കത്തിജ്വലിച്ച് സൂര്യൻ…രാജ്യത്ത് അ​ഞ്ചു ദി​വ​സം ക​ടു​ത്ത ചൂ​ടി​ന് സാ​ധ്യ​ത; താപനില വർധനവ് ഞെട്ടിക്കുന്നത്

ന്യൂ​ഡ​ൽ​ഹി: രാ​ജ്യ​ത്ത് അ​ടു​ത്ത അ​ഞ്ചു ദി​വ​സം താ​പ​നി​ല ഉ​യ​രാ​ൻ സാ​ധ്യ​ത​യു​ണ്ടെ​ന്ന് കേ​ന്ദ്ര കാ​ലാ​വ​സ്ഥാ വ​കു​പ്പ്. താ​പ​നി​ല​യി​ൽ ര​ണ്ടു മു​ത​ൽ നാ​ല് ഡി​ഗ്രി​യു​ടെ വ​രെ വ​ർ​ധ​ന​വു​ണ്ടാ​വും.

രാ​ജ്യ​ത്തി​ന്‍റെ എ​ല്ലാ ഭാ​ഗ​ത്തും ചൂ​ട് കു​ടു​മെ​ന്നും കാ​ലാ​വ​സ്ഥാ നി​രീ​ക്ഷ​ണ കേ​ന്ദ്രം പ്ര​വ​ചി​ക്കു​ന്നു. ഏ​പ്രി​ൽ മു​ത​ൽ ജൂ​ണ്‍ വ​രെ​യു​ള്ള മാ​സ​ങ്ങ​ളി​ൽ താ​പ​നി​ല ഉ​യ​രു​മെ​ന്നും കേ​ന്ദ്ര കാ​ലാ​വ​സ്ഥാ നി​രീ​ക്ഷ​ണ കേ​ന്ദ്രം നേ​ര​ത്തേ വ്യ​ക്ത​മാ​ക്കി​യി​രു​ന്നു.

സാ​ധാ​ര​ണ​യാ​യി ഈ ​മാ​സ​ങ്ങ​ളി​ൽ അ​നു​ഭ​വ​പ്പെ​ട്ടി​രു​ന്ന താ​പ​നി​ല​യേ​ക്കാ​ൾ കൂ​ടു​ത​ൽ ഈ ​വ​ർ​ഷ​മു​ണ്ടാ​വു​മെ​ന്നാ​യി​രു​ന്നു പ്ര​വ​ച​നം.

ബി​ഹാ​ർ, ജാ​ർ​ഖ​ണ്ഡ്, ഉ​ത്ത​ർ​പ്ര​ദേ​ശ്, ഒ​ഡീ​ഷ, പ​ശ്ചി​മ​ബം​ഗാ​ൾ, ഛത്തീ​സ​ഗ​ഡ്, മ​ഹാ​രാ​ഷ്‌​ട്ര, ഗു​ജ​റാ​ത്ത്, പ​ഞ്ചാ​ബ്, ഹ​രി​യാ​ന തു​ട​ങ്ങി​യ സം​സ്ഥാ​ന​ങ്ങ​ളി​ൽ ഉ​ഷ്ണ ത​രം​ഗ​ത്തി​നും മ​ധ്യ​പ്ര​ദേ​ശ്, ഒ​ഡീ​ഷ, മ​ഹാ​രാ​ഷ്‌​ട്ര, ഛത്തീ​സ്ഗ​ഡ് സം​സ്ഥാ​ന​ങ്ങ​ളി​ൽ വ​രും ദി​വ​സ​ങ്ങ​ളി​ൽ ശ​ക്ത​മാ​യ ഇ​ടി​മി​ന്ന​ലി​നും കാ​റ്റി​നും സാ​ധ്യ​ത​യു​ണ്ടെ​ന്നും കാ​ലാ​വ​സ്ഥാ നി​രീ​ക്ഷ​ണ കേ​ന്ദ്രം അ​റി​യി​ച്ചി​രു​ന്നു.

1901നു​ശേ​ഷ​മു​ള്ള ഏ​റ്റ​വും വ​ലി​യ താ​പ​നി​ല​യാ​ണ് ഈ ​വ​ർ​ഷം ഫെ​ബ്രു​വ​രി​യി​ൽ ഇ​ന്ത്യ​യി​ൽ അ​നു​ഭ​വ​പ്പെ​ട്ട​ത്.