അ​തി​ജീ​വ​ന​ത്തി​നു​ള്ള സ്നേ​ഹാ​ക്ഷ​ര​ങ്ങ​ളു​മാ​യി നോ​ട്ടു​പു​സ്ത​ക​ങ്ങ​ൾ എ​ഴു​തി ന​ൽ​കി  ത​രി​ശ് ജി​എ​ൽ​പി സ്കൂ​ൾ വി​ദ്യാ​ർ​ഥി​ക​ൾ

ക​രു​വാ​ര​ക്കു​ണ്ട്: അ​തി​ജീ​വ​ന​ത്തി​നു​ള്ള സ്നേ​ഹാ​ക്ഷ​ര​ങ്ങ​ളു​മാ​യി ത​രി​ശ് ജി​എ​ൽ​പി സ്കൂ​ളി​ലെ വി​ദ്യാ​ർ​ഥി​ക​ൾ കൊ​ടു​ങ്ങ​ല്ലൂ​രി​ലെ​ത്തി. പ്ര​ള​യം കാ​ര​ണം നോ​ട്ടു​പു​സ്ത​ക​ങ്ങ​ൾ ന​ഷ്ട​പ്പെ​ട്ട തൃ​ശൂ​ർ ജി​ല്ല​യി​ലെ വി​ദ്യാ​ർ​ഥി​ക​ൾ​ക്കു പാ​ഠ​ഭാ​ഗ​ങ്ങ​ൾ എ​ഴു​തി​യ നോ​ട്ടു​പു​സ്ത​ക​ങ്ങ​ളു​മാ​യാ​ണ് ത​രി​ശ് ജി​എ​ൽ​പി സ്കൂ​ളി​ലെ അ​ധ്യാ​പ​ക​രും വി​ദ്യാ​ർ​ഥി​ക​ളും ഇ​ന്ന​ലെ യാ​ത്ര പു​റ​പ്പെ​ട്ട​ത്. ക​രു​വാ​ര​ക്കു​ണ്ട് ഗ്രാ​മ​പ​ഞ്ചാ​യ​ത്തം​ഗം ഇ. ​സൈ​ന​ബ യാ​ത്ര​യു​ടെ ഫ്ളാ​ഗ് ഓ​ഫ്് നി​ർ​വ​ഹി​ച്ചു.

തൃ​ശൂ​ർ ജി​ല്ല​യി​ലെ കൊ​ടു​ങ്ങ​ല്ലൂ​ർ ഉ​പ​ജി​ല്ല​യി​ലെ വി​ദ്യാ​ർ​ഥി​ക​ൾ​ക്കു വേ​ണ്ടി​യാ​ണ് ത​രി​ശ് ജി​എ​ൽ​പി സ്കൂ​ളി​ലെ വി​ദ്യാ​ർ​ഥി​ക​ൾ പാ​ഠ​ഭാ​ഗ​ങ്ങ​ൾ എ​ഴു​തി​യ നോ​ട്ടു​പു​സ്ത​ക​ങ്ങ​ൾ ത​യാ​റാ​ക്കി ന​ൽ​കി​യ​ത്. ക​ഴി​ഞ്ഞ ഞാ​യ​റാ​ഴ്ച്ച മു​ത​ൽ വി​ദ്യാ​ർ​ഥി​ക​ളും അ​ധ്യാ​പ​ക​രും അ​തി​ന്‍റെ തി​ര​ക്കി​ലാ​യി​രു​ന്നു.

