വടകര : വിദ്യാർഥിനിക്ക് അശ്ലീല സന്ദേശം അയച്ച സ്കൂൾ പ്രിൻസിപ്പൽ പോക്സോ കേസിൽ അറസ്റ്റിൽ. മടപ്പള്ളി ഗവ.വൊക്കേഷണൽ ഹയർ സെക്കന്‍ഡറി സ്കൂൾ പ്രിൻസിപ്പൽ ഓർക്കാട്ടേരി കണ്ടോത്ത്താഴെകുനി ബാലകൃഷ്ണനെ (53) യാണ് ചോമ്പാല എസ്ഐ രഞ്ജിത്ത് അറസ്റ്റ് ചെയ്തത്.
പ്ലസ്ടു വിദ്യാര്‍ഥിനിക്ക് നിരന്തരം മാനഹാനിയുണ്ടാക്കുന്ന അശ്ലീല വാട്സാപ്പ് സന്ദേശമയച്ചതിനെ തുടർന്ന് വിദ്യാര്‍ഥിനി പരാതിയുമായി തിങ്കളാഴ്ച്ച സ്കൂളിലെത്തുകയായിരുന്നു.
സംഭവം വിവാദമായതിനെ തുടർന്ന് വിദ്യാര്‍ഥിനികളുൾപെടെയുള്ളവർ സ്കൂളിലും പുറത്തും സംഘടിച്ചത് സംഘർഷത്തിനിടയാക്കുകയും ചോമ്പാല പോലീസ് സ്കൂളിലെത്തി പ്രിൻസിപ്പലിനെ കസ്റ്റഡിയിലെടുക്കുകയായിരുന്നു.
വിദ്യാര്‍ഥിനി അധ്യാപികയോടൊപ്പം നൽകിയ പരാതിയിലാണ് പോലീസ് കേസെടുത്തത്. അധ്യാപകനെതിരേ വകുപ്പുതല നടപടിയുണ്ടാകും.
