തില്ലങ്കേരി: പോലീസ് ചമഞ്ഞു യുവതിയുടെ ബാഗ് പരിശോധിക്കാൻ ശ്രമിച്ച നാലുപേർ അറസ്റ്റിൽ. തില്ലങ്കേരി ടൗണിൽ ഇന്നലെ ഉച്ചക്ക് 12.30 ഓടെയാണ് സംഭവം.
തില്ലങ്കേരി സ്വദേശികളായ സുവിൻ (26), വൈഷ്ണവ് ( 24), അഭിഷേക് (25), മിഥുൻ (26) എന്നിവരെ യുവതിയുടെ പരാതി പ്രകാരം മുഴക്കുന്ന് പോലീസ് അറസ്റ്റ് ചെയ്തത്.
തില്ലങ്കേരി ടൗണിൽ വച്ച് തന്നെ പോലീസ് ആണെന്ന് പറഞ്ഞെത്തിയ നാലു യുവാക്കൾ ബലമായി തടഞ്ഞുവെച്ചു ബാഗ് പരിശോധിക്കാൻ ശ്രമിച്ചുവെന്നാണ് യുവതി മുഴക്കുന്ന് പോലീസിൽ നൽകിയ പരാതിയിൽ പറയുന്നത്.
യുവതിയുടെ പരാതിയുടെ അടിസ്ഥാനത്തിൽ പോലീസ് നടത്തിയ അന്വേഷണത്തിലാണ് നാലുപേരും പിടിയിലാകുന്നത്.
