ​റി​ക്ക​ഴി​ഞ്ഞു. ഇ​പ്പോ​ഴും പ​ല സ്ഥാ​പ​ന​ങ്ങ​ളി​ലും ത​ട്ടി​പ്പ് ക​ണ്ടെ​ത്താനുള്ള പ​രി​ശോ​ധ​ന തു​ട​രു​ക​യാ​ണ്.

ല​ഹ​രി ഉ​പ​യോ​ഗ​ത്തി​നും സം​ഘം പ്ര​ത്യേ​ക സം​വി​ധാ​ന​ങ്ങ​ളാ​ണ് ഒ​രു​ക്കി​യി​രു​ന്ന​ത്. ക​റു​പ്പ് ഉ​ൾ​പ്പെ​ടെ​യു​ള്ള വി​ല കൂ​ടി​യ ല​ഹ​രി വ​സ്തു​ക്ക​ൾ നേ​രി​യ പേ​പ്പ​റി​ൽ പൊ​തി​ഞ്ഞു മൊ​ബൈ​ൽ ഫോ​ൺ ക​വ​റി​നു​ള​ളി​ലാ​ണ് സൂ​ക്ഷി​ച്ചി​രു​ന്ന​ത്.

കേസിൽനിന്ന് രക്ഷപ്പെടാൻഉ​ത്സ​വ സീ​സ​ണു​ക​ളി​ലേ​ക്കു​ള്ള പ​ർ​ച്ചേ​സി​ന് ഉ​ട​മ​ക​ൾ മ​റ്റ് സം​സ്ഥാ​ന​ങ്ങ​ളി​ലേ​ക്ക് പോ​കു​മ്പോ​ൾ ഈ ​സം​ഘ​ത്തി​ന്‍റെ ല​ഹ​രി പാ​ർ​ട്ടി​ക​ൾ പൊ​ടി​പൊ​ടി​ക്കാ​റു​ണ്ടെ​ന്ന് സ​ഹ​പ്ര​വ​ർ​ത്ത​ക​ൾ ര​ഹ​സ്യ​മാ​യി സ​മ്മ​തി​ക്കു​ന്നു. രാ​പ്പ​ക​ൽ ഭേ​ദ​മ​ന്യേ ഇ​വ​ർ ഒ​പി​എം ഉ​പ​യോ​ഗി​ച്ച​താ​യും റി​പ്പോ​ർ​ട്ടു​ണ്ട്.

ദി​വ​സ​വും ചു​രു​ങ്ങി​യ​ത് ഒ​ാരോ​രു​ത്ത​ർ​ക്കും അ​യ്യാ​യി​രം രൂ​പ വീ​ത​മാ​ണ് ല​ഹ​രി​ക്കാ​യി വേ​ണ്ടി വ​ന്നി​രു​ന്ന​ത്. ക​ട​ക​ളി​ൽ നി​ന്നും കൂ​ടു​ത​ൽ പ​ണം ത​ട്ടി​യെ​ടു​ക്കു​ന്ന​വ​ർ സം​ഘ​ത്തി​ലെ മ​റ്റു​ള​ള​വ​ർ​ക്ക് ല​ഹ​രി​ക്കാ​യി വീ​തം വെ​ച്ച് ന​ൽ​കു​ക​യും പ​തി​വാ​യി​രു​ന്നു.

