റാഞ്ചി: മോഡലായ യുവതിയെ പീഡിപ്പിക്കുകയും ഭീഷണിപ്പെടുത്തുകയും ചെയ്ത കേസില്‍ യുവാവ് അറസ്റ്റില്‍.ജാര്‍ഖണ്ഡിലെ റാഞ്ചി സ്വദേശിയായി തന്‍വീര്‍ ഖാനെ ബിഹാറിലെ അരാരിയ ജില്ലയില്‍ നിന്നുമാണ് അറസ്റ്റ് ചെയ്തത്.
പെണ്‍കുട്ടി മുംബൈ പോലീസിലാണ് പ്രതിക്കെതിരെ പരാതി നല്‍കിയത്. ബിഹാറിലെ ഭഗല്‍പുര്‍ സ്വദേശിയായ പെണ്‍കുട്ടി മോഡലിങ്ങിനായാണ് റാഞ്ചിയിലെത്തിയത്.
ഇവിടെ വച്ചാണ് പ്രതിയെ പരിചയപ്പെടുന്നത്. 2021 മുതല്‍ പ്രതി നിരന്തരം പീഡിപ്പിച്ചിരുന്നുവെന്നാണ് പെണ്‍കുട്ടി പോലീസില്‍ നല്‍കിയ പരാതിയില്‍ പറയുന്നത്.
പീഡനത്തെക്കുറിച്ച് ആരോടെങ്കിലും വെളിപ്പെടുത്തിയാല്‍ അപായപ്പെടുത്തുമെന്നും പറഞ്ഞ് പ്രതി ഭീഷണിപ്പെടുത്തിയിരുന്നതായി പെണ്‍കുട്ടി ആരോപിക്കുന്നു.
എന്നാല്‍ ആരോപണങ്ങളെല്ലാം പ്രതി നിഷേധിച്ചു.തന്നെ കുടുക്കാനുള്ള ശ്രമമാണിതെന്നാണ് പ്രതിയുടെ വാദം.