പ്ര​ള​യ​ത്തെ തു​ട​ർ​ന്ന് കൊ​ടു​ങ്ങ​ല്ലൂ​ർ ഉ​പ​ജി​ല്ല​യി​ലെ നി​ര​വ​ധി വി​ദ്യാ​ർ​ഥി​ക​ൾ​ക്കാ​ണ് പ​ഠ​നോ​പ​ക​ര​ണ​ങ്ങ​ൾ ന​ഷ്ട​മാ​യ​ത്. പാ​ഠ​പു​സ്ത​ക​ങ്ങ​ൾ സ​ർ​ക്കാ​രും ഇ​നി​യു​ള്ള പാ​ഠ​ഭാ​ഗ​ങ്ങ​ൾ എ​ഴു​തി​വ​യ്ക്കാ​നു​ള്ള നോ​ട്ടു​പു​സ്ത​ക​ങ്ങ​ൾ വി​വി​ധ കൂ​ട്ടാ​യ്മ​ക​ളും ന​ൽ​കു​മെ​ങ്കി​ലും നോ​ട്ടു​ക​ൾ എ​ഴു​തി ന​ൽ​കാ​ൻ ആ​രും ത​യാ​റാ​ക​ണ​മെ​ന്നി​ല്ല.

ജൂ​ണ്‍ ഒ​ന്നു മു​ത​ൽ ഇ​തു​വ​രെ എ​ടു​ത്തു തീ​ർ​ത്ത​ത് ര​ണ്ടു പാ​ഠ​ഭാ​ഗ​ങ്ങ​ളാ​ണ്. ഇ​ത്ര​യും പാ​ഠ​ഭാ​ഗ​ങ്ങ​ൾ എ​ഴു​തി​യ നോ​ട്ട് ബു​ക്കു​ക​ൾ കൊ​ടു​ങ്ങ​ല്ലൂ​രി​ലെ വി​ദ്യാ​ർ​ഥി​ക​ൾ​ക്കു ന​ൽ​കാ​ൻ ത​രി​ശ് സ്കൂ​ളി​ലെ വി​ദ്യാ​ർ​ഥി​ക​ൾ​ക്കൊ​പ്പം അ​ധ്യാ​പ​ക​രും പൂ​ർ​വ​വി​ദ്യാ​ർ​ഥി​ക​ളും കൈ​കോ​ർ​ക്കു​ക​യാ​യി​രു​ന്നു. ഇ​ന്ന​ലെ രാ​വി​ലെ ഏ​ഴി​നാ​ണ് സ്കൂ​ളി​ൽ നി​ന്നു വി​ദ്യാ​ർ​ഥി​ക​ളും അ​ധ്യാ​പ​ക​രു​മ​ട​ങ്ങി​യ സം​ഘം കൊ​ടു​ങ്ങ​ല്ലൂ​രി​ലേ​ക്കു യാ​ത്ര തി​രി​ച്ച​ത്.

വി​ദ്യാ​ർ​ഥി​ക​ളു​ടെ ഈ ​ഉ​ദ്യ​മം ഏ​റെ മാ​തൃ​കാ​പ​ര​മാ​ണെ​ന്ന് സ്കൂ​ൾ പ്ര​ധാ​നാ​ധ്യാ​പി​ക കെ.​അ​നി​ത പ​റ​ഞ്ഞു. പി​ടി​എ പ്ര​സി​ഡ​ന്‍റ് കെ.​ടി ഹാ​രി​സ്, അ​ധ്യാ​പ​ക​രാ​യ വി. ​സ​തീ​ഷ്കു​മാ​ർ, എം. ​മാ​ന​സ, എം. ​കൃ​ഷ്ണ​ൻ​കു​ട്ടി, ര​ഘു എ​ന്നി​വ​രു​ടെ നേ​തൃ​ത്വ​ത്തി​ലാ​ണ് വി​ദ്യാ​ർ​ഥി​ക​ൾ കൊ​ടു​ങ്ങ​ല്ലൂ​രി​ലെ​ത്തി​യ​ത്. സ​ഹ​പാ​ഠി​ക​ൾ​ക്ക് പ​ക​രം​വ​യ്ക്കാ​ൻ ക​ഴി​യാ​ത്ത സേ​വ​നം ന​ൽ​കി വി​ദ്യാ​ർ​ഥി സം​ഘം വൈ​കി​ട്ട് തി​രി​ച്ചെ​ത്തി.