തി​രു​വ​ന​ന്ത​പു​ര​ത്ത് കി​ണ​റ്റി​ൽ വീ​ണ കരടിക്കുവെച്ച മയക്കുവെടി പാളി; വെടിയേറ്റ കരടി വെള്ളത്തിൽ മുങ്ങി; ഒന്നര മണിക്കൂറിന് ശേഷം പുറത്തെടുത്ത കരടി ചത്തു

കാ​ട്ടാ​ക്ക​ട: വീ​ട്ടി​ലെ കി​ണ​റ്റി​ൽ വീ​ണ കരടിയെ മ​യ​ക്കു​വെ​ടി​ വച്ചു പുറത്തെടുക്കാനുള്ള വനംവകുപ്പിന്‍റെ ശ്രമം പാളി. വെടിയേ​റ്റ ക​ര​ടി വെ​ള്ള​ത്തി​ൽ താ​ണു​. വെ​ള്ള​ത്തി​ൽ മു​ങ്ങി​ക്കി​ട​ക്കു​ന്ന ക​ര​ടിയെ ഒന്നരമണിക്കൂറിനുശേഷമാണ് പുറത്തെടുക്കാനായത്.

കരടിയുടെ ആരോഗ്യാവസ്ഥ എന്തെന്ന് വെളിപ്പെടുത്താതെ വനംവകുപ്പ് കരടിയെ പരുത്തിപ്പള്ളിയിലെ വനംവകുപ്പ് ഓഫീസിലേക്ക് കൊണ്ടുപോയി. പൂ​വ​ച്ച​ൽ ഉ​റി​യാ​ക്കോ​ടി​നു സ​മീ​പം ക​ടു​ക്കാ​മൂ​ട് ക​ണ്ണ​മ്പ​ള്ളി​യി​ലെ അ​രു​ണി​ന്‍റെ വീ​ട്ടി​ലെ കി​ണ​റ്റിലാ​ണ് ക​ര​ടി വീ​ണ​ത്.

ഇ​ന്ന​ലെ രാ​ത്രി 12 നാ​ണ് ക​ര​ടി കി​ണ​റ്റി​ൽ വീ​ണ​ത്. അ​പ​രി​ചി​ത​മാ​യ ശ​ബ്ദം കേ​ട്ട് അ​രു​ണി​ന്‍റെ വീ​ട്ടു​കാ​ർ ഉ​ണ​ർ​ന്ന​പ്പോ​ൾ ക​ണ്ട​ത് ക​ര​ടി​യെ​യാ​ണ്. ഉ​റ​ക്കെ ഇ​വ​ർ നി​ല​വി​ളി​ക്കു​ക​യും ഓ​ടി​ച്ച് വി​ടാ​ൻ ശ്ര​മി​ക്കു​ക​യും ചെ​യ്തു.

തു​ട​ർ​ന്ന് ക​ര​ടി അ​ടു​ത്തു​ള്ള കോ​ഴി​കൂ​ട്ടി​ലേ​ക്ക് പോ​യി കോ​ഴി​യെ പി​ടി​ക്കാ​ൻ ശ്ര​മി​ച്ചു. ഇ​തി​നി​ടെ കോ​ഴി ഓ​ടി സ​മീ​പ​ത്തെ കി​ണ​റ്റി​ൽ ഇ​രു​ന്നു.

ഇ​ത് ക​ണ്ട ക​ര​ടി കോ​ഴി​യെ വീ​ണ്ടും പി​ടി​ക്കാ​ൻ ശ്ര​മി​ക്കു​ന്ന​തി​നി​ടെ​യാ​ണ് മേ​ൽ​മൂ​ടി ത​ക​ർ​ന്ന് ക​ര​ടി​യും കോ​ഴി​യും കി​ണ​റ്റി​ൽ വീ​ണ​ത്. തു​ട​ർ​ന്ന് അ​യ​ൽ​വാ​സി​ക​ൾ ഓ​ടിക്കൂടി വി​വ​രം പ​ഞ്ചാ​യ​ത്തി​നേ​യും വ​നം വ​കു​പ്പി​നെ​യും അ​റി​യി​ച്ചു.

അ​വ​ർ എ​ത്തി​യാ​ണ് ക​ര​ടി​യെ പി​ടി​കൂ​ടാ​ൻ ശ്ര​മം തു​ട​ങ്ങി​യ​ത്. ക​ര​ടി​യെ മ​യ​ക്കു​വെ​ടി വ​ച്ച് പു​റ​ത്തെ​ടു​ക്കാ​നാ​ണ് ശ്ര​മി​ച്ച​ത്.ക​ണ്ണ​മ്പ​ള്ളി​യി​ലെ കി​ണ​റ്റി​ൽ വീ​ണ ക​ര​ടി​യെ മ്യൂ​സി​യ​ത്തി​ലെ ഡോ​ക്ട​ർ ജേ​ക്ക​ബ് അ​ല​ക്‌​സാ​ണ്ട​ർ ആ​ണ് മ​യ​ക്കു​വെ​ടി വ​ച്ച​ത്.