ന​ഗ​ര​ത്തെ ഞെ​ട്ടി​ച്ച് ത​ട്ടി​പ്പ് ന​ട​ത്തി​യ​വ​ർ ത​ങ്ങ​ൾ നി​ര​പ​രാ​ധി​ക​ളാ​ണെ​ന്ന വാ​ദ​വു​മാ​യി ജ​ന​പ്ര​തി​നി​ധി​ക​ളെ സ​മീ​പി​ച്ച് ര​ക്ഷ നേ​ടാ​നു​ള്ള ശ്ര​മ​വും ന​ട​ത്തി. എ​ന്നാ​ൽ വ്യാ​പാ​രി​ക​ൾ തെ​ളി​വു​ക​ൾ ഉ​ൾ​പ്പെ​ടെ ജ​ന​പ്ര​തി​നി​ധി​ക​ളെ കാ​ണി​ച്ച​പ്പോ​ൾ സ​ഹാ​യം തേ​ടി വ​ന്ന ത​ട്ടി​പ്പ് സം​ഘ​ത്തെ ത​ട്ടി​പ്പ് ന​ട​ത്തി​യി​ട്ട് ഇ​ങ്ങോ​ട്ട് വ​ര​ണ്ട എ​ന്ന് പ​റ​ഞ്ഞ് ജ​ന​പ്ര​തി​നി​ധി​ക​ൾ പ​ടി​ക്ക് പു​റ​ത്താ​ക്കു​ക​യും ചെ​യ്തു.

(തു​ട​രും)

കാലിൽ ചൊറിച്ചിൽ, പിന്നിലെ രഹസ്യം!
സീ​സ​ണി​ൽ ക​ച്ച​വ​ടം പൊ​ടി​പൊ​ടി​ക്കു​മ്പോ​ൾ ക​ട​യി​ലെ കാ​ഷ്യ​റും വ​ലി​യ ഉ​ത്സാ​ഹ​ത്തി​ലാ​ണ്. തി​ര​ക്കി​നി​ട​യി​ൽ ഇ​ട​യ്ക്കി​ടെ ഇ​യാ​ൾ കാ​ൽ​പ്പാദം ചൊ​റി​യു​ന്ന​തു പോ​ലെ ക​ട​യു​ട​മ​യ്ക്ക് തോ​ന്നി.

ത​ന്‍റെ മൊ​ബൈ​ൽ ഫോ​ണി​ൽ വൈ​ഫൈ വ​ഴി ക​ണ​ക്ട് ചെ​യ്തി​ട്ടു​ള്ള സി​സിടി​വി ദൃ​ശ്യ​ങ്ങ​ൾ പ​രി​ശോ​ധി​ക്കു​ന്ന​തി​നി​ട​യി​ലാ​ണ് ഈ ​കാ​ഷ്യ​റു​ടെ കാ​ൽ​പ്പാ​ദം ചൊ​റി​ച്ചി​ൽ ഉ​ട​മ​യു​ടെ ശ്ര​ദ്ധ​യി​ൽ പെ​ട്ട​ത്.

ചൊ​റി​ച്ചി​ൽ പ​ല ദി​വ​സ​വും തു​ട​രു​ന്ന​ത് ക​ണ്ട​പ്പോ​ൾ മും​ബൈ​യി​ൽ പ​ർ​ച്ചേ​സി​ലാ​യി​രു​ന്ന ക​ട ഉ​ട​മ​യ്ക്ക് സം​ശ​യം ഉ​ട​ലെ​ടു​ത്തു. പ​ർ​ച്ചേ​സ് ക​ഴി​ഞ്ഞ് റൂ​മി​ലെ​ത്തി​യ ഇ​ദ്ദേ​ഹം സി​സിടി​വി ദൃ​ശ്യ​ങ്ങ​ൾ വീ​ണ്ടും സൂ​ക്ഷ്മ​മാ​യി പ​രി​ശോ​ധി​ച്ചു.

അ​പ്പോ​ഴാ​ണ് ചൊ​റി​യു​ന്ന കൈ​ക​ൾ​ക്കു​ള്ളി​ൽ ര​ണ്ടാ​യി​ര​ത്തി​ന്‍റെ നോ​ട്ടി​ന്‍റെ ദൃ​ശ്യ​ങ്ങ​ൾ ശ്ര​ദ്ധ​യി​ൽ പെ​ട്ട​ത്. പി​ന്നീ​ട് നി​രീ​ക്ഷ​ണം ശ​ക്ത​മാ​ക്കി​യ​പ്പോ​ഴാ​ണ് ചൊ​റി​ച്ചി​ലി​നു പി​ന്നി​ലെ ത​ട്ടി​പ്പി​ന്‍റെ ക​ഥ പു​റ​ത്തു വ​രു​ന്ന​ത്.

