അൽഫോണ്സ് പുത്രൻ നിർമിക്കുന്ന തൊബാമയിലൂടെ സിനിമമേഖലയിലേക്ക് അരങ്ങേറ്റം കുറിക്കുന്ന പുതുമുഖ നായികയെ അദ്ദേഹം മലയാളികൾക്ക് പരിചയപ്പെടുത്തി. പുണ്യ എലിസബത്ത് എന്നാണ് ഇവരുടെ പേര്. ചിത്രത്തിന്‍റെ പോസ്റ്ററിനൊപ്പമാണ് പുണ്യയുടെ ചിത്രവും അണിയറപ്രവർത്തകർ പുറത്തുവിട്ടത്.
മുഹ്സിൻ കാസിം സംവിധാനം ചെയ്യുന്ന ചിത്രത്തിൽ സിജു വിൽസണ്‍, കൃഷ്ണ ശങ്കർ, ഷറഫുദ്ദീൻ എന്നിവരാണ് കേന്ദ്രകഥാപാത്രങ്ങളെ അവതരിപ്പിക്കുന്നവർ. ടി.വി.അശ്വതിയും മുഹ്സിൻ മുഹമ്മദുമാണ് ചിത്രത്തിന്‍റെ തിരക്കഥ തയാറാക്കുന്നത്.
