ഇരിട്ടി(കണ്ണൂർ): ലോഡ്ജില്‍ മുറിയെടുത്ത് താമസിച്ചയാള്‍ ഇരുപതിനായിരം രൂപ വില വരുന്ന എല്‍ഇഡി ടിവിയുമായി കടന്നുകളഞ്ഞു. ഇരിട്ടി നിത്യസഹായമാതാ പള്ളിക്ക് സമീപമുള്ള ഇസെഡ് സ്‌ക്വയര്‍ എന്ന ലോഡ്ജില്‍ ശങ്കരനാരായണന്‍ എന്ന പേരില്‍ താമസമാക്കിയ വിരുതനാണ് ടിവിയുമായി സ്ഥലം വിട്ടത്.
15ന് മുറിയെടുത്ത ഇയാള്‍ 17നാണ് സ്ഥലംവിട്ടത്. ക്ഷേത്രദര്‍ശനത്തിന് പോകുന്നുവെന്ന് പറഞ്ഞ് ലോഡ്ജില്‍ നിന്ന് പോയ ഇയാള്‍ തിരിച്ചെത്താത്തതിനാല്‍ സംശയം തോന്നി ജീവനക്കാര്‍ മുറി പരിശോധിച്ചപ്പോഴാണ് ടിവി കവര്‍ച്ച ചെയ്തത് മനസിലായത്. ഇരിട്ടി പോലീസ് കേസെടുത്ത് അന്വേഷണം തുടങ്ങി.
