കോയന്പത്തൂർ: സ്കൂൾ വിദ്യാർത്ഥിനിയെ പീഡിപ്പിച്ച റിട്ടയേഡ് ഗതാഗതവകുപ്പു ഉദ്യോഗസ്ഥനെയും കൂട്ടുനിന്ന ഭാര്യയെയും പോക്സോ ആക്ടിൽ അറസ്റ്റുചെയ്തു.
പൊള്ളാച്ചി തങ്കവേൽ (65), ഭാര്യ അയ്യമ്മാൾ (55) എന്നിവരാണ് അറസ്റ്റിലായത്. ഏതാനും ദിവസംമുന്പ് തങ്കവേലു സമീപത്തെ ഗവണ്‍മെന്‍റ് സ്കൂളിൽ പഠിക്കുന്ന പത്തുവയസുകാരിയെ പീഡിപ്പിക്കുകയും വിവരം പുറത്തുപറഞ്ഞാൽ കൊല്ലുമെന്ന് ഭീഷണിപ്പെടുത്തുകയുമായിരുന്നു.
പെണ്‍കുട്ടി ഇക്കാര്യം സ്കൂളിലെ പ്രധാനാധ്യാപികയും പ്രതിയുടെ ഭാര്യയുമായ അയ്യമ്മാളിനോട് പറഞ്ഞു. എന്നാൽ ഇവരും വിവരം പുറത്താരോടും പറയരുതെന്ന് പറഞ്ഞ് ഭീഷണിപ്പെടുത്തി.തുടർന്ന് പെണ്‍കുട്ടി രക്ഷിതാക്കളോട് വിവരം പറയുകയായിരുന്നു.
