താലൂക്ക് ആ​ശു​പ​ത്രി​യി​ലെ ത​ര്‍​ക്കം “ലൈ​വാ​ക്കി’; യുവാവിനെ അറസ്റ്റ് ചെയ്ത് പോലീസ്; സം​ഭ​വം ഉ​ണ്ടാ​യ​താ​യി അ​റി​യി​ല്ലെ​ന്ന് ആശുപത്രി സു​പ്ര​ണ്ട്; സംഭവത്തിൽ പ്രതിഷേധം വ്യാപകമാകുന്നു

കൊ​യി​ലാ​ണ്ടി: ഏ​ഴു വ​യ​സു​കാ​ര​ന്‍ മ​ക​നെ ഡോ​ക്ട​റെ കാ​ണി​ക്കാ​നെ​ത്തി​യ പി​താ​വ് ആ​ശു​പ​ത്രി​യി​ലു​ണ്ടാ​യ ത​ര്‍​ക്കം സാ​മൂ​ഹ്യ​മാ​ധ്യ​മ​ങ്ങ​ളി​ല്‍ ലൈ​വാ​യി പോ​സ്റ്റ് ചെ​യ്തി​നെ തു​ട​ര്‍​ന്ന് റി​മാ​ന്‍​ഡി​ല്‍. ഉ​ള്ള്യേ​രി​യി​ലെ അ​രി​മ്പ​മ​ല​യി​ല്‍ ഷൈ​ജു​വാ​ണ് ജ​യി​ലി​ലാ​യ​ത്. ഈ ​മാ​സം എ​ട്ടി​ന് പ​നി കൂ​ടി​യ​തി​നെ തു​ട​ര്‍​ന്ന് മ​ക​ന്‍ സൂ​ര്യ​തേ​ജി​നെ അ​ടി​യ​ന്ത​ര ചി​കി​ത്സ തേ​ടി കൊ​യി​ലാ​ണ്ടി താ​ലൂ​ക്കാ​ശു​പ​ത്രി​യി​ല്‍ എ​ത്തി​യ​താ​യി​രു​ന്നു ഷൈ​ജു​വും ഭാ​ര്യ സി​ന്ധു​വും.

തു​ട​ര്‍​ന്നാ​ണ് ആ​ശു​പ​ത്രി​യി​ലെ ത​ര്‍​ക്കം ശ്ര​ദ്ധ​യി​ല്‍​പ്പെ​ട്ട​ത്. ഇ​ത് ലൈ​വാ​ക്കി പോ​സ്റ്റി​ട്ട​താ​ണ് ഷൈ​ജു​വി​നെ​തി​രേ ന​ട​പ​ടി​യെ​ടു​ക്കാ​ന്‍ കാ​ര​ണ​മാ​യ​ത്. ബാ​ലു​ശേരി സ​ര്‍​ക്കാ​ര്‍ ആ​ശു​പ​ത്രി​യി​ല്‍ ദി​വ​സ​ങ്ങ​ളോ​ളം ചി​കി​ത്സ തേ​ടി​യി​ട്ടും പ​നി​ക്ക് കു​റ​വി​ല്ലാ​ത്ത​തി​നെ തു​ട​ര്‍​ന്നാ​ണ് ഇ​വ​ര്‍ കൊ​യി​ലാ​ണ്ടി​യി​ല്‍ എ​ത്തി​യ​ത്.

ഉ​ച്ച​യ്ക്ക് 3.42 ന് ​ഒ​പി ടി​ക്ക​റ്റെ​ടു​ത്ത് അ​വ​ശ​നാ​യ മ​ക​നു​മാ​യി ക്യൂ​വി​ല്‍നി​ന്ന ഇ​വ​ര്‍​ക്ക് വൈ​കി​ട്ട് ആ​റു​മ​ണി​വ​രെ ഡോ​ക്ട​റെ കാ​ണാ​നാ​യി​ല്ലെ​ന്ന് പ​റ​യു​ന്നു. അ​ത്യാ​ഹി​ത വി​ഭാ​ഗ​ത്തി​ല്‍ ധാ​രാ​ളം പേ​ര്‍ ക്യൂ ​നി​ല്‍​ക്കു​ന്ന​ത് അ​വ​ഗ​ണി​ച്ച് പ്ര​ത്യേ​ക​ ശിപാ​ര്‍​ശ​ക​ളു​മാ​യി ഡോ​ക്ട​റു​ടെ മു​ന്നി​ല്‍ നി​ര​വ​ധി പേ​ര്‍ പ​രി​ശോ​ധ​ന​യ്ക്കെ​ത്തി​യി​രു​ന്നു. ഇ​ത് ക്യൂ​വി​ല്‍ നി​ല്‍​ക്കു​ന്ന​വ​ര്‍ ചോ​ദ്യം ചെ​യ്തു. ഇ​തേ തു​ട​ര്‍​ന്നു​ണ്ടാ​യ ബ​ഹ​ളം ഷൈ​ജു മൊ​ബൈ​ലി​ല്‍ പ​ക​ര്‍​ത്തി സാ​മൂ​ഹികമാ​ധ്യ​മ​ങ്ങ​ളി​ല്‍ ലൈ​വാ​യി പ്ര​ച​രി​പ്പി​ച്ചു.

