ഈരാറ്റുപേട്ട: ക്ഷീണിതയായ തത്തയെ ആശുപത്രിയിലെത്തിച്ചതും പോലീസ്. ഈരാറ്റുപേട്ടയിലാണ് സംഭവം. എസ്ഐ എം.എച്ച്. അനുരാഗും സംഘവുമാണ് തത്തയുമായി പോകാനെത്തിയ യുവാവിനൊപ്പം മൃഗാശുപത്രിയിലേക്കു പോയത്. നടയ്ക്കൽ സ്വദേശി അഷ്കറിന്‍റേതാണ് തത്ത.
രണ്ടു ദിവസമായി ക്ഷീണിതയായ തത്തയെ തലനാട്ടുള്ള മൃഗാശുപത്രിയിൽ കാണിക്കാനാണ് അഷ്കർ ഓട്ടോയിൽ പുറത്തിറങ്ങിയത്. പരിശോധനയ്ക്കിടെ തത്തയുമായി പോകുന്നതു പോലീസിന്റെ ശ്രദ്ധയിൽപ്പെടുകയായിരുന്നു.
ഈരാറ്റുപേട്ട മൃഗാശുപത്രിയിൽ വിളിച്ച് അന്വേഷിച്ച എസ്ഐ, അവിടെ ഡോക്്ടറുണ്ടെന്ന് ഉറപ്പുവരുത്തി. തുടർന്ന് തലനാട്ടേക്കു പോകുന്നതിനു പകരം പോലീസ് വാഹനത്തിൽ തന്നെ മൃഗാശുപത്രിയിലേക്കു കൊണ്ടുപോകുകയായിരുന്നു.