9.25നാ​ണ് ആ​ദ്യ​ത്തെ മ​യ​ക്കു വെ​ടി വ​ച്ച​ത്. ര​ണ്ടാ​മ​ത്തെ മ​യ​ക്കു​വെ​ടി​യി​ലാ​ണ് ക​ര​ടി​യ്ക്ക് ബോ​ധം ന​ഷ്ട​പ്പെ​ട്ട​ത്. ര​ണ്ടാ​മ​ത്തെ വെ​ടി വ​യ്ക്കു​ന്ന​തി​നി​ടെ ക​ര​ടി​യു​ടെ കാ​ല് കി​ണ​റി​യി​ലെ തൊ​ടി​യി​ൽ വ​ച്ചി​രു​ന്നു.

വെ​ടി​യേ​റ്റ​തോ​ടെ ബോ​ധം ന​ഷ്ട​പ്പെ​ട്ട ക​ര​ടി കി​ണ​റി​ന്‍റെ ആ​ഴ​ത്തി​ലേ​ക്ക് മു​ങ്ങി താ​ണു. വ​നം വ​കു​പ്പ് ഉ​ദ്യോ​ഗ​സ്ഥ​രും നാ​ട്ടു​കാ​രും കി​ണ​റി​ൽ ഇ​റ​ങ്ങി ക​ര​ടി​യെ ര​ക്ഷ​പെ​ടു​ത്താ​ൻ ശ്ര​മി​ച്ചെ​ങ്കി​ലും പ്ര​തി​കൂ​ല അ​വ​സ്ഥ​യെ​ത്തു​ട​ർ​ന്ന് തി​രി​ച്ചു ക​യ​റു​ക​യാ​യി​രു​ന്നു.

ഒ​ടു​വി​ൽ കി​ണ​റി​ലെ വെ​ള്ളം വ​റ്റി​ക്കാ​നു​ള്ള നീ​ക്ക​ം ആരംഭിച്ചു. ഇ​തി​നാ​യി ര​ണ്ടു മോ​ട്ടോ​റു​ക​ൾ എ​ത്തി​ച്ചു കി​ണ​ർ വ​റ്റി​ച്ചു. ഏറെനേരം വെ​ള്ള​ത്തി​ൽ മു​ങ്ങി​ക്കി​ട​ന്ന ക​ര​ടി ര​ക്ഷ​പ്പെ​ടാ​നു​ള്ള സാ​ധ്യ​ത​യി​ല്ലെ​ന്നും ഇ​ത് സ​ങ്ക​ട​ക​ര​മാ​യ അ​വ​സ്ഥ​യാ​ണെ​ന്നും ഡോ​ക്ട​ർ ജേ​ക്ക​ബ് അ​ല​ക്‌​സാ​ണ്ട​ർ പ​റ​ഞ്ഞു.

മ​തി​യാ​യ ക്ര​മീ​ക​ര​ണ​ങ്ങ​ൾ ന​ട​ത്തി​യാ​ണ് മ​യ​ക്കു വെ​ടി വ​ച്ച​തെ​ന്നും ക​ര​ടി മു​ങ്ങി​പ്പോ​കാ​തെ കി​ണ​റി​ൽ സ്ഥാ​പി​ച്ച വ​ല​യു​ടെ ഒ​രു വ​ശം ച​രി​ഞ്ഞ​താ​ണ് ക​ര​ടി വെ​ള്ള​ത്തി​ൽ മു​ങ്ങി​പ്പോ​കാ​ൻ കാ​ര​ണ​മെ​ന്നും ഡോ​ക്ട​ർ പ​റ​ഞ്ഞു.

അ​തേ​സ​മ​യം വെ​ള്ള​ത്തി​ൽ വ​ച്ച് ത​ന്നെ ക​ര​ടി​യെ മ​യ​ക്കു​വെ​ടി വ​ച്ച​താ​ണ് ക​ര​ടി മു​ങ്ങി​പ്പോ​കാ​ൻ കാ​ര​ണ​മെ​ന്നു​ള്ള ആ​രോ​പ​ണ​ങ്ങ​ളും ഉ​യ​രു​ന്നു​ണ്ട്. വ​ന​ത്തി​ൽ നി​ന്നും അ​ക​ലെ​യാ​ണ് ഈ ​ഗ്രാ​മം. എ​ന്നാ​ൽ ക​ര​ടി എ​വി​ടെ നി​ന്നും വ​ന്നു​വെ​ന്ന് ആ​ർ​ക്കും അ​റി​യി​ല്ല. കി​ണ​റ്റി​ൽ ക​ര​ടി വീ​ണ​തി​നെ തു​ട​ർ​ന്ന് ഭീ​തി​യി​ലാ​ണ് നാ​ട്ടു​കാ​ർ.