വല വിരിച്ച് പോലീസ് കാത്തിരിക്കുന്നു;  കൊ​ച്ചി​യി​ലെ മോ​ഷ​ണപരമ്പര;  പോലീസ് തേടുന്ന മു​ത്തു​ശെ​ൽ​വം ഒ​ളി​വി​ൽ​ത​ന്നെ

കൊ​ച്ചി: കൊ​ച്ചി ന​ഗ​ര​ത്തെ ഭീ​തി​യി​ലാ​ഴ്ത്തി വി​വി​ധ​യി​ട​ങ്ങ​ളി​ൽ മോ​ഷ​ണം ന​ട​ത്തി​യ ത​മി​ഴ്നാ​ട് സ്വ​ദേ​ശി മു​ത്തു​ശെ​ൽ​വ​ത്തെ തേ​ടി പോ​ലീ​സ് പ​ര​ക്കം പാ​യു​ന്പോ​ഴും പ്ര​തി ഒ​ളി​വി​ൽ​ത​ന്നെ. ഇ​തി​നോ​ട​കം നി​ര​വ​ധി സ്ഥ​ല​ങ്ങ​ളി​ൽ പ്ര​തി​ക്കാ​യി തെ​ര​ച്ചി​ൽ ന​ട​ത്തി​യെ​ങ്കി​ലും പി​ടി​കൂ​ടാ​നാ​യി​ട്ടി​ല്ലെ​ന്ന് പോ​ലീ​സ് പ​റ​യു​ന്നു.

എ​റ​ണാ​കു​ളം ദി​വാ​ൻ​സ് റോ​ഡി​ലെ ര​ണ്ടു സ്ഥാ​പ​ന​ങ്ങ​ളി​ൽ മോ​ഷ​ണ​വും നാ​ലി​ട​ത്ത് മോ​ഷ​ണ​ശ്ര​മ​വും ന​ട​ന്ന​തി​നു പി​ന്നാ​ലെ​യാ​ണ് മു​ത്തു​ശെ​ൽ​വം കൊ​ച്ചി​യി​ലെ​ത്തി​യ​താ​യി പോ​ലീ​സ് തി​രി​ച്ച​റി​ഞ്ഞ​ത്. ദി​വാ​ൻ​സ് റോ​ഡി​ൽ പ്ര​വ​ർ​ത്തി​ക്കു​ന്ന ശ്രീ​റാം ഫി​നാ​ൻ​സ്, സൈ​ൻ പ്രി​ന്‍റിം​ഗ് എ​ന്നീ സ്ഥാ​പ​ന​ങ്ങ​ളി​ലാ​ണു ഏ​താ​നും ദി​വ​സം​മു​ന്പ് മോ​ഷ​ണം ന​ട​ന്ന​ത്. സ്വ​ർ​ണ നാ​ണ​യ​വും പ​ണ​വു​മാ​ണു ര​ണ്ടി​ട​ങ്ങ​ളി​ൽ​നി​ന്നാ​യി ന​ഷ്ട​മാ​യ​ത്.

മു​ന്പ് പ​ല​കു​റി എ​റ​ണാ​കു​ളം ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ മോ​ഷ​ണം ന​ട​ത്തി​യി​ട്ടു​ള്ള​യാ​ളാ​ണ് മു​ത്തു​ശെ​ൽ​വം. പി​ന്നീ​ട് ത​മി​ഴ്നാ​ട് പോ​ലീ​സ് പി​ടി​കൂ​ടി റി​മാ​ൻ​ഡ് ചെ​യ്ത പ്ര​തി ജ​യി​ൽ​ശി​ക്ഷ ക​ഴി​ഞ്ഞി​റ​ങ്ങി മോ​ഷ​ണം ന​ട​ത്തി​വ​രി​ക​യാ​യി​രു​ന്നു. പ്ര​തി​യെ​ത്തേ​ടി എ​റ​ണാ​കു​ളം സെ​ൻ​ട്ര​ൽ പോ​ലീ​സ് അ​ന്വേ​ഷ​ണം ഉൗ​ർ​ജി​ത​മാ​ക്കി​യി​രി​ക്കെ ര​ണ്ടി​ട​ങ്ങ​ളി​ൽ​കൂ​ടി മു​ത്തു​ശെ​ൽ​വം മോ​ഷ​ണം ന​ട​ത്തി.

ഇ​തി​ൽ ഒ​രു വീ​ട്ടി​ൽ​നി​ന്നു പ​ണം ന​ഷ്ട​പ്പെ​ട്ടി​ട്ടു​ണ്ട്. സി​സി​ടി​വി കാ​മ​റ​ക​ളു​ടെ പ​രി​ശോ​ധ​ന​യി​ൽ​നി​ന്നു​മാ​ണു മു​ത്തു​സെ​ൽ​വ​നാ​ണ് ഈ ​മോ​ഷ​ണ​ങ്ങ​ൾ​ക്കു പി​ന്നി​ലെ​ന്നും പോ​ലീ​സ് തി​രി​ച്ച​റി​ഞ്ഞ​ത്. രാ​ത്രി​യി​ൽ ഉ​ൾ​പ്പെ​ടെ വ​ൻ പ​ട്രോ​ളിം​ഗാ​ണു കൊ​ച്ചി സി​റ്റി പോ​ലീ​സി​ന്‍റെ നേ​തൃ​ത്വ​ത്തി​ൽ കൊ​ച്ചി ന​ഗ​ര​ത്തി​ലും സ​മീ​പ​പ്ര​ദേ​ശ​ങ്ങ​ളി​ലും ന​ട​ത്തി​വ​രു​ന്ന​തെ​ങ്കി​ലും പ്ര​തി​യെ പി​ടി​കൂ​ടാ​നാ​യി​ട്ടി​ല്ല.