പെ​ട്ടെ​ന്ന് ത​ന്നെ പ​ർ​ച്ചേ​സ് പൂ​ർ​ത്തി​യാ​ക്കി​യ ഉ​ട​മ പ​റ​ഞ്ഞ തീ​യ​തി​ക്ക് മു​ന്പേ ര​ഹ​സ്യ​മാ​യി നാ​ട്ടി​ലെ​ത്തി. ഉ​ച്ച​യൂ​ണി​ന് ക​ട​യി​ൽ നി​ന്നി​റ​ങ്ങി​യ കാ​ഷ്യ​റെ പി​ന്തു​ട​ർ​ന്നു.

അ​പ്പോ​ഴാ​ണ് അ​തീ​വ ര​ഹ​സ്യ​മാ​യി സോ​ക്സി​നു​ള​ളി​ൽ നി​ന്ന് ചു​രു​ട്ടി​വെ​ച്ച ര​ണ്ടാ​യി​ര​ത്തി​ന്‍റെ നി​ര​വ​ധി നോ​ട്ടു​ക​ൾ ഇ​യാ​ൾ പു​റ​ത്തെ​ടു​ക്കു​ന്ന​തും ദേ​ശ​സാ​ത്കൃ​ത ബാ​ങ്കി​ൽ സ്വ​ന്തം അ​ക്കൗ​ണ്ടി​ൽ നി​ക്ഷേ​പി​ക്കു​ന്ന​തും ഉ​ട​മ ക​ണ്ടെ​ത്തി​യ​ത്.

തു​ട​ർ​ന്നു​ള്ള അ​ന്വേ​ഷ​ണ​ത്തി​ൽ ഒ​രോ ത​വ​ണ ചൊ​റി​യു​മ്പോ​ഴും ഇ​യാ​ൾ ര​ണ്ടാ​യി​ര​ത്തി​ന്‍റെ ഒ​രോ നോ​ട്ടു​ക​ളാ​ണ് ഷൂ​സി​ന്‍റെ സോ​ക്സി​നു​ള്ളി​ലും കാ​ൽ​പാ​ദ​ത്തി​ന​ടി​യി​ലേ​ക്കും ത​ള്ളി​ക്ക​യ​റ്റി​യി​രു​ന്ന​തെ​ന്നും വ്യ​ക്ത​മാ​യി.

ഉ​ട​മ​യു​മാ​യി വ​ള​രെ അ​ടു​ത്ത കു​ടും​ബ ബ​ന്ധം ഉ​ള്ള ഈ ​ത​ട്ടി​പ്പ് വീ​ര​നെ ഉ​ട​മ​യു​ടെ ന​ഗ​ര​ത്തി​ന്‍റെ പു​റ​ത്തു​ള്ള സ്ഥാ​പ​ന​ത്തി​ലെ പ​ങ്കാ​ളി​ക​ൾ അ​തീ​വ ര​ഹ​സ്യ​മാ​യി ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്ത​പ്പോ​ൾ മു​പ്പ​ത്തി​യെ​ട്ട് ല​ക്ഷ​ത്തി​ന്‍റെ ത​ട്ടി​പ്പാ​ണ് ക​ണ്ടെ​ത്തി​യ​ത്.

ദേ​ശ​സാ​ത്കൃ​ത ബാ​ങ്കി​ലെ ഇ​യാ​ളു​ടെ അ​ക്കൗ​ണ്ടി​ലൂ​ടെ ക​ട​ന്നു പോ​യ ഈ ​തു​ക ക​ണ്ട് ക​ട​യു​ട​മ​യു​ടെ ക​ണ്ണ് ത​ള്ളി.