ബ​ഹ​ളം ശ​മി​ച്ച​തി​നെ തു​ട​ര്‍​ന്ന് വൈ​കീ​ട്ട് ആ​റു മ​ണി​യോ​ടെ മ​രു​ന്ന് കു​റി​ച്ചു വാ​ങ്ങി, നി​ല്‍​ക്കാ​ന്‍ പോ​ലും ക​ഴി​യാ​ത്ത നി​ല​യി​ല്‍ അ​വ​ശ​നാ​യ കു​ഞ്ഞു​മാ​യി ഇ​വ​ര്‍ വീ​ട്ടി​ലേ​ക്ക് പോ​യി. സം​ഭ​വം ക​ഴി​ഞ്ഞ് അ​ഞ്ച് ദി​വ​സ​ത്തി​നുശേ​ഷം വീ​ട്ടി​ലെ​ത്തി​യ കൊ​യി​ലാ​ണ്ടി പോ​ലീ​സ് ഷൈ​ജു​വി​നോ​ട് സ്റ്റേ​ഷ​നി​ല്‍ എ​ത്താ​ന്‍ ആ​ശ്യ​പ്പെ​ടു​ക​യാ​യി​രു​ന്നു. സ്റ്റേ​ഷ​നി​ലെ​ത്തി​യ ഷൈ​ജു​വി​നെ അ​റ​സ്റ്റു ചെ​യ്ത് നാ​ദാ​പു​രം മ​ജി​സ്ട്ര​റ്റ് മു​മ്പാ​കെ ഹാ​ജ​റാ​ക്കി റി​മാ​ൻഡ് ചെ​യ്തു.

അ​തി​ക്ര​മി​ച്ചു ക​യ​റ​ല്‍, ഔ​ദ്യോ​ഗി​ക കൃ​ത്യനി​ര്‍​വ​ഹ​ണം ത​ട​സ​പ്പെ​ടു​ത്ത​ല്‍, തെ​റി​വി​ളി​ക്ക​ല്‍, അ​നു​മ​തി​യി​ല്ലാ​തെ വീ​ഡി​യോ പ​ക​ര്‍​ത്ത​ല്‍ തു​ട​ങ്ങി​യ വ​കു​പ്പുകൾ പ്ര​കാ​ര​മാ​ണ് കേ​സെ​ടു​ത്ത​ത്. ഷൈ​ജു സം​ഭ​വം മൊ​ബൈ​ലി​ല്‍ പ​ക​ര്‍​ത്തി ലൈ​വി​ട്ട​ത​ല്ലാ​തെ മ​റ്റൊ​രു തെ​റ്റും ചെ​യ്തി​ട്ടി​ല്ലെ​ന്ന് ഭാ​ര്യ സി​ന്ധു പ​റ​യു​ന്നു. ആ​ശു​പ​ത്രി​യി​ല്‍ ഇ​ത്ത​ര​മൊ​രു സം​ഭ​വം ഉ​ണ്ടാ​യ​താ​യി അ​റി​യി​ല്ലെ​ന്ന് സു​പ്ര​ണ്ട് ഡോ​ക്ട​ര്‍ പ്ര​തി​ഭ അ​റി​യി​ച്ചു.

ഔ​ദ്യോ​ഗി​ക​മാ​യി ജോ​ലി നി​ര്‍​വ​ഹി​ക്കു​ന്ന​തി​നി​ട​യി​ല്‍ ജീ​വ​ന​ക്കാ​ര്‍​ക്കെ​ന്തെ​ങ്കി​ലും പ്ര​ശ്ന​മു​ണ്ടാ​യാ​ല്‍ അ​ത് ആ​ശു​പ​ത്രി അ​ധി​കാ​രി​ക​ളെ​യാ​ണ് ആ​ദ്യം അ​റി​യി​ക്കേണ്ട​തെ​ന്നും തു​ട​ര്‍​ന്ന് ഓ​ഫീ​സി​ല്‍ നി​ന്ന് പ​രാ​തി ന​ല്‍​ക​ലാ​ണ് പ​തി​വെ​ന്നും അ​വ​ര്‍ പ​റ​ഞ്ഞു.എ​ന്നാ​ല്‍ ഇ​ക്കാ​ര്യ​ത്തി​ല്‍ അ​ത്ത​ര​മൊ​രു പ​രാ​തി​യും ആ​ശു​പ​ത്രി​യി​ല്‍നി​ന്ന് പോ​ലീ​സി​ന് ന​ല്‍​കി​യി​ട്ടി​ല്ല.

ഡ്യൂ​ട്ടി​യി​ലു​ണ്ടാ​യി​രു​ന്ന വ​നി​താ ഡോ​ക്ട​ര്‍ നേ​രി​ട്ടെ​ത്തി മൊ​ഴി ന​ല്‍​കി​യ​തി​നെ തു​ട​ര്‍​ന്ന് അ​വ​രു​ടെ മൊ​ഴി പ്ര​കാ​ര​മു​ള്ള വ​കു​പ്പു​ക​ള്‍ ചേ​ര്‍​ത്ത് കേ​സെ​ടു​ക്കു​ക​യാ​യി​രു​ന്നു​വെ​ന്നാ​ണ് പോ​ലീ​സ് ഭാ​ഷ്യം. ഷൈ​ജു ഡോ​ക്ട​റോ​ട് മോ​ശ​മാ​യി പെ​രു​മാ​റി​യ​താ​യും തെ​റി​വി​ളി​ച്ച​താ​യു​മൊ​ക്കെ ഡോ​ക്ട​റു​ടെ മൊ​ഴി​യി​ലു​ണ്ടാ​യി​രു​ന്ന​താ​യി പോ​ലീ​സു​കാ​ര്‍ അ​വ​കാ​ശ​പ്പെ​ട്ടു. സം​ഭ​വ​ത്തി​ല്‍ വ്യാ​പ​ക​മാ​യ പ്ര​തി​ഷേ​ധം ഉ​യ​ര്‍​ന്നി​ട്ടു​ണ്ട്.