ജോഷി വള്ളിത്തല കഥ, തിരക്കഥ, സംഭാഷണം എഴുതി സംവിധാനം ചെയ്ത ചിത്രം തിരുത്ത് 21 ന് തിയറ്ററുകലിലെത്തും. എ എം കെ പ്രൊഡക്ഷൻസിന്‍റെ ബാനറിൽ ശ്രീരേഖ അനിൽ ചിത്രം നിർമിക്കുന്നു. കണ്ണൂർ ജില്ലയുടെ മലയോര കുടിയേറ്റമേഖലയായ ഇരിട്ടി-പടിയൂർ ഗ്രാമത്തിലെ നാട്ടുകാർക്കൊപ്പം, പ്രദേശത്തെ പള്ളി വികാരി ഫാദർ എയ്ഷൽ ആനക്കല്ലിൽ, എംപി അഡ്വ. പി. സന്തോഷ്‌ കുമാർ എന്നിവർ അഭിനയിച്ചിരിക്കുന്നു.
ഈ ഗ്രാമത്തിലെ ഡോക്ടർ, ഐ ടി പ്രഫഷണൽ കൂടിയായ നിർമാതാവ്, റെയിൽവേ, പോലീസ്, നഴ്സ്, സെയിൽസ്, കർഷക തൊഴിലാളികൾ തുടങ്ങി വിവിധ മേഖലകളിൽ ജോലി ചെയ്യുന്ന സാധാരണ ക്കാരായവർ, വീട്ടമ്മമാർ, വിദ്യാർഥികൾ ഉൾപ്പെടെ ഒരു നാട് മുഴുവൻ സിനിമക്ക് വേണ്ടി ഒത്തൊരുമിച്ചു പ്രവർത്തിച്ചിരിക്കുന്നു.
ജോഷി വെള്ളിത്തല, അലൻസാജ്‌, നിമിഷറോയ്‌സ് വെള്ളപ്പള്ളിയിൽ, ഹൃദ്യ സന്തോഷ്‌, നിരാമയ്, പ്രശാന്ത് പടിയൂർ, യദുകൃഷ്ണ, സഗൽ എം ജോളി, ശ്രീരേഖ അനിൽ, രാജൻ ചിറമ്മൽ, മുകുന്ദൻ പി വി എന്നിവരും അഭിനയിക്കുന്നു.കാമറ മനു ബെന്നി. എഡിറ്റിംഗ്, ബിജിഎം, ടൈറ്റിൽ ഡിസൈനിംഗ് സുബിൻ മാത്യു. ഗാനരചന സജീവൻ പടിയൂർ, അനിൽ പുനർജനി.
സംഗീതം രാജൻ മാസ്റ്റർ പടിയൂർ, രാധാകൃഷ്ണൻ അകളൂർ. ഗായകർ സുധീപ് കുമാർ, രാജൻ മാസ്റ്റർ പടിയൂർ. ഓർക്കസ്ട്ര സുശാന്ത് പുറവയൽ, മുരളി അപ്പാടത്ത്. ആക്ഷൻസ് ജോഷി വള്ളിത്തല. മേക്കപ്പ് അഭിലാഷ് പണിക്കർ കോട്ടൂർ,രാജിലാൽ. സ്റ്റുഡിയോ ആൻഡ് പോസ്റ്റർ ഡിസൈൻസ് ആർട്ട് ലൈൻ ക്രിയേഷൻസ്, ഇരിട്ടി. അസോസിയേറ്റ് കാമറ അജോഷ് ജോണി. അസോസിയേറ്റ് ഡയറക്ടർ നിറമയി. ചിത്രം 72 ഫിലിം കമ്പനി മാർച്ച് 21 തിയറ്ററിൽ എത്തിക്കുന്നു. പിആർഒ എം.കെ. ഷെജിൻ
