ആ​ടു കി​ട​ന്നി​ട​ത്ത് പൂ​ട പോ​ലു​മി​ല്ല; ഇ​ട​വെ​ട്ടി​യി​ൽ കാ​റി​ൽ ആ​ടി​നെ കടത്തിക്കൊണ്ടു പോയി; ആടിനെ തേടി പോലീസും

തൊ​ടു​പു​ഴ: കാ​റി​ലെ​ത്തി ആ​ടി​നെ ക​ട​ത്തി​ക്കൊ​ണ്ടു പോ​യ സം​ഘ​ത്തെ തേ​ടി പോ​ലീ​സ്. ഇ​ട​വെ​ട്ടി​യി​ലാ​ണ് റോ​ഡ​രി​കി​ൽ കെ​ട്ടി​യി​രു​ന്ന ആ​ടി​നെ കാ​റി​ലെ​ത്തി​യ സം​ഘം ത​ട്ടി​ക്കൊ​ണ്ടു പോ​യ​ത്. പ്ര​തി​ക​ളെ ക​ണ്ടെ​ത്താ​ൻ സം​ഭ​വ സ്ഥ​ല​ത്തി​നു സ​മീ​പ​ത്തെ ബാ​ങ്കി​ൽ നി​ന്നു​ള്ള സി​സി​ടി​വി ദൃ​ശ്യ​ങ്ങ​ൾ ഇ​ന്നു പോ​ലീ​സ് ശേ​ഖ​രി​ക്കും.

ഇ​ട​വെ​ട്ടി പ​ഞ്ചാ​യ​ത്തി​ലെ പ​ന്ത്ര​ണ്ടാം വാ​ർ​ഡി​ൽ തെ​ക്കും​ഭാ​ഗം ക​നാ​ൽ റോ​ഡ​രു​കി​ൽ താ​മ​സി​ക്കു​ന്ന കോ​ട്ട​വാ​തു​ക്ക​ൽ ത​ങ്ക​മ്മ രാ​മ​കൃ​ഷ്ണ​ന്‍റെ പ​തി​നാ​ല് കി​ലോ​യോ​ളം തൂ​ക്കം വ​രു​ന്ന ആ​ടി​നെ​യാ​ണ് വെ​ള്ള കാ​റി​ലെ​ത്തി​യ സം​ഘം ക​ട​ത്തി​ക്കൊ​ണ്ട് പോ​യ​ത്. വീ​ടി​നോ​ട് ചേ​ർ​ന്നു​ള്ള ക​നാ​ൽ​ക്ക​ര​യി​ൽ കെ​ട്ടി​യി​രി​ക്കു​ക​യാ​യി​രു​ന്നു.

12.45 ഓ​ടെ ആ​ടി​നെ കെ​ട്ടി​യ ശേ​ഷം ത​ങ്ക​മ്മ വീ​ട്ടി​ലേ​ക്കു പോ​യ സ​മ​യ​ത്താ​യി​രു​ന്നു മോ​ഷ​ണം. ക​നാ​ലി​ന്‍റെ മ​റു​ക​ര​യി​ൽ താ​മ​സി​ക്കു​ന്ന​വ​രി​ലൊ​രാ​ൾ കാ​റി​ലെ​ത്തി​യ​വ​ർ ആ​ടി​നെ അ​ഴി​ച്ച് വാ​ഹ​ന​ത്തി​ലേ​ക്ക് ത​ള്ളി ക​യ​റ്റു​ന്ന​ത് ക​ണ്ട് ബ​ഹ​ളം വ​ച്ച​പ്പോ​ഴേ​ക്കും വാ​ഹ​നം അ​മി​ത വേ​ഗ​ത​യി​ൽ ഓ​ടി​ച്ചു പോ​വു​ക​യാ​യി​രു​ന്നു.

ഈ ​സ​മ​യം സ​മീ​പ വീ​ടു​ക​ളി​ൽ പു​രു​ഷ​ൻ​മാ​ർ ഇ​ല്ലാ​തി​രു​ന്ന​തി​നാ​ൽ പി​ന്തു​ട​രാ​നും ക​ഴി​ഞ്ഞി​ല്ല. ത​ങ്ക​മ്മ​യു​ടെ ഏ​ക വ​രു​മാ​ന മാ​ർ​ഗ​മാ​ണ് ആ​ടു വ​ള​ർ​ത്ത​ൽ. തൊ​ടു​പു​ഴ പോ​ലീ​സ് സ്ഥ​ല​ത്തെ​ത്തി കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.

സ​മീ​പ കാ​ല​ത്താ​യി വ​ള​ർ​ത്തു മൃ​ഗ​ങ്ങ​ളെ ക​ട​ത്തി​ക്കൊ​ണ്ടു പോ​കു​ന്ന സം​ഘ​ങ്ങ​ൾ സ​ജീ​വ​മാ​യ​താ​യി എ​സ്ഐ ബൈ​ജു പി.​ബാ​ബു പ​റ​ഞ്ഞു. സി​സി​ടി​വി ദൃ​ശ്യ​ങ്ങ​ളു​ടെ പ​രി​ശോ​ധ​ന​യി​ലൂ​ടെ പ്ര​തി​ക​ളെ കു​റി​ച്ചു​ള്ള വി​വ​ര​ങ്ങ​ൾ ല​ഭി​ക്കു​മെ​ന്നും അ​ദ്ദേ​ഹം പ​റ​ഞ്ഞു.