തെന്നിന്ത്യയില്‍ ഏറ്റവും കൂടുതല്‍ ആരാധകരുളള നടിമാരില്‍ ഒരാളാണ് തമന്ന ഭാട്ടിയ. രജനീകാന്തിന് ഒപ്പമുള്ള ‘ജയിലർ’ ആണ് തമന്നയുടെ അടുത്ത റിലീസ്.
നെൽസൺ സംവിധാനം ചെയ്യുന്ന സിനിമയിൽ ഇന്ത്യൻ സിനിമയിൽ പല സൂപ്പർതാരങ്ങളും അഭിനയിക്കുന്നുണ്ട്. മലയാളത്തിന്‍റെ സ്വന്തം മോഹൻലാലും ആ സിനിമയുടെ ഭാഗമാണ്. മോഹൻലാൽ അതിഥി വേഷത്തിലാണ് അഭിനയിക്കുന്നത്.
ഓഗസ്റ്റ് പത്തിനാണ് സിനിമ റിലീസ് ചെയ്യാൻ തീരുമാനിച്ചിരിക്കുന്നത്. സിനിമയുടെ ഓഡിയോ ലോഞ്ച് ചടങ്ങ് ഈ കഴിഞ്ഞ ദിവസമാണ് നടന്നത്.
രജനികാന്ത്, തമന്ന, ശിവരാജ് കുമാർ, ജാക്കി ഷ്റോഫ്, നെൽസൺ, അനിരുദ്ധ്, രമ്യ കൃഷ്ണൻ തുടങ്ങിയവർ ഓഡിയോ ലോഞ്ച് ചടങ്ങിൽ പങ്കെടുത്തിരുന്നു. ഇരുനൂറ് കോടിയാണ് സിനിമയുടെ ബഡ്ജറ്റ്.
ഓഡിയോ ലോഞ്ച് പരിപാടിയിൽ തിളങ്ങിയത് തമന്ന തന്നെയായിരുന്നു. തമന്നയുടെ തകർപ്പൻ ഡാൻസും പരിപാടിയിൽ ഉണ്ടായിരുന്നു.
അതിനുശേഷം ചുവപ്പ് നിറത്തിലെ ഔട്ട്ഫിറ്റിൽ അതീവ ഗ്ലാമറസ് ലുക്കിലാണ് തമന്ന തിളങ്ങിയത്. ഇതിന്‍റെ ചിത്രങ്ങൾ തമന്ന തന്നെ സോഷ്യൽ മീഡിയയിൽ പങ്കുവച്ചിട്ടുണ്ട്.
ഫാൽഗുനി ഷെയിൻ പീകോക്കിന്‍റെ ഔട്ട്ഫിറ്റാണ് തമന്ന ധരിച്ചിരുന്നത്. എന്തൊരു ഗ്ലാമറാണെന്ന് ആരാധകരും കമന്‍റ് ഇട്ടിട്ടുണ്ട്.
ബോളിവുഡ് നടന്‍ വിജയ് വര്‍മയുമായുളള ഗോസിപ്പുകളുടെ പേരില്‍ സമൂഹമാധ്യമങ്ങളില്‍ നിറഞ്ഞുനില്‍ക്കുകയാണ് താരമിപ്പോള്‍. ഇരുവരും തമ്മില്‍ പ്രണയത്തിലാണെന്ന തരത്തിലുളള വാര്‍ത്തകളാണ് പ്രചരിക്കുന്നത്.
കഴിഞ്ഞ ദിവസം തമന്ന പോസ്റ്റ് ചെയ്ത ഒരു റീല്‍സിന് താഴെ വിജയ് വര്‍മ കമന്‍റ് ഇട്ടതും ചര്‍ച്ചകള്‍ക്ക് വഴി ഒരുക്കിയിരിക്കുകയാണ്.
ബോളിവുഡിലൂടെ സിനിമയിലൂടെ അരങ്ങേറ്റം കുറിച്ച തമന്ന പിന്നീട് തെന്നിന്ത്യയിലെ സൂപ്പര്‍സ്റ്റാറുകള്‍ക്കൊപ്പം നിരവധി ചിത്രങ്ങളില്‍ തമന്ന അഭിനയിച്ചു. ദിലീപിന്‍റെ നായികയായി മലയാളത്തിലും അരങ്ങേറ്റം കുറിക്കാനൊരുങ്ങുകയാണ് താരം.
