കൊല്ലം: നാലാം ക്ലാസുകാരിയെ സ്കൂളിനു സമീപത്തുനിന്ന് തട്ടിക്കൊണ്ടുപോകാൻ ശ്രമം. കൊല്ലം കരുനാഗപ്പള്ളിയിലാണ് സംഭവം. നാടോടി സ്ത്രീയാണ് കുട്ടിയെ കടത്തിക്കൊണ്ടു പോകാൻ ശ്രമിച്ചത്.
സ്കൂളിലേക്ക് ഒറ്റക്ക് നടന്നുപോകുന്പോൾ കുട്ടിയെ സ്ത്രീ പിടികൂടുകയായിരുന്നു. ഉടൻതന്നെ കുട്ടി കുതറിയോടി അടുത്ത വീട്ടിൽ അഭയം തേടി. സംഭവത്തിൽ പൊള്ളാച്ചി സ്വദേശിനിയായ ജ്യോതിയെ നാട്ടുകാർ പിടികൂടി പോലീസിൽ ഏൽപ്പിച്ചു.
തുറയിൽകുന്ന് എസ്എൽയുപി സ്കൂളിലെ വിദ്യാർഥിനിയെയാണ് നാടോടി സ്ത്രീ തട്ടിക്കൊണ്ടു പോകാൻ ശ്രമിച്ചതെന്ന് പോലീസ് പറഞ്ഞു.
